ವಿಷ್ಣುಸಹಸ್ರನಾಮ-ಎಲ್ಲಾ ಮಂತ್ರಗಳ ಪರಮ ಮಂತ್ರ ಹಾಗೂ ಅತ್ಯುನ್ನತ ಮಂತ್ರ - Vishnu SaharaNama – Ultimate of all Mantra’s

 

                                                              Power of Vishnu Sahasranama

 

ವಿಷ್ಣುಸಹಸ್ರನಾಮ-ಎಲ್ಲಾ ಮಂತ್ರಗಳ ಪರಮ ಮಂತ್ರ
ಹಾಗೂ ಅತ್ಯುನ್ನತ ಮಂತ್ರ

Vishnu SaharaNama – Ultimate of all Mantra’s

ಮೈ ರೋಮಾಂಚನಗೊಳ್ಳುವ ಈ ಸಣ್ಣ ಕತೆಯನ್ನೊಮ್ಮೆ ಪೂರ್ತಿ ಓದಿ.. ಭೀಷ್ಮರು ಹೇಳಿದ ಆ ಮಂತ್ರ ಇಲ್ಲಿದೆ ನೋಡಿ..

ಮನುಷ್ಯನ ಆಯಸ್ಸು ನೂರು ವರ್ಷ.ಈ ನೂರು ವರ್ಷಗಳಲ್ಲಿ 36 ಸಾವಿರ ಹಗಲು ಮತ್ತು 36 ಸಾವಿರ ರಾತ್ರಿಗಳಿವೆ. ಮನುಷ್ಯ ದೇಹ 72 ಸಾವಿರ ನಾಡಿಗಳಿಂದಾಗಿದೆ. ಈ ನಾಡಿಗಳಲ್ಲಿ 36 ಸಾವಿರ ನಾಡಿಗಳು ಎಡ ಭಾಗದಲ್ಲೂ ಮತ್ತು 36 ಸಾವಿರ ನಾಡಿಗಳು ನಮ್ಮಬಲಭಾಗಲ್ಲೂ ಇರುತ್ತವೆ. ಈ ನಾಡಿಗಳಲ್ಲಿ ರಕ್ತ ಸಂಚಾರ ಸರಿಯಾಗಿ ಆದರೆ ಮನುಷ್ಯನಿಗೆ ಯಾವುದೇ ರೋಗ ಬರಲಾರದು.

ವೇದಗಳ ಸಾರವಾದ ಬ್ರಹತೀಸಹಸ್ರದಲ್ಲಿ ಒಂದು ಸಾವಿರ ಮಂತ್ರಗಳಿವೆ, ಹಾಗೂ ಈ ಒಂದು ಸಾವಿರ ಮಂತ್ರದಲ್ಲಿ 72 ,000 ಅಕ್ಷರಗಳಿವೆ. ಈ ಒಂದು ಸಾವಿರ ಮಂತ್ರಗಳ ಸಾರವನ್ನು ಒಂದು ಸಾವಿರ ನಾಮಗಳ ರೂಪದಲ್ಲಿ ವೇದವ್ಯಾಸರು ನಮಗೆ ಕರುಣಿಸಿದ್ದಾರೆ..

ವಿಷ್ಣುಸಹಸ್ರನಾಮವನ್ನು ಪಠಿಸುವುದರಿಂದ ನಾವು ಬ್ರಹತೀಸಹಸ್ರದ 72 ಸಾವಿರ ಅಕ್ಷರಗಳನ್ನು ಜಪಿಸಿದಂತಾಗುತ್ತದೆ. ಇದರಿಂದ ನಮ್ಮ 72 ಸಾವಿರ ನಾಡಿಗಳಲ್ಲಿ ಪೂರ್ಣಪ್ರಮಾಣದ ರಕ್ತ ಸಂಚಾರವಾಗುತ್ತದೆ. ಆದ್ದರಿಂದ ವಿಷ್ಣುಸಹಸ್ರನಾಮ ಭವರೋಗ ಪರಿಹಾರಕ. ಆದರೆ ಅರ್ಥ ತಿಳಿದು ಹೃದಯತುಂಬಿ ಭಕ್ತಿಯಿಂದ ಪಾರಾಯಣ ಮಾಡುವುದು ಮುಖ್ಯ.

 

                                                             Vishnu Sahasranama

 

 ವೇದಗಳಿಗೆ ಕನಿಷ್ಠ 3 ಅರ್ಥಗಳಿವೆ, ಮಹಾಭಾರತ ಶ್ಲೋಕಗಳಿಗೆ ಕನಿಷ್ಠ 10 ಅರ್ಥಗಳಿದ್ದರೆ, ಶ್ರೀ ವಿಷ್ಣು ಸಹಸ್ರನಾಮದ ಪ್ರತೀ ನಾಮಕ್ಕೆ ಕನಿಷ್ಠ ನೂರು ಅರ್ಥಗಳಿವೆ. ಈ ಕಾರಣಕ್ಕಾಗಿಯೇ ಪ್ರಾಚೀನರು ಭಗವದ್ಗೀತೆ ಮತ್ತು ಶ್ರೀ ವಿಷ್ಣುಸಹಸ್ರನಾಮವನ್ನು ಅತ್ಯಮೂಲ್ಯ ಗ್ರಂಥವಾಗಿ ಪರಿಗಣಿಸಿದ್ದಾರೆ.
ಶರಪಂಜರದ ಮೇಲೆ ಮಲಗಿದ್ದ ಭೀಷ್ಮರನ್ನು ಧರ್ಮರಾಜ ಕೇಳುತ್ತಾನೆ ‘ಇಡೀ ಜಗತ್ತಿನ ದೈವ ಯಾರು ?

ಯಾರ ಸ್ತುತಿ, ಕೀರ್ತನೆ, ಅರ್ಚನೆಯಿಂದ ನಮಗೆ ಶ್ರೇಯಸ್ಸಾಗುತ್ತದೆ ? ಸಮಸ್ತ ಧರ್ಮಗಳಲ್ಲಿ ಶ್ರೇಷ್ಠ ಧರ್ಮ ಯಾವುದು? ಯಾರ ಜಪ ಮಾಡುವುದರಿಂದ ಸಮಸ್ತ ಪಾಪ, ಜನನ-ಮರಣಗಳ ಚಕ್ರದಿಂದ ಮುಕ್ತರಾಗಬಹುದು’? ಈ ಎಲ್ಲ ಪ್ರಶ್ನೆಗಳಿಗೂ ಭೀಷ್ಮಾಚಾರ್ಯರು "ಶ್ರೀ ವಿಷ್ಣು ಸಹಸ್ರನಾಮವೆಂದು" ಒಂದೇ ಉತ್ತರ ಹೇಳುತ್ತಾರೆ. ಅದಕ್ಕೆ ತಮ್ಮ ಜೀವನದ ಪ್ರಸಂಗವೊಂದನ್ನು ಈ ರೀತಿಯಾಗಿ ವಿವರಿಸುತ್ತಾರೆ.

ನಿಮ್ಮನ್ನು ನಾಶಮಾಡಲೆಂದೇ ದುರ್ಯೋಧನನು ಅರಗಿನ ಅರಮನೆಯಲ್ಲಿ ಉಳಿಯುವಂತೆ ಮಾಡಿ ರಾತ್ರಿಯಲ್ಲಿ ಅದಕ್ಕೆ ಬೆಂಕಿ ಇಡಿಸಿದ್ದ. ಆದರೆ ವಿದುರನ ದೂರದೃಷ್ಟಿ ನಿಮ್ಮನ್ನೇನೋ ಮೃತ್ಯುದವಡೆಯಿಂದ ಪಾರಾಗಿಸಿತ್ತು. ನಿಮಗೆ ಏನು ಆಗಿಲ್ಲವೆಂದು ತಿಳಿದು ಎಲ್ಲಕ್ಕಿಂತ ಹೆಚ್ಚು ಸಂತೋಷವಾಗಿದ್ದು ನನಗೆ. ಸಂತೋಷವಿರಲಿ, ದುಃಖವಿರಲಿ ಅದನ್ನು ತಾಯಿ ಗಂಗಾಮಾತೆಯೊಡನೆ ಹಂಚಿಕೊಳ್ಳುವುದು ನನಗೆ ಅತ್ಯಂತ ಖುಷಿಯ ಸಂಗತಿಯಾಗಿತ್ತು.

ಹೀಗೇ ಒಂದು ಮುಂಜಾನೆ ಕೈಯಲ್ಲೊಂದು ಊರುಗೋಲು ಹಿಡಿದು ತಾಯಿ ಮಡಿಲೆಡೆಗೆ ಸಾಗುತ್ತಿದ್ದ ನನಗೆ ಮನಸಿನ ತುಂಬಾ ನೀವುಗಳೇ ಆವರಿಸಿಬಿಟ್ಟಿದ್ದಿರಿ . ನೀವು ಅನುಭವಿಸಿದ ಕಷ್ಟಕ್ಕೆ ಮರುಗುತ್ತ ಹೆಜ್ಜೆಹಾಕುತ್ತಿದ್ದ ನಾನು ಊರಿ ನಡೆಯುತ್ತಿದ್ದ ಕೋಲಿನ ತುದಿಗೆ ಆಕಸ್ಮಿಕವಾಗಿ ಓತಿಕ್ಯಾತವೊಂದು ಸಿಲುಕಿ ನರಳಿತು..

                                                                      PIC-1

  

ಆಲೋಚನಾಸರಣಿಗೆ ಭಂಗವಾಗಿದ್ದಕ್ಕೆ ಗೊಣಗಿದ ನಾನು ಕೋಲಿಗೆ ಸಿಲುಕಿದ ಆ ಓತಿಕ್ಯಾತವನ್ನು ಬೀಸಿ ಎಸೆದು ಮುಂದೆ ನಡೆದೆ. ಮುಳ್ಳುಪೊದೆಯ ಮೇಲೆ ಬಿದ್ದ ಅದು ರೋದಿಸುತ್ತ, "ಅಯ್ಯಾ! ಮಹಾನುಭಾವರೇ, ಸ್ವಲ್ಪ ನಿಲ್ಲಿ. ನನ್ನನ್ನು ಬೀಸಿ ಎಸೆದು ಸಂಬಂಧವೇ ಇಲ್ಲದಂತೆ ಹೋಗುತ್ತಿದ್ದೀರಲ್ಲ, ಇದು ಸರಿಯೇ?" ಎಂದಾಗ ನಾನು ‘ಇದರಲ್ಲಿ ನನ್ನದೇನು ತಪ್ಪಿದೆ? ನನ್ನ ಕೋಲಿಗೆ ಸಿಲುಕಿದ್ದು ನೀನೇ ತಾನೆ?!’ ಎಂದಾಗ ‘ಹೌದು! ಸಿಲುಕಿದ್ದು ನಾನೇ. ಆದರೆ ನರಳುತ್ತಿದ್ದ ನನ್ನ ಸ್ಥಿತಿಯನ್ನು ನೋಡಿಯೂ ಮುಳ್ಳಿನ ಪೊದೆಯ ಮೇಲೆ ಎಸೆದಿರಲ್ಲ, ಇದು ನೀವು ತಿಳಿದೂ ಮಾಡಿದ ತಪ್ಪಲ್ಲವೇ? ಹಾಗಾಗಿ ನೀವೂ ನಿಮ್ಮ ಅಂತ್ಯಕಾಲಕ್ಕೆ ಶರಶಯ್ಯೆಯಲ್ಲಿ ನನ್ನಂತೆ ನರಳಿ ಸಾಯುವಂತಾಗಲಿ’ ಎಂದು ಶಪಿಸಿತು. ನನಗೆ ಆಗ ನನ್ನ ತಪ್ಪಿನ ಅರಿವಾಗಿತ್ತು. ಕ್ಷಮೆ ಬೇಡುತ್ತ ಆ ಮುಳ್ಳಿನ ಬೇಲಿಯಿಂದ ಓತಿಕ್ಯಾತವನ್ನು ಮೇಲೆತ್ತಿ ಕಾಪಾಡಲು ಧಾವಿಸಿದರು. ಆದರೆ ಕಾಲ ಮಿಂಚಿತ್ತು. ರಕ್ತಸ್ರಾವಗೊಂಡ ಅದು ಅದಾಗಲೇ ಪ್ರಾಣ ಬಿಟ್ಟಿತು!

ಭೀಷ್ಮಾಚಾರ್ಯರಿಗೆ ವಿಷ್ಣುಸಹಸ್ರನಾಮದ ಶಕ್ತಿ ಸ್ವಯಂ ವೇದ್ಯವಾಗಿತ್ತು. ಅವರು ಮೃತ್ಯುವನ್ನೂ ಸಹ ಆ ಶಕ್ತಿಯಿಂದ ದೂರ ಇಟ್ಟಿದ್ದರು. ಅಷ್ಟೇ ಅಲ್ಲ ಅವರ ಭಕ್ತಿಯ ಶಕ್ತಿಯಿಂದ ಶ್ರೀಕೃಷ್ಣ ಪರಮಾತ್ಮ ಅವರು ಮಲಗಿದ್ದ ಕಡೆಗೆ ಬಂದು ದರ್ಶನ, ಸ್ಪರ್ಶನ ಭಾಗ್ಯನೀಡಿದ. ಭೀಷ್ಮಾಚಾರ್ಯರು ಹೇಳುತ್ತಾರೆ.

‘ನ ವಾಸುದೇವ ಭಕ್ತಾನಾಮ್ ಅಶುಭಂ ವಿದ್ಯತೇಕ್ವಚಿತ್’ ಇದನ್ನು ಪಾರಾಯಣ ಮಾಡುವವರು, ಪರಿಹರಿಸಲಾಗದ ಪರಿಪರಿಯ ಕಷ್ಟಗಳಿಂದ ಬಿಡುಗಡೆ ಹೊಂದುತ್ತಾರೆ. ಅಷ್ಟೇ ಅಲ್ಲ, ವಾಸುದೇವನ ಭಕ್ತರಿಗೆ ಅಶುಭವೆಂಬುದೇ ಇರುವುದಿಲ್ಲ. ಅವರಿಗೆ ಅಪಮೃತ್ಯು, ಮರಣ, ಮುಪ್ಪು ಹಾಗೂ ರೋಗಗಳ ಭಯವಿರುವುದಿಲ್ಲ ಎನ್ನುತ್ತಾರೆ..

"ಇಷ್ಟೇ ಅಲ್ಲದೇ ಪ್ರಾಮಾಣಿಕ ಭಕ್ತಿಶ್ರದ್ಧೆಯಿಂದ ಪಾರಾಯಣ ಮಾಡಿದ್ದೇ ಆದರೆ ಭಗವಂತ ಅಂತಹ ಸುಕೃತಿಗಳಿಗೆ ಸಾಕ್ಷಾತ್ ಮೋಕ್ಷವನ್ನೇ ಕರುಣಿಸುತ್ತಾನೆ".

------------ Hari Om ----------

 

 

ಆಯುಧ ಪೂಜೆ 2026 – Ayudha Pooje 2026

 

                                                                       Ayudha Pooje

 

                                                           Happy Ayudha Pooja
 

  

ಆಯುಧ ಪೂಜೆ 2026 – Ayudha Pooje 2026

ಆಯುಧ ಪೂಜೆ 2026 ರ ಶುಭ ಮುಹೂರ್ತ, ಪೂಜೆ ಮಾಡುವ ರೀತಿ 

ಹಾಗೂ ಅದರ ಮಹತ್ವವೇನು.?

ನವರಾತ್ರಿ ಹಬ್ಬದ ಕೊನೆಯ ದಿನವೆಂದು ಕರೆಯಲಾಗುವ ಮಹಾನವಮಿ ಅಥವಾ ನವರಾತ್ರಿಯ 9ನೇ ದಿನದಂದು ಆಯುಧ ಪೂಜೆಗೆ ವಿಶೇಷ ಮಹತ್ವವಿದೆ. ಆಯುಧ ಪೂಜೆಯನ್ನು ಕೇವಲ ಕರ್ನಾಟಕದಲ್ಲಿ ಮಾತ್ರವಲ್ಲ, ತಮಿಳುನಾಡು, ಆಂಧ್ರಪ್ರದೇಶ, ತೆಲಂಗಾಣ ಮತ್ತು ಕೇರಳದಲ್ಲೂ ನಡೆಸಲಾಗುತ್ತದೆ. ನವರಾತ್ರಿ ಹಬ್ಬದ 9ನೇ ದಿನದಂದು ಅಂದರೆ, ಮಹಾನವಮಿಯಂದು ಕುಶಲಕರ್ಮಿಗಳು ನಿಖರತೆ ಮತ್ತು ಸೃಜನಶೀಲತೆಗಾಗಿ ದೇವರನ್ನು ಬೇಡಿಕೊಳ್ಳುತ್ತಾ ತಮ್ಮ ಉಪಕರಣಗಳಿಗೆ ಪೂಜೆಯನ್ನು ಸಲ್ಲಿಸುತ್ತಾರೆ. ಆಯುಧ ಪೂಜೆ ಹಿಂದೆಲ್ಲಾ ಕೇವಲ ಶಸ್ತ್ರಾಸ್ತ್ರಗಳ ಪೂಜೆಯಾಗಿತ್ತು. ಈ ದಿನದಂದು ರಾಜರು ತಮ್ಮ ಆಯುಧಗಳಿಗೆ ಪೂಜೆಯನ್ನು ಮಾಡುತ್ತಿದ್ದರು. ಆದರೆ, ಇದೀಗ ಎಲ್ಲಾ ರೀತಿಯ ಉಪಕರಣಗಳಿಗೂ ಪೂಜೆಯನ್ನು ಮಾಡಲಾಗುತ್ತದೆ. ಆಯುಧ ಪೂಜೆಯು ಕೌಶಲ್ಯ ಮತ್ತು ನಾವೀನ್ಯತೆಯನ್ನು ಗೌರವಿಸುವ ಪೂಜೆಯಾಗಿದೆ. 2026ರ ಆಯುಧ ಪೂಜೆಯನ್ನು ಅಕ್ಟೋಬರ್‌ 20 ರಂದು ಮಂಗಳವಾರದ ದಿನ ಮಾಡಲಾಗುವುದು. 2026ರ ಆಯುಧ ಪೂಜೆಯ ಕುರಿತು ಸಂಪೂರ್ಣ ಮಾಹಿತಿ ಹೀಗಿದೆ.

1. ಆಯುಧ ಪೂಜೆ 2026ರ ಶುಭ ಮುಹೂರ್ತ:

- ಆಯುಧ ಪೂಜೆ ದಿನಾಂಕ: 2026ರ ಅಕ್ಟೋಬರ್‌20ರಂದು, ಮಂಗಳವಾರ
- ನವಮಿ ತಿಥಿ ಪ್ರಾರಂಭ: 2026ರ ಅಕ್ಟೋಬರ್ 19ರಂದು ಸೋಮವಾರ ಹಗಲು 10:51 am ರಿಂದ
- ನವಮಿ ತಿಥಿ ಮುಕ್ತಾಯ: 2026ರ ಅಕ್ಟೋಬರ್‌ 20ರಂದು, ಮಂಗಳವಾರ ಹಗಲು 12:50 pm ರವರೆಗೆ
- ಆಯುಧ ಪೂಜೆಗೆ ಶುಭ ಸಮಯ: ವಿಜಯ ಮುಹೂರ್ತ 2026ರ ಅಕ್ಟೋಬರ್‌ 20ರಂದು, ಮಂಗಳವಾರ ಮಧ್ಯಾಹ್ನ 02:02 pm ರಿಂದ 02:49 pm ರವರೆಗೆ (ಅವಧಿ : 47 ನಿಮಿಷಗಳು)

2. ಆಯುಧ ಪೂಜೆ ಮಹತ್ವವೇನು.?

ಆಯುಧ ಪೂಜೆಯ ದಿನದಂದು ನಾವು ಕೆಲಸದ ವೇಳೆ ಬಳಸುವ ಉಪಕರಣಗಳನ್ನು, ಯಂತ್ರೋಪಕರಣಗಳನ್ನು ಅಥವಾ ಆಯುಧಗಳನ್ನು ಪೂಜಿಸುವುದರಿಂದ ಅದರ ಬಗ್ಗೆ ಗೌರವದ ಭಾವನೆ ಮೂಡುತ್ತದೆ. ತೃಪ್ತಿಯ ಭಾವನೆಯನ್ನು ಹುಟ್ಟು ಹಾಕುತ್ತದೆ. ಈ ಪೂಜೆಯನ್ನು ಮಾಡುವುದಕ್ಕೂ ಮುನ್ನ ಯಂತ್ರೋಪಕರಣಗಳನ್ನು ಶುಚಿಗೊಳಿಸಲಾಗುತ್ತದೆ. ಅದಕ್ಕೆ ಅರಿಶಿನ, ಕುಂಕುಮ ಅಥವಾ ಶ್ರೀಗಂಧದ ತಿಲಕವನ್ನಿಟ್ಟು, ಹೂವುಗಳಿಂದ ಅಲಂಕರಿಸಲಾಗುತ್ತದೆ. ಇದು ನಾವು ಬಳಸುವ ಯಂತ್ರೋಪಕರಣಗಳಿಗೆ, ಉಪಕರಣಗಳಿಗೆ ಗೌರವವನ್ನು ಸೂಚಿಸುವ ವಿಧಾನವಾಗಿದೆ. ನಮ್ಮಲ್ಲಿ ಅವುಗಳ ಮಹತ್ವವನ್ನು ಹೆಚ್ಚಿಸುತ್ತದೆ. ನಾವು ಮಾಡುವ ಕೆಲಸದ ಮೇಲೆ ಒಲವನ್ನು ಹೆಚ್ಚಿಸುವ ಕೆಲಸವನ್ನು ಈ ಆಯುಧ ಪೂಜೆ ಮಾಡುತ್ತದೆ.

 

                                                                        PIC-1
 

3. ಆಯುಧ ಪೂಜೆಯನ್ನು ಮಾಡುವುದು ಹೇಗೆ.?

1) ಈ ದಿನ ಮನೆ ಅಥವಾ ಕೆಲಸದ ಸ್ಥಳವನ್ನು ಸಂಪೂರ್ಣವಾಗಿ ಸ್ವಚ್ಛಗೊಳಿಸಬೇಕು.

2) ಮಾವಿನ ಎಲೆ ತೋರಣಗಳನ್ನು ಮುಂಭಾಗದ ಬಾಗಿಲಲ್ಲಿ ನೇತು ಹಾಕಲಾಗುತ್ತದೆ.

3) ವಾಹನಗಳನ್ನು ತೊಳೆಯಲಾಗುತ್ತದೆ ಮತ್ತು ಉಪಕರಣಗಳು ಮತ್ತು ಸಲಕರಣೆಗಳನ್ನು ಸ್ವಚ್ಛ ಗೊಳಿಸಲಾಗುತ್ತದೆ.

4) ದೇವತೆಗಳ ಪ್ರತಿಮೆಗಳು ಮತ್ತು ಚಿತ್ರಗಳನ್ನು ಅಲಂಕರಿಸಿ, ಅದಕ್ಕೆ ಅರಶಿನ, ಕುಂಕುಮ ಹಾಗೂ 

ಶ್ರೀಗಂಧವನ್ನು ತಿಲಕದ ರೀತಿ ಇಡಬೇಕು.

5) ಆಯುಧ ಪೊಜೆಯಲ್ಲಿ ಗಣೇಶ, ಲಕ್ಷ್ಮಿ ಮತ್ತು ಸರಸ್ವತಿ ದೇವಿಯನ್ನು ಪೂಜಿಸಲಾಗುತ್ತದೆ.

6) ತಾಜಾ ಹೂವುಗಳಿಂದ ಅಲಂಕಾರವನ್ನು ಮಾಡಲಾಗುತ್ತದೆ.

7) ಬಾಳೆ ಗಿಡಗಳನ್ನು ಕಟ್ಟಲಾಗುತ್ತದೆ.

8) ಏಕಾಗ್ರತೆ ಮತ್ತು ಜ್ಞಾನದ ಆಶೀರ್ವಾದವನ್ನು ಪಡೆಯುವ ಸಲುವಾಗಿ ಬರೆಯುವ ಉಪಕರಣಗಳು, ಪುಸ್ತಕಗಳು ಮತ್ತು ಲ್ಯಾಪ್‌ ಟಾಪ್‌ಗಳನ್ನು ದೇವತೆಗಳ ಮುಂದೆ ಇಟ್ಟು ಪೂಜೆಯನ್ನು ಮಾಡಲಾಗುತ್ತದೆ.

9) ಮಂಡಕ್ಕಿ, ಬೆಲ್ಲ ಹಾಗೂ ಕಡಲೆ ಕಾಳುಗಳನ್ನು ಮಿಶ್ರಣ ಮಾಡಿ ಪ್ರಸಾದವನ್ನು ತಯಾರಿಸಲಾಗುತ್ತದೆ.

10) ಹಣ್ಣುಗಳು, ಬಿಳಿ ಕುಂಬಳಕಾಯಿ ಮತ್ತು ಹೂವುಗಳನ್ನು ದೇವರಿಗೆ ಅರ್ಪಿಸಲಾಗುತ್ತದೆ.

11) ಈ ದಿನ ವಾಹನಗಳಿಗೂ ಪೂಜೆಯನ್ನು ಮಾಡಲಾಗುತ್ತದೆ. ವಾಹನವನ್ನು ಪೂಜಿಸಿದ ಬಳಕ ಅದರ ಚಕ್ರದ ಕೆಳಗೆ ನಿಂಬೆ ಹಣ್ಣುಗಳನ್ನು ಇಟ್ಟು ಅದರ ಮೇಲೆ ವಾಹನವನ್ನು ಚಲಾಯಿಸುವ ಮೂಲಕ ವಾಹನ ಪೂಜೆಯನ್ನು ಪೂರ್ಣಗೊಳಿಸಲಾಗುತ್ತದೆ.

ಆಯುಧ ಪೂಜೆಯ ದಿನ ಉಪಕರಣಗಳನ್ನು ಪೂಜಿಸುವುದರಿಂದ ಅವುಗಳ ಮೇಲೆ ದೇವರ ಶಕ್ತಿ ಮತ್ತು ಆಶೀರ್ವಾದ ಉಳಿಯುತ್ತದೆ. ಅವುಗಳನ್ನು ಬಳಸಿಕೊಂಡು ಯಾವುದೇ ಕೆಲಸಗಳನ್ನು ಮಾಡಿದರೂ ಅದರಂದ ನಮಗೆ ಯಶಸ್ಸು ದೊರೆಯುತ್ತದೆ ಎನ್ನುವ ನಂಬಿಕೆಯಿದೆ.

------------------------- Hari Om -----------------------

 

ಸಿದ್ಧಿದಾತ್ರಿ ದೇವಿ -- सिद्धिदात्री देवी -- Siddhidātri Dēvi

 

                                                                   Siddidhatri Devi

 

Navaratri Day - 9

  ಸಿದ್ಧಿದಾತ್ರಿ ದೇವಿ -- सिद्धिदात्री देवी -- Siddhidātri Dēvi

 

ಸಿದ್ಧಿದಾತ್ರಿ ದೇವಿ( Goddess Siddhidatri) ನವದುರ್ಗೆಯರ ಒಂಬತ್ತನೇ ಮತ್ತು ಅಂತಿಮ ರೂಪವಾಗಿದ್ದು, ನವರಾತ್ರಿಯ ಒಂಬತ್ತನೇ ದಿನದಂದು (ಮಹಾನವಮಿ) ಪೂಜಿಸಲ್ಪಡುತ್ತಾಳೆ.

ಸಿದ್ಧಿ' ಎಂದರೆ ಅಲೌಕಿಕ ಶಕ್ತಿ ಅಥವಾ ಪರಿಪೂರ್ಣತೆ, 'ದಾತ್ರಿ' ಎಂದರೆ ಕೊಡುವವಳು. ಭಕ್ತರಿಗೆ ಸಕಲ ಸಿದ್ಧಿಗಳನ್ನು ಕರುಣಿಸುವವಳು ಈ ದೇವಿ.

 

ಈಕೆ ಕಮಲದ ಹೂವಿನ ಮೇಲೆ ಆಸೀನಳಾಗಿರುತ್ತಾಳೆ (ಸಿಂಹದ ಮೇಲೆ ಸವಾರಿ ಕೂಡ ಮಾಡುತ್ತಾಳೆ). ನಾಲ್ಕು ಕೈಗಳನ್ನು ಹೊಂದಿದ್ದು, ಶಂಖ, ಚಕ್ರ, ಗದೆ ಮತ್ತು ಕಮಲವನ್ನು ಧರಿಸಿದ್ದಾಳೆ.ಶಿವನ ದೇಹದ ಒಂದು ಭಾಗವು ಸಿದ್ಧಿದಾತ್ರಿ ದೇವಿಯದ್ದು ಎಂದು ನಂಬಲಾಗಿದ್ದು, ಇದರಿಂದ ಶಿವನನ್ನು 'ಅರ್ಧನಾರೀಶ್ವರ' ಎಂದು ಕರೆಯಲಾಗುತ್ತದೆ.

 

                                                                           PIC-1
 

 ಮೂಲ ಮಂತ್ರ:

• ಓಂ ದೇವಿ ಸಿದ್ಧಿದಾತ್ರ್ಯೈ ನಮಃ

  ಸಿದ್ಧಿದಾತ್ರಿ ಗಾಯತ್ರಿ ಮಂತ್ರ:

  ಓಂ ಸಿದ್ಧಿದಾತ್ರ್ಯೈ ಚ ವಿದ್ಮಹೇ । ಬ್ರಹ್ಮಪುತ್ರ್ಯೈ ಚ ಧೀಮಹಿ । ತನ್ನೋ ದೇವೀ

  ಪ್ರಚೋದಯಾತ್ ॥

ಬ್ರಹ್ಮಾಂಡದ ಸೃಷ್ಟಿ ಮತ್ತು ತ್ರಿಮೂರ್ತಿಗಳ ಉಗಮ

ಪುರಾಣಗಳ ಪ್ರಕಾರ, ಬ್ರಹ್ಮಾಂಡದ ಸೃಷ್ಟಿಗೂ ಮುನ್ನ ಎಲ್ಲೆಡೆ ಕತ್ತಲೆ ಆವರಿಸಿತ್ತು. ಆಗ ಒಂದು ಸಣ್ಣ ದೈವಿಕ ಬೆಳಕಿನ ಕಿರಣ ಮೂಡಿತು. ಆ ಬೆಳಕು ಕ್ರಮೇಣ ವಿಶಾಲವಾಗಿ ಹರಡಿ ದೇವಿಯ ರೂಪವನ್ನು ಪಡೆಯಿತು. ಆಕೆಯೇ ಮಹಾಶಕ್ತಿ ಶ್ರೀ ಸಿದ್ಧಿದಾತ್ರಿ ದೇವಿ

ದೇವಿಯು ಪ್ರಕಟವಾದ ನಂತರ ತ್ರಿಮೂರ್ತಿಗಳಾದ ಬ್ರಹ್ಮ, ವಿಷ್ಣು ಮತ್ತು ಶಿವನನ್ನು ಸೃಷ್ಟಿಸಿದಳು. ಬ್ರಹ್ಮನಿಗೆ ಸೃಷ್ಟಿಯ ಜವಾಬ್ದಾರಿ, ವಿಷ್ಣುವಿಗೆ ಸ್ಥಿತಿ (ರಕ್ಷಣೆ) ಮತ್ತು ಶಿವನಿಗೆ ಲಯದ (ವಿನಾಶ) ಜವಾಬ್ದಾರಿಯನ್ನು ವಹಿಸಿಕೊಟ್ಟಳು.

 

                                                                            PIC-2

 ಶಿವನಿಗೆ ಅಷ್ಟಸಿದ್ಧಿಗಳ ಅನುಗ್ರಹ

ತ್ರಿಮೂರ್ತಿಗಳು ತಮ್ಮ ದೈವಿಕ ಕರ್ತವ್ಯಗಳನ್ನು ನಿರ್ವಹಿಸಲು ಅಪಾರವಾದ ಶಕ್ತಿ ಮತ್ತು ಜ್ಞಾನದ ಅಗತ್ಯವಿತ್ತು. ಇದಕ್ಕಾಗಿ ಭಗವಾನ್ ಶಿವನು ಸಿದ್ಧಿದಾತ್ರಿ ದೇವಿಯನ್ನು ಕುರಿತು ಕಠಿಣವಾದ ತಪಸ್ಸನ್ನು ಆಚರಿಸಿದನು. ಶಿವನ ಭಕ್ತಿಗೆ ಪ್ರಸನ್ನಳಾದ ತಾಯಿಯು ಆತನಿಗೆ ಅಷ್ಟ ಸಿದ್ಧಿಗಳನ್ನು (ಎಂಟು ಅಲೌಕಿಕ ಶಕ್ತಿಗಳನ್ನು) ಅನುಗ್ರಹಿಸಿದಳು. ಅವುಗಳೆಂದರೆ:

1. ಅಣಿಮಾ: ದೇಹವನ್ನು ಪರಮಾಣುವಿನಷ್ಟು ಅತ್ಯಂತ ಚಿಕ್ಕದಾಗಿಸುವ ಶಕ್ತಿ.

2. ಮಹಿಮಾ: ದೇಹವನ್ನು ಬ್ರಹ್ಮಾಂಡದಷ್ಟು ಬೃಹತ್ ಆಗಿ ಬೆಳೆಸುವ ಶಕ್ತಿ.

3. ಗರಿಮಾ: ದೇಹವನ್ನು ಅತ್ಯಂತ ಭಾರವಾಗಿಸುವ ಶಕ್ತಿ.

4. ಲಘಿಮಾ: ದೇಹವನ್ನು ಗಾಳಿಗಿಂತ ಹಗುರವಾಗಿಸುವ ಶಕ್ತಿ.

5. ಪ್ರಾಪ್ತಿ: ಯಾವುದೇ ಅಡೆತಡೆಯಿಲ್ಲದೆ ಎಲ್ಲಿಗೆ ಬೇಕಾದರೂ ತಲುಪುವ ಶಕ್ತಿ.

6. ಪ್ರಾಕಾಮ್ಯ: ಬಯಸಿದ್ದನ್ನು ತಕ್ಷಣವೇ ಪಡೆಯುವ ಶಕ್ತಿ.

7. ಈಶಿತ್ವ: ಎಲ್ಲದರ ಮೇಲೂ ಸಂಪೂರ್ಣ ಪ್ರಭುತ್ವ ಸಾಧಿಸುವ ಶಕ್ತಿ.

8. ವಶಿತ್ವ: ಯಾರನ್ನಾದರೂ ಅಥವಾ ಯಾವುದನ್ನಾದರೂ ತನ್ನ ವಶಪಡಿಸಿಕೊಳ್ಳುವ ಶಕ್ತಿ.

ಅರ್ಧನಾರೀಶ್ವರ ರೂಪದ ರಹಸ್ಯ

ದೇವಿಯ ಅನುಗ್ರಹದಿಂದ ಸಕಲ ಸಿದ್ಧಿಗಳನ್ನು ಪಡೆದ ಶಿವನ ದೇಹದ ಎಡಭಾಗವು ಸಿದ್ಧಿದಾತ್ರಿ ದೇವಿಯ ಸ್ವರೂಪವಾಗಿ ಮಾರ್ಪಟ್ಟಿತು. ಇದರಿಂದಾಗಿ ಭಗವಾನ್ ಶಿವನು ಅರ್ಧ ಪುರುಷ ಮತ್ತು ಅರ್ಧ ನಾರಿಯ ರೂಪವನ್ನು ಪಡೆದನು. ಈ ದಿವ್ಯ ರೂಪವನ್ನೇ ಜಗತ್ತು 'ಅರ್ಧನಾರೀಶ್ವರ' ಎಂದು ಪೂಜಿಸಲು ಪ್ರಾರಂಭಿಸಿತು. ಇದು ಪುರುಷ ಮತ್ತು ಪ್ರಕೃತಿಯ ಏಕತೆಯನ್ನು ಸಾರುತ್ತದೆ.

ಹನುಮಂತನು ಸಮುದ್ರ ಲಂಘನ ಮಾಡುವಾಗ ದೇಹವನ್ನು ಹಿರಿದಾಗಿಸಿದ್ದು, ಲಂಕೆಯನ್ನು ಹೊಕ್ಕಾಗ ಕಿರಿದಾಗಿಸಿದ್ದು ರಾಮಾಯಣದಲ್ಲಿ ಬರುತ್ತದೆ – ಮಹಿಮಾ, ಅಣಿಮಾಗಳ ಪರಿಚಿತ ಉದಾಹರಣೆ ಅದು.

ನವದುರ್ಗೆಯರ ಸರಣಿಯ ಕ್ರಮವೂ ಇಲ್ಲಿ ಪೂರ್ಣವಾಗುತ್ತದೆ. ಶೈಲಪುತ್ರಿಯಾಗಿ ಹುಟ್ಟಿ, ಬ್ರಹ್ಮಚಾರಿಣಿಯಾಗಿ ತಪಸ್ಸು ಮಾಡಿ, ಸ್ಕಂದಮಾತೆಯಾಗಿ ತಾಯಿಯಾಗಿ, ಕಾತ್ಯಾಯನಿ, ಕಾಳರಾತ್ರಿಯಾಗಿ ದುಷ್ಟರನ್ನು ಸಂಹರಿಸಿ, ಮಹಾಗೌರಿಯಾಗಿ ಪರಿಶುದ್ಧಳಾದ ದೇವಿ, ಕೊನೆಗೆ ಸಿದ್ಧಿದಾತ್ರಿಯಾಗಿ ಎಲ್ಲವನ್ನೂ ಕರುಣಿಸುವವಳಾಗುತ್ತಾಳೆ.

ಕಥೆಯ ಆಧ್ಯಾತ್ಮಿಕ ಸಂದೇಶ

 

ಸಿದ್ಧಿದಾತ್ರಿ ದೇವಿಯು ಕೇವಲ ಅಲೌಕಿಕ ಶಕ್ತಿಗಳನ್ನು ಕೊಡುವವಳಲ್ಲ, ಭಕ್ತರಲ್ಲಿರುವ ಅಜ್ಞಾನವನ್ನು ದೂರಮಾಡಿ ಬ್ರಹ್ಮಜ್ಞಾನವನ್ನು ಕರುಣಿಸುವ ಮೋಕ್ಷಪ್ರದಾಯಿನಿಯಾಗಿದ್ದಾಳೆ. ನವರಾತ್ರಿಯ ಕೊನೆಯ ದಿನದಂದು ತಾಯಿಯನ್ನು ಸಂಪೂರ್ಣ ಶ್ರದ್ಧೆಯಿಂದ ಪ್ರಾರ್ಥಿಸುವುದರಿಂದ ಭಕ್ತರ ಕಠಿಣ ಸಾಧನೆಗೆ ಅಂತಿಮ ಫಲ ಸಿಗುತ್ತದೆ ಮತ್ತು ಜೀವನದಲ್ಲಿ ಪರಿಪೂರ್ಣತೆ ಸಿದ್ಧಿಸುತ್ತದೆ.

  

ಶ್ರೀ ಸಿದ್ಧಿಧಾತ್ರಿ ದೇವಿಯ ಸಂಪೂರ್ಣ ಕಥೆ

ಸಿದ್ಧಿಧಾತ್ರಿ ದೇವಿಯು ನವದುರ್ಗೆಯ ಒಂಬತ್ತನೇ ಮತ್ತು ಕೊನೆಯ ರೂಪ. ನವರಾತ್ರಿಯ ಒಂಬತ್ತನೇ ದಿನ ಮಹಾನವಮಿಯಂದು ದೇವಿಯನ್ನು ವಿಶೇಷವಾಗಿ ಪೂಜಿಸಲಾಗುತ್ತದೆ.
ಸಿದ್ಧಿ ಎಂದರೆ ಸಾಧನೆ ಅಥವಾ ದೈವಿಕ ಶಕ್ತಿ, ಧಾತ್ರಿ ಎಂದರೆ ಕೊಡುವವಳು. ಹೀಗಾಗಿ ಸಿದ್ಧಿಧಾತ್ರಿ ಎಂದರೆ ಸಿದ್ಧಿಗಳನ್ನು ಕರುಣಿಸುವ ತಾಯಿ ಎಂದರ್ಥ.

1. ಸೃಷ್ಟಿಯ ಆದಿಯಲ್ಲಿ ಆದಿಶಕ್ತಿಯ ಮಹಿಮೆ

ಪುರಾಣಗಳಲ್ಲಿನ ದೇವಿಯ ಕುರಿತಾದ ಪರಂಪರೆಯ ಕಥೆಗಳ ಪ್ರಕಾರ, ಈ ಜಗತ್ತಿನ ಸೃಷ್ಟಿ, ಸ್ಥಿತಿ ಮತ್ತು ಲಯಕ್ಕೆ ಮೂಲ ಪರಾಶಕ್ತಿ. ಭಗವಂತನ ಯಾವುದೇ ಕಾರ್ಯವು ಶಕ್ತಿಯಿಲ್ಲದೆ ಪೂರ್ಣವಾಗುವುದಿಲ್ಲ. ಆ ಶಕ್ತಿಯೇ ಆದಿಪರಾಶಕ್ತಿ, ಜಗನ್ಮಾತೆ. ದೇವಿಯು ತನ್ನ ವಿವಿಧ ರೂಪಗಳ ಮೂಲಕ ಜಗತ್ತಿನ ಕಲ್ಯಾಣಕ್ಕಾಗಿ ಕಾರ್ಯನಿರ್ವಹಿಸುತ್ತಾಳೆ. ಆಕೆಯ ಒಂಬತ್ತನೇ ರೂಪವೇ ಸಿದ್ಧಿಧಾತ್ರಿ ದೇವಿ.
ಸಕಲ ಸಿದ್ಧಿಗಳನ್ನೂ ಕರುಣಿಸುವವಳು ಎಂಬ ಕಾರಣದಿಂದ ದೇವಿಯು ಸಿದ್ಧಿಧಾತ್ರಿ ಎಂಬ ಹೆಸರಿನಿಂದ ಪ್ರಸಿದ್ಧಳಾದಳು.

2. ಶಿವನಿಗೆ ಸಿದ್ಧಿಗಳನ್ನು ಕರುಣಿಸಿದ ದೇವಿ

ಸಿದ್ಧಿಧಾತ್ರಿ ದೇವಿಯ ಕಥೆಯಲ್ಲಿ ಶಿವನಿಗೆ ಸಂಬಂಧಿಸಿದ ಒಂದು ಪ್ರಸಿದ್ಧವಾದ ನಂಬಿಕೆಯಿದೆ.
ಸೃಷ್ಟಿಯ ಆದಿಯಲ್ಲಿ ಪರಮಶಿವನು ಆದಿಪರಾಶಕ್ತಿಯನ್ನು ಆರಾಧಿಸಿದನು. ಶಿವನ ಭಕ್ತಿಗೆ ಮೆಚ್ಚಿದ ಜಗನ್ಮಾತೆಯು ಅವನಿಗೆ ಅಷ್ಟಸಿದ್ಧಿಗಳನ್ನು ಕರುಣಿಸಿದಳು ಎಂದು ಜನಪ್ರಿಯ ನವರಾತ್ರಿ ಕಥೆಗಳು ತಿಳಿಸುತ್ತವೆ. ಈ ದೈವಿಕ ಶಕ್ತಿಯ ಅನುಗ್ರಹದಿಂದ ಶಿವನ ದೇಹದ ಅರ್ಧಭಾಗವು ಶಕ್ತಿಯ ರೂಪವಾಯಿತು ಎಂಬ ಪ್ರತೀತಿಯೂ ಇದೆ. ಹೀಗೆ ಶಿವ ಮತ್ತು ಶಕ್ತಿ ಒಂದೇ ದೇಹದಲ್ಲಿ ಐಕ್ಯವಾದ ರೂಪವೇ ಅರ್ಧನಾರೀಶ್ವರ ರೂಪ.

ಈ ರೂಪವು ಪುರುಷತತ್ತ್ವ ಮತ್ತು ಪ್ರಕೃತಿಶಕ್ತಿಯ ಅವಿನಾಭಾವ ಸಂಬಂಧವನ್ನು ಸಂಕೇತಿಸುತ್ತದೆ. ಶಿವನು ಶಕ್ತಿಯಿಲ್ಲದೆ ಪೂರ್ಣನಲ್ಲ, ಶಕ್ತಿಯೂ ಶಿವನಿಂದ ಪ್ರತ್ಯೇಕವಲ್ಲ ಎಂಬ ತತ್ತ್ವವನ್ನು ಇದು ಸಾರುತ್ತದೆ.

3. ಅಷ್ಟಸಿದ್ಧಿಗಳನ್ನು ಕರುಣಿಸುವ ತಾಯಿ

ಸಿದ್ಧಿಧಾತ್ರಿ ದೇವಿಯು ತನ್ನ ಭಕ್ತರಿಗೆ ಎಂಟು ಮಹಾಸಿದ್ಧಿಗಳನ್ನು ಕರುಣಿಸುತ್ತಾಳೆ ಎಂಬ ನಂಬಿಕೆಯಿದೆ.

ಆ ಎಂಟು ಸಿದ್ಧಿಗಳು:

ಅಣಿಮಾ : ಅತಿ ಸೂಕ್ಷ್ಮ ರೂಪವನ್ನು ಹೊಂದುವ ಶಕ್ತಿ.
ಮಹಿಮಾ: ಅಪಾರವಾಗಿ ವಿಸ್ತರಿಸುವ ಶಕ್ತಿ.
ಗರಿಮಾ: ದೇಹ ಅತಿ ಭಾರವಾಗುವ ಶಕ್ತಿ.
ಲಘಿಮಾ: ಅತ್ಯಂತ ಹಗುರವಾಗುವ ಶಕ್ತಿ.
ಪ್ರಾಪ್ತಿ: ಬಯಸಿದುದನ್ನು ಪಡೆಯುವ ಸಾಮರ್ಥ್ಯ.
ಪ್ರಾಕಾಮ್ಯ: ಸಂಕಲ್ಪವನ್ನು ಸಾಕಾರಗೊಳಿಸುವ ಸಾಮರ್ಥ್ಯ.
ಈಶಿತ್ವ: ಅಧಿಪತ್ಯ ಅಥವಾ ನಿಯಂತ್ರಣದ ಶಕ್ತಿ.
ವಶಿತ್ವ: ಇತರರ ಮೇಲೆ ಪ್ರಭಾವ ಬೀರುವ ಅಥವಾ ನಿಯಂತ್ರಿಸುವ ಶಕ್ತಿ.
ಇವು ಹಿಂದೂ ಧಾರ್ಮಿಕ ಪರಂಪರೆಯಲ್ಲಿ ವರ್ಣಿಸಲಾದ ಅಲೌಕಿಕ ಸಿದ್ಧಿಗಳು.

4. ಸಿದ್ಧಿಧಾತ್ರಿ ದೇವಿಯ ಸ್ವರೂಪ

ಸಿದ್ಧಿಧಾತ್ರಿ ದೇವಿಯನ್ನು ಸಾಮಾನ್ಯವಾಗಿ ನಾಲ್ಕು ಕೈಗಳನ್ನು ಹೊಂದಿರುವ ಸುಂದರ ದೇವಿಯಾಗಿ ಚಿತ್ರಿಸಲಾಗುತ್ತದೆ. ದೇವಿಯು ಕಮಲದ ಆಸನದ ಮೇಲೆ ಕುಳಿತಿರುತ್ತಾಳೆ. ನಾಲ್ಕು ಕೈಗಳಲ್ಲಿ ಶಂಖ, ಚಕ್ರ, ಗದೆ ಮತ್ತು ಕಮಲವನ್ನು ಧರಿಸಿರುವ ರೂಪವು ಪ್ರಸಿದ್ಧವಾಗಿದೆ.
ದೇವಿಯು ತನ್ನ ಭಕ್ತರಿಗೆ ಜ್ಞಾನ, ಸಿದ್ಧಿ ಮತ್ತು ಆಧ್ಯಾತ್ಮಿಕ ಉನ್ನತಿಯನ್ನು ಕರುಣಿಸುವ ತಾಯಿಯಾಗಿ ಪೂಜಿಸಲ್ಪಡುತ್ತಾಳೆ.

5. ಸಿದ್ಧಿಧಾತ್ರಿ ದೇವಿಯ ಆರಾಧನೆಯ ಮಹತ್ವ

ನವರಾತ್ರಿಯ ಮೊದಲ ದಿನ ಶೈಲಪುತ್ರಿ ದೇವಿಯಿಂದ ಆರಂಭವಾಗುವ ನವದುರ್ಗೆಯ ಆರಾಧನೆಯು ಒಂಬತ್ತನೇ ದಿನ ಸಿದ್ಧಿಧಾತ್ರಿ ದೇವಿಯ ಪೂಜೆಯೊಂದಿಗೆ ಪೂರ್ಣಗೊಳ್ಳುತ್ತದೆ.
ಭಕ್ತರು ದೇವಿಯನ್ನು ಆರಾಧಿಸುವುದರಿಂದ ತಮ್ಮ ಜೀವನದಲ್ಲಿ ಜ್ಞಾನ, ನೆಮ್ಮದಿ, ಆತ್ಮವಿಶ್ವಾಸ ಮತ್ತು ಆಧ್ಯಾತ್ಮಿಕ ಪ್ರಗತಿ ದೊರೆಯಲಿ ಎಂದು ಪ್ರಾರ್ಥಿಸುತ್ತಾರೆ.
ದೇವಿಯ ಆರಾಧನೆಯು ನಮ್ಮಲ್ಲಿರುವ ಅಹಂಕಾರವನ್ನು ಕಡಿಮೆ ಮಾಡಿಕೊಂಡು, ಸತ್ಕಾರ್ಯಗಳಲ್ಲಿ ತೊಡಗಿಸಿಕೊಂಡು, ದೈವಿಕ ಗುಣಗಳನ್ನು ಬೆಳೆಸಿಕೊಳ್ಳಬೇಕು ಎಂಬ ಸಂದೇಶವನ್ನೂ ನೀಡುತ್ತದೆ.

ಸಿದ್ಧಿಧಾತ್ರಿ ದೇವಿಯ ಮಂತ್ರ

ಓಂ ದೇವಿ ಸಿದ್ಧಿಧಾತ್ರ್ಯೈ ನಮಃ
ಅರ್ಥ: ಸಕಲ ಸಿದ್ಧಿಗಳನ್ನು ಕರುಣಿಸುವ ದೇವಿ ಸಿದ್ಧಿಧಾತ್ರಿಗೆ ನನ್ನ ನಮಸ್ಕಾರ.

ಕಥೆಯ ಸಾರಾಂಶ

ಸಿದ್ಧಿಧಾತ್ರಿ ದೇವಿಯು ಪರಾಶಕ್ತಿಯ ಒಂಬತ್ತನೇ ರೂಪ. ಶಿವನಿಗೆ ಸಿದ್ಧಿಗಳನ್ನು ಕರುಣಿಸಿದವಳು ಎಂಬುದು ಆಕೆಯ ಕುರಿತಾದ ಪ್ರಸಿದ್ಧ ಧಾರ್ಮಿಕ ನಂಬಿಕೆ. ಅರ್ಧನಾರೀಶ್ವರ ತತ್ತ್ವದ ಮೂಲಕ ಶಿವ ಮತ್ತು ಶಕ್ತಿಯ ಏಕತ್ವವನ್ನು ಸಾರುವ ದೇವಿಯು ಭಕ್ತರಿಗೆ ಜ್ಞಾನ, ಸಾಧನೆ ಮತ್ತು ಆಧ್ಯಾತ್ಮಿಕ ಪೂರ್ಣತೆಯ ಸಂಕೇತವಾಗಿದ್ದಾಳೆ.
"ಜೈ ಮಾತಾ ಸಿದ್ಧಿಧಾತ್ರಿ"

 -------------------------- Hari Om --------------------------

 

 

• 
  

ಮಹಾಗೌರಿ -- MahaGauri

 

                                                                        Maha Gauri

 

ಮಹಾಗೌರಿ -- MahaGauri

Navaratri Day - 8

ವಂದೇ ಜಗನ್ಮಾತರಂ

ಇಂದು ಶರನ್ನವರಾತ್ರಿಯ ಎಂಟನೇಯ ದಿನ ಆ ತಾಯಿ ಜಗದಂಬಾ ಶಾಂತ ಸ್ವಭಾವದ ಶ್ರೀ ಗೌರಿಯಾಗಿ ಅವತರಿಸಿ ಎಲ್ಲರನು ರಕ್ಷಿಸಿದ ದಿನ ನವರಾತ್ರಿ ಹಬ್ಬದ 9 ದಿನಗಳಲ್ಲಿ 8ನೇ ದಿನವನ್ನು ದುರ್ಗಾಷ್ಟಮಿ ಎಂದು ಆಚರಿಸಲಾಗುತ್ತದೆ. ದುರ್ಗಾಷ್ಟಮಿ ಅಥವಾ ನವರಾತ್ರಿಯ 8ನೇ ದಿನದಂದು ದುರ್ಗಾ ದೇವಿಯ 8ನೇ ಅವತಾರವಾದ ಮಹಾಗೌರಿ ದೇವಿಯನ್ನು ಪೂಜಿಸುವ ಸಂಪ್ರದಾಯವಿದೆ.

 

                                                                     another Picture

 

ದುರ್ಗಾಷ್ಟಮಿ ದಿನ ಮಹಾಗೌರಿ ಮಂತ್ರ

ಓಂ ದೇವಿ ಮಹಾಗೌರಿಯಾಯೈ ನಮಃ''
''ಓಂ ಸರ್ವಮಂಗಲ ಮಾಂಗಲ್ಯೇ ಶಿವ ಸರ್ವಾರ್ಥಸಾಧಿಕೆ|
ಶರಣ್ಯೇ ತ್ರಯಂಬಕೇ ಗೌರಿ ನಾರಾಯಣಿ ನಮೋಸ್ತುತೇ||''
''ಸರ್ವಬಾಧಾವಿನಿರ್ಮುಕ್ತೋ ಧನಧಾನ್ಯಸುತಾನ್ವಿತಃ|
ಮನುಷ್ಯೋ ಮತ್ಪ್ರಸಾದೇನ ಭವಿಷ್ಯತಿ ನ ಸಂಶಯಃ ||.''

''ಯಾ ದೇವಿ ಸರ್ವಭೂತೇಷು
ಮಹಾಗೌರಿ ರೂಪೇಣ ಸಂಸ್ಥಿತಾ
ನಮಸ್ತಸ್ಯೈ ನಮಸ್ತಸ್ಯೈ ನಮಸ್ತಸ್ಯೈ ನಮೋ ನಮಃ''
''ಓಂ ಏಂ ಹ್ರೀಂ ಕ್ಲೀಂ ಮಹಾಗೌರ್ಯೈ ನಮಃ''
''ಶ್ವೇತೇ ವೃಷೇ ಸಮಾರೂಢಾ ಶ್ವೇತಾಂಬರಧರಾ ಶುಚಿಃ|
ಮಹಾಗೌರೀ ಶುಭಂ ದದ್ಯಾನ್ಮಹಾದೇವಪ್ರಮೋದದಾ|

ಮಹಾಗೌರಿ ದೇವಿಯನ್ನು ಶುದ್ಧತೆ, ಶಾಂತತೆ ಮತ್ತು ಹಿಂದಿನ ಪಾಪಗಳಿಂದ ಮುಕ್ತಿಯನ್ನು ನೀಡುವ ಸಂಕೇತವಾಗಿದ್ದಾಳೆ. ಹಿಂದೂ ಧರ್ಮಗ್ರಂಥಗಳ ಪ್ರಕಾರ, ಶಿವನನ್ನು ಪತಿಯನ್ನಾಗಿ ಪಡೆಯಲು ಕಠಿಣ ತಪಸ್ಸು ಮಾಡಿದಾಗ, ಆಕೆಯ ದೇಹವು ಕಪ್ಪಗಾಗಿತ್ತು. ಆಕೆಯ ಭಕ್ತಿಗೆ ಮೆಚ್ಚಿದ ಶಿವನು, ಗಂಗೆಯ ಪವಿತ್ರ ಜಲವನ್ನು ಆಕೆಯ ಮೇಲೆ ಸುರಿಸುತ್ತಾನೆ. ಇದರಿಂದ ಆಕೆಯ ದೇಹದ ದಿವ್ಯ ಕಾಂತಿಯು ಮರಳಿತು. ಹೀಗಾಗಿ ಆಕೆಗೆ 'ಮಹಾಗೌರಿ' ಎಂಬ ಹೆಸರು ಬಂದಿತು.

'ಮಹಾ' ಎಂದರೆ ದೊಡ್ಡ ಅಥವಾ ಶ್ರೇಷ್ಠ, 'ಗೌರಿ' ಎಂದರೆ ಬಿಳಿ ಅಥವಾ ಕಾಂತಿಯುಕ್ತ ಎಂದರ್ಥ. ಮಹಾಗೌರಿ ದೇವಿಯು ಬಿಳಿ ಬಣ್ಣದ ಎತ್ತಿನ ಮೇಲೆ ಕುಳಿತು ಸವಾರಿಯನ್ನು ಮಾಡುವ ದೇವತೆಯಾಗಿದ್ದಾಳೆ. ಆಕೆಯು ತನ್ನ ಕೈಗಳಲ್ಲಿ ತ್ರಿಶೂಲವನ್ನು, ಡಮರುವನ್ನು ಹಿಡಿದುಕೊಂಡಿರುತ್ತಾನೆ. ಇದಲ್ಲದೇ, ಆಕೆ ತನ್ನ ಭಕ್ತರನ್ನು ರಕ್ಷಿಸಲು ಅಭಯ ಮುದ್ರೆ ಮತ್ತು ವರದ ಮುದ್ರೆಯನ್ನು ಹಿಡಿದುಕೊಂಡಿರುತ್ತಾಳೆ

ಓಂ ಶ್ರೀಂ ಮಹಾಗೌರಿಯೈ: ನಮೋ ನಮಃ

------------------------------- Hari Om --------------------------

 

 

ಸೊನ್ನೇನಹಳ್ಳಿ ಆಂಜನೇಯ ಸ್ವಾಮಿ -- Sonnenahalli Anjaneya Swamy

 

                                                               Sonenahalli Anjaneya Swamy

 

                                                                       Map Location

 

ಸೊನ್ನೇನಹಳ್ಳಿ ಆಂಜನೇಯ ಸ್ವಾಮಿ -- Sonnenahalli

Anjaneya Swamy

ಶ್ರೀ ಕ್ಷೇತ್ರ ಸೊನ್ನೇನಹಳ್ಳಿ

ಈ ಆಂಜನೇಯ ದೇವಾಲಯವು ಹೆಸರಘಟ್ಟದ ​​ಸಮೀಪವಿರುವ ಸೊನ್ನೇನಹಳ್ಳಿಯಲ್ಲಿದ್ದು,  

ಯಲಹಂಕದಿಂದ 21 ಕಿ.ಮೀ ಮತ್ತು ಬೆಂಗಳೂರಿನಿಂದ 30 ಕಿ.ಮೀ ದೂರದಲ್ಲಿದೆ.

This Anjaneya Temple is in Sonnenahalli near Hesarghatta and 21 Kms from Yelahanka and 30 kms from Bengaluru.

 

🌿 ಪಚ್ಚೆ ವರ್ಣದ ದಿವ್ಯ ಕಾಂತಿಯಲ್ಲಿ ಕಂಗೊಳಿಸುವ ಶ್ರೀ ವೀರಾಂಜನೇಯ ಸ್ವಾಮಿಯ ಅದ್ಭುತ ಪಚ್ಚೆ ಅಲಂಕಾರ!

ಹಸಿರಿನ ಪವಿತ್ರತೆಯಲಿ, ಭಕ್ತಿಯ ದಿವ್ಯತೆಯಲಿ, ಅಚಲ ಶೌರ್ಯದ ತೇಜಸ್ಸಿನಲಿ ಕಂಗೊಳಿಸುವ ಶ್ರೀ ವೀರಾಂಜನೇಯ ಸ್ವಾಮಿಯ ಪಚ್ಚೆ ಅಲಂಕಾರವು ಭಕ್ತರ ಕಣ್ಮನ ಸೆಳೆಯುವ ಅಪೂರ್ವ ದರ್ಶನವಾಗಿದೆ. ಹಸಿರು ಬಣ್ಣವು ಸಮೃದ್ಧಿ, ಮಂಗಳ, ನವಚೈತನ್ಯ ಮತ್ತು ಪ್ರಕೃತಿಯ ದೈವಿಕ ಸೌಂದರ್ಯದ ಸಂಕೇತವಾಗಿ ಕಂಗೊಳಿಸುತ್ತಿದ್ದು, ಸ್ವಾಮಿಯ ದಿವ್ಯ ರೂಪಕ್ಕೆ ಮತ್ತಷ್ಟು ಶೋಭೆಯನ್ನು ನೀಡಿದೆ. 

ಅಂಜನಾದೇವಿಯ ಸುಪುತ್ರ, ಪವನಪುತ್ರ, ಶ್ರೀರಾಮಚಂದ್ರನ ಪರಮಭಕ್ತನಾದ ವೀರಾಂಜನೇಯನು ತನ್ನ ಅಪ್ರತಿಮ ಶಕ್ತಿ, ಅಚಲ ಭಕ್ತಿ, ಅಸೀಮ ಧೈರ್ಯ ಮತ್ತು ಅಪ್ರತಿಹತ ಪರಾಕ್ರಮದಿಂದ ಜಗತ್ತಿನ ಭಕ್ತರನ್ನು ಸದಾ ಅನುಗ್ರಹಿಸುತ್ತಾನೆ. ದುಷ್ಟಶಕ್ತಿಗಳ ಸಂಹಾರಕನಾಗಿ, ಶರಣಾಗತರ ರಕ್ಷಕನಾಗಿ, ಸಂಕಟಗಳ ನಿವಾರಕನಾಗಿ ವಿರಾಜಿಸುವ ಆಂಜನೇಯ ಸ್ವಾಮಿಯು ಭಕ್ತರ ಪಾಲಿಗೆ ಧೈರ್ಯ ಮತ್ತು ಆತ್ಮವಿಶ್ವಾಸದ ದಿವ್ಯ ಸ್ವರೂಪವಾಗಿದ್ದಾನೆ. 

ಪಚ್ಚೆ ಹಸಿರಿನ ಅಲಂಕಾರದಲ್ಲಿ ಶಂಖದಂತೆ ಶುಭ್ರವಾದ ಅಲಂಕಾರಿಕ ವಿನ್ಯಾಸಗಳು, ಚಿನ್ನದ ಹೊಳಪಿನ ಆಭರಣಗಳು ಮತ್ತು ದಿವ್ಯ ಪ್ರಭೆಯಿಂದ ಕಂಗೊಳಿಸುವ ಶ್ರೀ ವೀರಾಂಜನೇಯ ಸ್ವಾಮಿಯ ರೂಪವು ಭಕ್ತಿ, ಶಕ್ತಿ ಹಾಗೂ ಸೌಂದರ್ಯದ ಅಪೂರ್ವ ಸಂಗಮವಾಗಿದೆ. ಸ್ವಾಮಿಯ ಈ ಮನಮೋಹಕ ದರ್ಶನವು ಮನದ ಕಲ್ಮಶಗಳನ್ನು ದೂರಮಾಡಿ, ಭಕ್ತರ ಹೃದಯದಲ್ಲಿ ಭರವಸೆ, ಶಾಂತಿ ಮತ್ತು ಭಕ್ತಿಭಾವವನ್ನು ಜಾಗೃತಗೊಳಿಸುವಂತಿದೆ. 

 

                                                                       another Picture

 

ಶ್ರೀ ಹನುಮತೇ ನಮಃ ।

ಶ್ರೀ ವೀರಾಂಜನೇಯ ಸ್ವಾಮಿನೇ ನಮಃ ॥

ಸಾಕ್ಷಾತ್ ಶ್ರೀರಾಮಚಂದ್ರನ ಪರಮಭಕ್ತನಾಗಿ, ವಾಯುಪುತ್ರನಾಗಿ, ಅಪ್ರತಿಮ ಬಲಪರಾಕ್ರಮದ ಪ್ರತೀಕವಾಗಿ ವಿರಾಜಿಸುವ ಶ್ರೀ ವೀರಾಂಜನೇಯ ಸ್ವಾಮಿಯವರು, ಸಂಜೀವಿನಿ ಪರ್ವತವನ್ನು ಕರದಲ್ಲಿ ಧರಿಸಿ, ರತ್ನಖಚಿತ ಕಿರೀಟ, ಬೆಳ್ಳಿಯ ಕವಚಾಭರಣ ಹಾಗೂ ಸುವರ್ಣವರ್ಣದ ರೇಷ್ಮೆ ವಸ್ತ್ರಗಳಿಂದ ವೈಭವೋಪೇತವಾಗಿ ಅಲಂಕೃತರಾಗಿ, ಸುವರ್ಣ ಪತ್ರಮಾಲೆಯ ಮಧ್ಯೆ ವೀರಗಾಂಭೀರ್ಯದಿಂದ ಕಂಗೊಳಿಸುತ್ತಿರುವರು.

ನೀಲಮೇಘ ಶ್ಯಾಮವರ್ಣದ ದಿವ್ಯ ಸ್ವರೂಪಕ್ಕೆ ಬಹುವರ್ಣದ ರೇಷ್ಮೆ ವಸ್ತ್ರಗಳು, ರತ್ನಖಚಿತ ಪದಕಗಳು, ಬಂಗಾರದ ಸರಮಾಲೆಗಳು ಹಾಗೂ ಬೆಳ್ಳಿಯ ಭುಜಕವಚಗಳು ವಿಶೇಷ ಮೆರುಗನ್ನು ನೀಡಿದ್ದು, ಎಡಕರದಲ್ಲಿ ಗದೆಯನ್ನು ಧರಿಸಿ, ಬಲಹಸ್ತದಲ್ಲಿ ಸಂಜೀವಿನಿ ಪರ್ವತವನ್ನು ಎತ್ತಿಹಿಡಿದು ಲೋಕಕಲ್ಯಾಣಕ್ಕಾಗಿ ಸನ್ನದ್ಧನಾಗಿ ನಿಂತಿರುವ ಮಹಾವೀರನ ದರ್ಶನವು ಭಕ್ತರ ಮೈಮನಗಳನ್ನು ಪುಳಕಿತಗೊಳಿಸುವಂತಿದೆ.

ಭಕ್ತರ ಭಯವನ್ನು ದೂರಮಾಡಿ, ಸಂಕಷ್ಟಗಳ ಕತ್ತಲೆಯನ್ನು ಕಳೆದು, ಧೈರ್ಯ, ಶಕ್ತಿ, ವಿಜಯ ಹಾಗೂ ಸನ್ಮಂಗಳವನ್ನು ಕರುಣಿಸುವ ಶ್ರೀ ಆಂಜನೇಯ ಸ್ವಾಮಿಯವರು ಸಕಲ ವಿಘ್ನವಿನಾಶಕರಾಗಿ, ಅಭಯದಾತನಾಗಿ, ಭಕ್ತರ ಸಂರಕ್ಷಣಾರ್ಥ ಸದಾ ಜಾಗೃತನಾಗಿ ವಿರಾಜಿಸುತ್ತಿರುವರು.

॥ ಶ್ರೀ ಸಂಜೀವಿನಿ ಪರ್ವತಧಾರಿಣೇ ನಮಃ ॥
॥ ಶ್ರೀ ರಾಮದೂತಾಯ ನಮಃ ॥
॥ ಶ್ರೀ ವೀರಾಂಜನೇಯ ಸ್ವಾಮಿಗೆ ಜಯ ॥ 

 

                                                            Bhaksya Alankara

                                                           Food & Sweets Decoration

ವೀರಾಂಜನೇಯ ಸ್ವಾಮಿ – ಭಕ್ಷ್ಯ ಅಲಂಕಾರ

ಶ್ರೀ ಕ್ಷೇತ್ರ ಸೊನ್ನೇನಹಳ್ಳಿ

ಶರನ್ನವರಾತ್ರಿಯ ಪಾವನ ದಿನಗಳಲ್ಲಿ ಅನಂತ ರೂಪಗಳಿಂದ ಭಕ್ತರ ಮನಸ್ಸನ್ನು ಭಕ್ತಿರಸದಿಂದ ತುಂಬಿಸುತ್ತಿರುವ ಶ್ರೀ ವೀರಾಂಜನೇಯ ಸ್ವಾಮಿಯು, ಇಂದಿನ ನವಮಿಯ ಶುಭ ಸಂದರ್ಭದಲ್ಲಿ ವೈವಿಧ್ಯಮಯ ಭಕ್ಷ್ಯಗಳ ಅದ್ಭುತ ಅಲಂಕಾರದಲ್ಲಿ ಕಂಗೊಳಿಸುತ್ತಾ ಭಕ್ತರಿಗೆ ದಿವ್ಯದರ್ಶನವನ್ನೀಯುತ್ತಿದ್ದಾನೆ.

ಭಕ್ಷ್ಯ ಅಲಂಕಾರ – ತುಪ್ಪದ ಸಿಹಿ ನೈವೇದ್ಯ

ವಿವಿಧ ಬಗೆಯ ಭಕ್ಷ್ಯಗಳಿಂದ ಸಿಂಗರಿಸಲ್ಪಟ್ಟಿರುವ ಶ್ರೀ ವೀರಾಂಜನೇಯ ಸ್ವಾಮಿಯು, ಭಕ್ತರ ಪ್ರೀತಿ, ಶ್ರದ್ಧೆ ಹಾಗೂ ಭಕ್ತಿಭಾವದ ಸಮರ್ಪಣೆಗೆ ಸಾಕ್ಷಿಯಾಗಿದ್ದಾನೆ. ತುಪ್ಪದ ಸಿಹಿ ತಿನಿಸುಗಳ ನೈವೇದ್ಯದೊಂದಿಗೆ ಕಂಗೊಳಿಸುವ ಈ ಅಲಂಕಾರವು ಸಮೃದ್ಧಿ, ಸಂತೋಷ ಹಾಗೂ ಮಂಗಳದ ಸಂಕೇತವಾಗಿ ಭಾಸವಾಗುತ್ತದೆ. ಪ್ರತಿಯೊಂದು ಭಕ್ಷ್ಯದಲ್ಲೂ ಭಕ್ತಿಯ ಸವಿಯಿದೆ; ಪ್ರತಿಯೊಂದು ಸಮರ್ಪಣೆಯಲ್ಲೂ ಅಚಲ ನಂಬಿಕೆಯಿದೆ.

ನವರಾತ್ರಿಯ ಪ್ರತಿಯೊಂದು ದಿನವೂ ವಿಶಿಷ್ಟ ಅಲಂಕಾರ, ವಿಶಿಷ್ಟ ಭಕ್ತಿಭಾವ ಹಾಗೂ ವಿಶಿಷ್ಟ ಆರಾಧನೆಯ ಮೂಲಕ ದೈವೀ ಮಹಿಮೆಯನ್ನು ಅನುಭವಿಸುವ ಸೌಭಾಗ್ಯ ನಮ್ಮದಾಗಿದೆ. ಇಂದು ಭಕ್ಷ್ಯ ಅಲಂಕಾರದಲ್ಲಿ ವಿರಾಜಮಾನನಾಗಿರುವ ಶ್ರೀ ವೀರಾಂಜನೇಯ ಸ್ವಾಮಿಯ ದರ್ಶನವು ಭಕ್ತರಿಗೆ ಭಕ್ತಿಯ ಸಿಹಿಯನ್ನೂ, ಮನಸ್ಸಿಗೆ ನೆಮ್ಮದಿಯನ್ನೂ, ಜೀವನಕ್ಕೆ ಹೊಸ ಚೈತನ್ಯವನ್ನೂ ನೀಡಲಿ.

ಶ್ರೀ ವೀರಾಂಜನೇಯ ಸ್ವಾಮಿಗೆ ಜಯ!

ಜೈ ಶ್ರೀರಾಮ್! ಜೈ ಹನುಮಾನ್.

------------------------------ Hari Om --------------------------