ಹನುಮಂತನ ಅನುಗ್ರಹವನ್ನು ಪಡೆದುಕೊಳ್ಳುವುದಕ್ಕಾಗಿ ನಾವು ಮಂಗಳವಾರ ಯಾವ ಮಂತ್ರಗಳನ್ನು ಪಠಿಸಬೇಕು ಗೊತ್ತೇ.-- Anjaneya Mantras to be Recited on Every Tuesdays

 

                                                                      Lord Anjaneya

 

ಹನುಮಂತನ ಅನುಗ್ರಹವನ್ನು ಪಡೆದುಕೊಳ್ಳುವುದಕ್ಕಾಗಿ 

ನಾವು ಮಂಗಳವಾರ ಯಾವ ಮಂತ್ರಗಳನ್ನು ಪಠಿಸಬೇಕು 

ಗೊತ್ತೇ.

Anjaneya Mantras to be Recited on Every Tuesdays

 

ಮಂಗಳವಾರ ಪಠಿಸಬೇಕಾದ ಮಂತ್ರ

ಹಿಂದೂ ಧರ್ಮದಲ್ಲಿ ಮಂಗಳವಾರವನ್ನು ಆಂಜನೇಯ ಸ್ವಾಮಿಗೆ ಮತ್ತು ನವಗ್ರಹಗಳಲ್ಲಿ ಒಂದಾದ ಮಂಗಳ ಗ್ರಹಕ್ಕೆ ಸಮರ್ಪಿಸಲಾಗಿದೆ. ಆಂಜನೇಯ ಸ್ವಾಮಿಯು ನಮ್ಮೆಲ್ಲಾ ಸಂಕಷ್ಟಗಳನ್ನು ದೂರ ಮಾಡುವುದರಿಂದ ಆತನನ್ನು ಸಂಕಟಮೋಚನ ಎಂದು ಕರೆಯಲಾಗುತ್ತದೆ. ಹನುಮಂತನ ಮತ್ತು ಮಂಗಳನ ಅನುಗ್ರಹವನ್ನು ಪಡೆದುಕೊಳ್ಳುವುದಕ್ಕಾಗಿ ನಾವು ಮಂಗಳವಾರ ಯಾವ ಮಂತ್ರಗಳನ್ನು ಪಠಿಸಬೇಕು ಗೊತ್ತೇ..? ಮಂಗಳವಾರ ನೀವು ಈ ಮಂತ್ರವನ್ನು ಪಠಿಸಬೇಕು.

ಮಂಗಳ ಮಂತ್ರ:

''ಅಂ ಅಂಗಾರಕಾಯ ಮಹಾಭಾಗಾಯ ನಮಃ''

ಮಂಗಳ ಮಂತ್ರವನ್ನು ಪಠಿಸುವುದು ಹೇಗೆ..?

ಮಂಗಳವಾರದಂದು ಸೂರ್ಯೋದಯದ ಸಮಯದಲ್ಲಿ ಈ ಮಂತ್ರವನ್ನು ಪಠಿಸಿ.
ಮಂತ್ರವನ್ನು ಪ್ರಾರಂಭಿಸುವ ಮುನ್ನ ಗಣಪತಿಯನ್ನು ಪೂಜಿಸಿ.
ಈಶಾನ್ಯ ದಿಕ್ಕಿಗೆ ಮುಖ ಮಾಡಿ ಕುಳಿತು ನೀವು ಈ ಮಂತ್ರವನ್ನು ಪಠಿಸಬೇಕು.
ಕೆಂಪು ಬಣ್ಣದ ಬಟ್ಟೆಯನ್ನು ಧರಿಸಿ, ಈ ಮಂತ್ರವನ್ನು ಪಠಿಸಬೇಕು.

ಒಂದು ಕಲಶಕ್ಕೆ ನೀರು, ಕೆಂಪು ಹೂವುಗಳು ಮತ್ತು ಕೆಂಪು ಚಂದನವನ್ನು ಬೆರೆಸಿ ಕಡುಗೆಂಪು

ಬಟ್ಟೆಯ ಮೇಲೆ ಕಲಶವನ್ನು ಸ್ಥಾಪಿಸಿ. ಹಸುವಿನ ತುಪ್ಪದಿಂದ ದೀಪವನ್ನು ಬೆಳಗಿಸಿ.
ಕೆಂಪು ಚಂದನ, ಕೆಂಪು ಹೂವು, ಅಕ್ಷತೆ ಮತ್ತು ಬೆಲ್ಲದಿಂದ ತಯಾರಿಸಿದ ಸಿಹಿಯನ್ನು ಅರ್ಪಿಸಿ.
ಇದರ ಬಳಿಕ ಮೇಲೆ ಹೇಳಲಾದ ಮಂತ್ರವನ್ನು 108 ಬಾರಿ ಜಪಿಸಿ. 21 ಮಂಗಳವಾರಗಳವರೆಗೆ ನೀವು ಇದನ್ನು ಮಾಡಬೇಕು.

ಮಂತ್ರವನ್ನು ಪಠಿಸಿದ ನಂತರ ಕಲಶವನ್ನು ಅರಳಿ ಮರದ ಕೆಳಗೆ ಇಡಿ ಅಥವಾ ಕಲಶದಲ್ಲಿನ ನೀರನ್ನು ಅರಳಿ ಮರಕ್ಕೆ ಅರ್ಪಿಸಿ.

 

                                                                    Lord Hanuman


ಮಂಗಳವಾರ ಮಂಗಳ ಮಂತ್ರ ಪಠಿಸುವುದರ ಪ್ರಯೋಜನಗಳು:

ಮಂಗಳ ಮಂತ್ರ ಪಠಿಸುವುದರಿಂದ ಜಾತಕದಲ್ಲಿನ ಮಂಗಳ ದೋಷ ದೂರಾಗುವುದು.
ಜೀವನದಲ್ಲಿನ ಅಡೆತಡೆಗಳನ್ನು ದೂರಾಗಿಸಿ, ಸಂತೋಷವನ್ನು ನೀಡುತ್ತದೆ.
ಮಂಗಳ ಮಂತ್ರವು ಓರ್ವ ವ್ಯಕ್ತಿಯನ್ನು ಬಡತನ, ಸಾಲ, ಚರ್ಮರೋಗಗಳಂತಹ ಸಮಸ್ಯೆಗಳಿಂದ ಮುಕ್ತಗೊಳಿಸುತ್ತದೆ.

ಮಂಗಳ ಮಂತ್ರದ ಪಠಣವು ಧೈರ್ಯ, ಚೈತನ್ಯ ಮತ್ತು ಗೌರವವನ್ನು ನೀಡುತ್ತದೆ.
ಮಂಗಳ ಮಂತ್ರವು ಕ್ರೋಧ, ಸುಳ್ಳು ಮತ್ತು ಅಸೂಯೆಯನ್ನು ತೆಗೆದುಹಾಕುತ್ತದೆ ಮತ್ತು ಧೈರ್ಯವನ್ನು ನೀಡುತ್ತದೆ.

ಜೀವನದ ಗುರಿ ಮತ್ತು ಉದ್ದೇಶವನ್ನು ಸಾದಿಸಲು ಸಹಕಾರಿ.
ಜೀವನದಲ್ಲಿ ಎಂತಹುದ್ದೇ ಸಮಸ್ಯೆಗಳಿದ್ದರೂ ಅದನ್ನು ನಿಭಾಯಿಸಲು ನಿಮಗೆ ಸಹಾಯವನ್ನು ಮಾಡುತ್ತದೆ.

ಮಂಗಳವಾರ ಈ ಮೇಲಿನ ಮಂತ್ರವನ್ನು ಪಠಿಸುವುದು ಕೇವಲ ಮಂಗಳ ದೋಷವನ್ನು ನಿವಾರಿಸಿ, ಜೀವನದಲ್ಲಿ ಪ್ರಗತಿ ಸಾಧಿಸುವಂತೆ ಮಾಡುವುದು ಮಾತ್ರವಲ್ಲ, ಹನುಮಂತನ ಆಶೀರ್ವಾದವನ್ನು ಪಡೆದುಕೊಳ್ಳಲು ಕೂಡ ಸಹಕಾರಿಯಾಗಿದೆ.

----------------------------- Hari Om ----------------------