ದೇವರ ಘಂಟೆಯ ಮಹತ್ವದ ವಿಚಾರ -- Significance of the Temple Bell

 

ದೇವರ ಘಂಟೆಯ ಮಹತ್ವದ ವಿಚಾರ --

Significance of the Temple Bell

 

                                    Temple Bell

"ಘಂಟೆಯನಾದ ಶುಭಪ್ರದವಾದದ್ದು"ಎಲ್ಲಿ ಘಂಟೆಯನಾದವಿರುತ್ತೊ ಅಲ್ಲಿ ಪ್ರೇತವಾಗಲಿ , ರಾಕ್ಷಸರಾಗಲಿ ವಾಸವಿರಲ್ಲ... ಅದಕ್ಕಾಗಿಯೇ ಮನೆಯಲ್ಲಿ ಪ್ರತಿದಿನ ಪೂಜೆ ಮಾಡುವಾಗ ಘಂಟೆಗೆ ಪೂಜೆ ಮಾಡಿ ನಂತರ ಪೂಜೆ ಶುರು ಮಾಡುತ್ತೇವೆ..... ಶುಭಕಾರ್ಯಗಳಿಗೆ ಘಂಟೆಬಾರಿಸುವ ನಾವು , ಶ್ರಾದ್ಧದ ದಿನ ಘಂಟೆಯನ್ನು ಬಾರಿಸಲ್ಲ ಕಾರಣ ಪಿತೃಗಳು ಒಳಬರಲ್ಲ , ಶ್ರಾದ್ಧ ಮುಗಿದ ಮೇಲೆ ಸಂಜೆ ದೇವರಿಗೆ ಘಂಟೆ ಬಾರಿಸಿ ಮಂಗಳಾರುತಿ ಮಾಡುತ್ತೇವೆ... ಅದಕ್ಕಾಗಿಯೇ ಘಂಟಾನಾದಕ್ಕೆ ಬಹಳ ಮಹತ್ವ..

ಶ್ಲೋಕ...ಆಗಮಾರ್ಥಂತು ದೇವಾನಾಂ ಗಮಾನಾರ್ಥಂತು ರಾಕ್ಷಸಾಂ ಕುರ್ವೇಘಂಟಾರವಂ ತತ್ರ ದೇವತಾಹ್ವಾನ ಲಾಂಛನಂ…

ಅರ್ಥ -- ದೇವರ ಆಗಮನಕ್ಕಾಗಿ ರಕ್ಕಸರ ನಿರ್ಗಮನಕ್ಕಾಗಿ ದೇವಸ್ಥಾನದ ಲಾಂಛನವಾದ ಘಂಟಾಧ್ವನಿಯನ್ನು ಮಾಡುತ್ತೇನೆ.

ಗಂಟೆಯ ನಾಲಗೆಯಲ್ಲಿ ಸರಸ್ವತಿಯೂ ಮುಖದಲ್ಲಿ ಬ್ರಹ್ಮನೂ ಹೊಟ್ಟೆಯಲ್ಲಿ ರುದ್ರನೂ ದಂಡದಲ್ಲಿ ವಾಸುಕಿಯೂ ತುದಿಯಲ್ಲಿ ಚಕ್ರವೂ ಅಧಿದೇವತೆಗಳಾಗಿ ನೆಲಸಿದ್ದಾರೆ. ಘಂಟಾಸ್ವನವನ್ನು ನಾದಬ್ರಹ್ಮವೆಂದು ಸಂಬೋಧಿಸಲಾಗಿದೆ. ಇವರನ್ನು ಪೂಜಿಸಿ ಬಳಿಕ ಗಂಟೆಯನ್ನು ಹೊಡೆಯಬೇಕು. ಉಪಯೋಗಿಸುವಾತ ತನ್ನ ನಾಭಿಯ ಕೆಳಗೆ ಬರುವಂತೆ ಗಂಟೆಯನ್ನು ಹಿಡಿದುಕೊಂಡು ಹೊಡೆಯಬಾರದು. ಗಂಟೆಯ ಧ್ವನಿಯಲ್ಲಿ ಒಡಕಾಗಲಿ ಮರ್ಮರ ಘರ್ಘರ ಶಬ್ದಗಳಾಗಲಿ ಇರಬಾರದು.

ಗಂಟೆಯಮೇಲೆ ಹನುಮಂತ ಚಕ್ರ ಗರುಡ ವೃಷಭಶೂಲ ಕಮಲ ಇತ್ಯಾದಿ ಚಿಹ್ನೆಗಳಿರುವುದುಂಟು.
ಯಾವೊಂದು ಶುಭಕಾರ್ಯವನ್ನಾಗಲೀ ಘಂಟಾನಾದವಿಲ್ಲದೆ ಪ್ರಾರಂಭಿಸುವಂತಿಲ್ಲ.

ಪದ್ಮಪುರಾಣದಲ್ಲಿ ಸರ್ವವಾದ್ಯಮಯಿ ಘಂಟಾವಾದ್ಯಭಾವೇ ನಿಯೋಜಯೇತ್ ಎಂದು ತಿಳಿಸಿರುವಂತೆ ಗಂಟೆ ಸರ್ವಮಂಗಳ ವಾದ್ಯಗಳ ಪ್ರತೀಕವಾಗಿದೆ. ಸ್ಕಾಂದ ಪುರಾಣದಲ್ಲಿ ಘಂಟಾನಾದೇನ ದೇವೇಶಃ ಪ್ರೀತೋಭವತಿ ಕೇಶವಃ. ಎಂದಿದೆ. 

                                                                 another Picture

 

ನಾಗಾರಿ ಚಿಹ್ನಿತಾ ಘಂಟಾ ರಥಾಂಗೇನಾ ಸಮನ್ವಿತಾ ವಾದನಾತ್ ಕುರುತೇನಾಶಂ ಜನ್ಮಮೃತ್ಯು ಭಯಾ ನಿ ಚ ಎಂಬ ಆರ್ಯೋಕ್ತಿಯೂ ಇದೆ. ಇದರಂತೆ ಭಗವಂತನ ನಿತ್ಯ ಕಿಂಕರನಾದ ಗರುಡ ಇಲ್ಲವೆ ಚಕ್ರದಿಂದ ಅಂಕಿತವಾದ ಗಂಟೆಯ ನಾದದಿಂದ ಭಗವಂತ ಪ್ರೀತನಾಗುತ್ತಾನಾಗಿ ಜನ್ಮಮೃತ್ಯು ಭಯಗಳು ತಪ್ಪುತ್ತವೆ.

ದೇವೀ ಮಹಾತ್ಮ್ಯದಲ್ಲಿ ಹಿನಸ್ತಿ ದೈತ್ಯತೇಜಾಂಸಿ ಸ್ವನೇನಾಪೂರ್ಯ ಯಾ ಜಗತ್ ಸಾ ಘಂಟಾಪಾತುನೋ ದೇವೀ ಪಾಪೇಭ್ಯೋಃ ಸುತಾನಿವ ಎಂದಿದೆ. ಇದರಂತೆ ಘಂಟಾನಾದದಿಂದ ಮನಸ್ಸಿನಲ್ಲಿರುವ ರಾಕ್ಷಸೀಭಾವನೆಗಳು ದೂರೀಕೃತವಾಗಿ ದೈವೀಭಾವನೆಗಳು ಅವಿರ್ಭವಿಸುತ್ತವೆ.

ಓಂಕಾರನಾದ ಸಹಿತ ಘಂಟಾಧ್ವನಿರೂಪ ವರ್ಣಶಕ್ತಿಯಿಂದ ವರ್ಣಘಟಕಮಂತ್ರಗಳೂ ತನ್ನಿಷ್ಟ ದೇವತೆಗಳು ಎಚ್ಚರಗೊಳ್ಳುವುದರಿಂದ ದೇವ ಪೂಜಾರಂಭಕಾಲದಲ್ಲಿ ಗಂಟೆಯನ್ನು ಪೂಜಿಸಿ ಬಳಿಕ ಧ್ವನಿ ಮಾಡಬೇಕು. ಈ ಕಾರಣದಿಂದ ಗಂಟೆಯನ್ನು ಮಂತ್ರಮಾತಾ ಎಂದು ಕರೆಯುತ್ತಾರೆ.

ಸಚ್ಚಿದಾನಂದ ಸಾಕ್ಷಾತ್ಕಾರಕ್ಕೆ ಮೂಲವಾದ ನಾದ ತತ್ತ್ವದ ಬಾಹ್ಯಪ್ರಯೋಗವಾಗಿ ಗಂಟೆ ಬಳಕೆಗೆ ಬಂದಿತೆಂದೂ ಕ್ರಮೇಣ ದೇವತಾಲಾಂಛನವೆಂಬ ಗೌರವವನ್ನು ಹೊಂದಿ ಪೂಜಾರ್ಹವಾಯಿತೆಂದೂ ಹೇಳಲಾಗಿದೆ. ಘಂಟನಾದವಿಲ್ಲದ ಪೂಜೆ ಇಲ್ಲ. ಪೂಜಾಕಾಲವನ್ನು ಬಿಟ್ಟು ಇತರ ಕಾಲಗಳಲ್ಲಿ ಘಂಟಾನಾದವಿಲ್ಲ.

 

                                                                          PIC-1

 

ದೇವಾರ್ಚನೆ ಅವಾಹನೆ ಧೂಪ ದೀಪ ಅಘ್ರ್ಯ ನೈವೇದ್ಯ ಜಪ ಸ್ತುತ್ಯವಸಾನ ಪೂರ್ಣಾಹುತಿ ವಿಷ್ವಕ್ಸೇನಾರ್ಚನೆ ಗಣಪತಿ ಪೂಜೆ ಬಲಿಪ್ರದಾನ-ಈ ಕಾಲಗಳಲ್ಲಿ ಘಂಟಾನಾದ ಮಾಡಬೇಕು. ಗಂಟಾನಾದ ಎಚ್ಚರಿಸುವುದು ಮಾತ್ರವಲ್ಲದೆ ಸರ್ವವಿಘ್ನಗಳನ್ನೂ ನಾಶಪಡಿಸಿ ಮಂಗಳವನ್ನುಂಟುಮಾಡುತ್ತದೆ. ಗಂಟೆಯನ್ನು ಆಗಮೋಕ್ತಪ್ರಕಾರದಲ್ಲಿ ಪ್ರತಿಷ್ಠೆ ಮಾಡಿ ಬಳಿಕ ಉಪಯೋಗಿಸಬೇಕು. ಅಸಂಸ್ಕøತ ಗಂಟೆಯನ್ನು ಬಾರಿಸುವುದರಿಂದ ಪೂಜೆ ನಿಷ್ಫಲವಾಗುತ್ತದೆ. ಗಂಟೆಯನ್ನು ಬಾರಿಸುವುದಕ್ಕೆ ಮೊದಲು

ಶ್ಲೋಕ...ಆಗಮಾರ್ಥಂತು ದೇವಾನಾಂ ಗಮಾನಾರ್ಥಂತು ರಾಕ್ಷಸಾಂ ಕುರ್ವೇಘಂಟಾರವಂ ತತ್ರ ದೇವತಾಹ್ವಾನ ಲಾಂಛನಂ...

ಎಂದು ಹೇಳಿ ಬಳಿಕ ಘಂಟಾನಾದ ಮಾಡುವುದು ಇಂದಿಗೂ ರೂಢಿಯಲ್ಲಿದೆ.

                                                                             PIC-2

 

ಘಂಟೆಯ ತುದಿಯಲ್ಲಿ ಬ್ರಹ್ಮನೂ, ಘಂಟೆಯಲ್ಲಿರುವ ಕಮಲದ #ಮೊಗ್ಗಿನಲ್ಲಿ ರುದ್ರನೂ, ದಂಡದಲ್ಲಿ ವಾಸುಕಿಯೂ, ಸ್ವರದಲ್ಲಿ ಸರಸ್ವತಿಯೂ, ನಾದದಲ್ಲಿ ಪ್ರಜಾಪತಿಯೂ ಅಭಿಮಾನಿ ದೇವತೆಗಳಾಗಿರುವರು. ಪೂಜಾ ಸಮಯದಲ್ಲಿ ಬ್ರಹ್ಮಣೇ ನಮಃ, ಮಹಾನಾಗಾಯ ನಮಃ, ಸರಸ್ವತ್ಯೈ ನಮಃ ಹಾಗೂ ಪ್ರಜಾಪತಯೇ ನಮಃ ಎಂಬ ಮಂತ್ರಗಳಿಂದ ಪ್ರತ್ಯೇಕವಾಗಿ ಒಂದೊಂದು ಪುಷ್ಪಗಳನ್ನು ಸಮರ್ಪಿಸಬೇಕು ಘಂಟೆಗೆ ಸಮರ್ಪಿಸಬೇಕು.

ಘಂಟಾಗ್ರೇ ಬ್ರಹ್ಮದೈವತ್ಯಂ ಮುಕುಲೇ ರುದ್ರದೈವತಂ |
ಸೂತ್ರಾಣಾಂ ಚ ಮಹಾನಾಗಂ ಸ್ವರಂ ಚೈವ ಸರಸ್ವತೀಂ ||
ನಾದಂ ಪ್ರಜಾಪತಿಂ ವಿದ್ಯಾತ್ ಘಂಟಾನಾಮಧಿದೇವತಾಃ || (#ಪರಮಪುರುಷ_ಸಂಹಿತಾ)

ವೈಷ್ಣವ ದೇವಾಲಯಗಳಲ್ಲಿ ಮಹಾನಿವೇದನ ಕಾಲದಲ್ಲಿ ಬಾರಿಸುವುದಕ್ಕಾಗಿಯೇ ಪ್ರತ್ಯೇಕವಾದ ಒಂದು ದೊಡ್ಡ ಗಂಟೆ ಇರುತ್ತದೆ. ಕೆಲವಡೆ ದೇವಮಂದಿರದ ಬಾಗಿಲಿಗೆ ಚಿಕ್ಕ ಚಿಕ್ಕ ಗಂಟೆಗಳನ್ನು ಜೋಡಿಸಿರುವುದುಂಟು. ಕ್ರೈಸ್ತರ ಪ್ರಾರ್ಥನಾ ಮಂದಿರಗಳಲ್ಲಿ ಒಂದು ದೊಡ್ಡ ಗಂಟೆ ಇರುತ್ತದೆ. ಪ್ರಾರ್ಥನೆಗೆ ಮೊದಲು ಎಲ್ಲರೂ ಮಂದಿರಕ್ಕೆ ಬಂದು ಸೇರಲು ಅನುಕೂಲಿಸುವಂತೆ ಈ ಗಂಟೆಯನ್ನು ಬಾರಿಸುತ್ತಾರೆ. ಹಿಂದೂ ದೇವಾಲಯಗಳಲ್ಲೂ ದೇವರ ಮುಂಭಾಗದಲ್ಲಿ ದೊಡ್ಡ ಗಂಟೆಗಳನ್ನು ಕಟ್ಟಿರುತ್ತಾರೆ. ಭಕ್ತರು ದೇವರ ದರ್ಶನಕ್ಕೆ ಹೋದಾಗ ಗಂಟೆ ಬಾರಿಸಿ ಬಳಿಕ ನಮಸ್ಕರಿಸುತ್ತಾರೆ.

------------------------------ Hari Om ----------------------------

 

 

ಕಾಯೋ ಶ್ರೀ ನಾರಸಿಂಹ -- Lord Narasimha-Protect us

 

ಕಾಯೋ ಶ್ರೀ ನಾರಸಿಂಹ -- Lord Narasimha-Protect us

 

                                Lord Narasimha

 

ಹಸುಳೆ ಪ್ರಹ್ಲಾದನ ಭಕ್ತಿಗೆ ಮೆಚ್ಚಿದ ಪರಮಾತ್ಮನು ನರಸಿಂಹದೇವನಾಗಿ ಅವತರಿಸಿ ಬಂದನು. ನರಸಿಂಹದೇವರ ಪ್ರಾದುರ್ಭಾವವು ದಶಾವತಾರಗಳಲ್ಲಿನ ಒಂದು ಅವತಾರವಾಗಿದೆ. ಅನೇಕ ಪುರಾಣಗಳಲ್ಲಿ ವಿಶೇಷವಾಗಿ ಭಾಗವತವು ಶ್ರೀ ನರಸಿಂಹದೇವರ ಪ್ರಾದುರ್ಭಾವವನ್ನು ಬಹುವಾಗಿ ವರ್ಣಿಸುತ್ತದೆ. ಮಗನಾದ ಪ್ರಹ್ಲಾದನಿಗೆ ತೊಂದರೆಯನ್ನು ಕೊಡುತ್ತಿದ್ದ ಹಿರಣ್ಯಕಶ್ಯಪುವನ್ನು ಸಂಹರಿಸಿ ಜಗತ್ತನ್ನು ಉದ್ಧಾರ ಮಾಡಿದ ನರಸಿಂಹದೇವರನ್ನು ನಾವು ನಮ್ಮ ಸಂಸಾರ ಸಾಗರದಿಂದ ಬಿಡುಗಡೆ ಹೊಂದಲು ಪ್ರಾರ್ಥಿಸಬೇಕು. ಸಂಸಾರದಲ್ಲಿ ಬರುವ ಅನಂತ ಅಡೆತಡೆಗಳನ್ನು ನಿವಾರಿಸೆಂದು ಬೇಡಬೇಕು. ವಾಯು ಸ್ತುತಿಯನ್ನು ರಚಿಸಿರುವ ತ್ರಿವಿಕ್ರಮಪಂಡಿತಾಚಾರ್ಯರನ್ನು ಅನುಗ್ರಹಿಸುತ್ತಾ ಶ್ರೀಮನ್ ಮಧ್ವಾಚಾರ್ಯರು "ಪಾಂತ್ವಸ್ಮಾನ್ ಪುರುಹೂತ ವೈರಿಬಲವನ್ ಮಾತಂಗಮಾಧ್ಯದ್ ಘಟಾ....." ಎಂದು ಶ್ರೀನರಸಿಂಹ ದೇವರ ನಖದ ಸ್ತುತಿಯನ್ನು ಎರಡು ಶ್ಲೋಕದಲ್ಲಿ ಮಾಡಿ ಅದನ್ನು ವಾಯುಸ್ತುತಿಯೊಂದಿಗೆ ಸಂಪುಟಾಕಾರದಲ್ಲಿ ಪಾರಾಯಣ ಮಾಡಬೇಕೆಂದು ಆದೇಶಿಸಿದರು. ನಂತರದಲ್ಲಿ ಅದು ಹರಿವಾಯುಸ್ತುತಿಯೆಂದೇ ಪ್ರಸಿದ್ಧವಾಯಿತು.

ಕಾಯೋ ಶ್ರೀ ನಾರಸಿಂಹ ಕಾಯೋ ಶ್ರೀ ಜಯ ನಾರಸಿಂಹ ll ಪ ll

ಕಾಯೋ ಶ್ರೀ ನಾರಸಿಂಹ ತ್ರ್ಯಂಬಕಾದ್ಯಮರೇಶ l
ಭಯಾಂಧತಿಮಿರ ಮಾರ್ತಾಂಡ ಶ್ರೀ ನಾರಸಿಂಹ ll ಅ ಪ ll

ಶ್ರೀ ನಾರಸಿಂಹದೇವನೇ ನೀನು ನಮ್ಮನ್ನು ಕಾಪಾಡು. ಜಯನಾರಸಿಂಹದೇವನೇ ನಮ್ಮನ್ನು ಕಾಪಾಡು. ತ್ರಿನೇತ್ರನಾದ (ತ್ರ್ಯಂಬಕ = ಮೂರು ಕಣ್ಣುಳ್ಳವನಾದ ರುದ್ರದೇವನು) ರುದ್ರಾದಿದೇವತೆಗಳಿಗೆ ಒಡೆಯನಾಗಿರುವ, ಭಯವೆಂಬ ಗಾಢವಾದ ಅಂಧಕಾರಕ್ಕೆ (ಅಂಧಂತಿಮಿರ = ಗಾಢವಾದ ಕತ್ತಲೆ) ಸೂರ್ಯನಂತಿರುವ (ಮಾರ್ತಾಂಡ = ಸೂರ್ಯ) ಶ್ರೀನಾರಸಿಂಹನೇ ನಮ್ಮನ್ನು ಕಾಪಾಡು. ಜೊತೆಗೆ ಜ್ಞಾನವೆಂಬ ಸೂರ್ಯನು ನಮ್ಮೊಳಗೆ ಉದಯಿಸುವಂತಾಗಿಸು.

ಘೋರ ಅಕಾಲ ಮೃತ್ಯು ಮೀರಿ ಬರಲು ಕಂಡು
ಧೀರ ನೀ ಬಿಡಿಸದಿನ್ಯಾರೋ ಶ್ರೀ ನಾರಸಿಂಹ ll1 ll

ಭಯಂಕರವಾದ (ಘೋರ = ಭಯಂಕರ) ಅಕಾಲ ಮರಣವು ನಮಗೆ ಸತ್ಕರ್ಮವನ್ನಾಚರಿಸಲು ಬೇಕಾಗಿರುವ ಆಯುಷ್ಯವನ್ನು ಕಡಿಮೆ ಮಾಡುತ್ತದೆ. ಹೀಗಾಗಿ ನಾವು ಮಾಡಬೇಕಾಗಿರುವ ಸತ್ಕರ್ಮಗಳನ್ನು ಪೂರ್ಣವಾಗಿ ಮಾಡಲು ಅಕಾಲಮರಣದಿಂದ ಸಾಧ್ಯವಾಗುವುದಿಲ್ಲ. ನಮ್ಮ ಪೂರ್ಣ ಆಯುಷ್ಯವನ್ನು ಮೀರಿ ಬರುತ್ತಿರುವ ಅಕಾಲ ಮೃತ್ಯುವನ್ನು ಪರಿಹರಿಸಲು ನೀನೇ ಸಮರ್ಥನು. ಶ್ರೀಮದಾಚಾರ್ಯರು ತಮ್ಮ ತಂತ್ರಸಾರದಲ್ಲಿ 'ಮೃತ್ಯುಮ್ ನಮಾಮ್ಯಹಂ' ಎಂದಿರುವರು. ಮೃತ್ಯುವಿಗೇ ಮೃತ್ಯುವೆನ್ನಿಸಿದ ನಾರಸಿಂಹನು ಮರ್ತ್ಯರಾದ ನಮ್ಮ ಮೃತ್ಯು ಎಂಬ ಅನಿಷ್ಠವನ್ನು ಪರಿಹರಿಸುವ ಪರದೈವನಾಗಿರುವ. ನಮ್ಮನ್ನು ಕಾಯೋ ನಾರಸಿಂಹ.

                                                      Lord Narasimha with consort Laxmi

 

ಧೀಷಣನೆ ಸುಭದ್ರ ಘೋರ ಮೃತ್ಯುಗೆ ಮೃತ್ಯು l
ಸುಷುಮ್ನಾ ನಾಡಿಸ್ಥಿತ ವಿಭುವೆ ಶ್ರೀ ನಾರಸಿಂಹ ll 2 ll

ಸರ್ವಜ್ಞನೆ (ಧೀಷಣನೆ = ಸರ್ವಜ್ಞನೆ) ; ಬಹಳ ಶುಭದಾಯಕನೆ (ಸುಭದ್ರ = ಪರಮ ಶುಭದಾಯಕನು) ; ಘೋರವಾದ ಮೃತ್ಯುವಿಗೆ ಮೃತ್ಯುವಾದವನೇ (ಮೃತ್ಯುದೇವತೆ, ಯಮ, ರುದ್ರಾದಿಗಳೆಲ್ಲರನ್ನು ಪ್ರಳಯದಲ್ಲಿ ಸಂಹರಿಸುವ ಪರಮಾತ್ಮನು), ಸುಷುಮ್ನಾ ನಾಡಿಯಲ್ಲಿ ಅಂತರ್ಗತನಾಗಿ ಇರುವವನೇ, ಸರ್ವವ್ಯಾಪ್ತಿಯಾದಂತಹ ಪರಮಾತ್ಮನೇ ನಮ್ಮನ್ನು ಕಾಯಬೇಕು. ಸರ್ವ ಜೀವರ ಬಿಂಬಮೂರುತಿಯಾದ ನಾರಸಿಂಹನು ಜಗದ್ರಾಕ್ಷಕನಾಗಿ ಕಡೆಗೆ ಜಗದ್ಭಕ್ಷಕನೂ ಆಗಿರುವ. ಅಂತ್ಯಕಾಲದಲ್ಲಿ ದೇಹಸ್ಥ ಸುಷುಮ್ನಾ ನಾಡಿಯಿಂದ ಜೀವನನ್ನು ವಾಯುದೇವರೊಂದಿಗೆ ಕರೆದೊಯ್ಯುವ ಶ್ರೀಹರಿಯು ವಿಭು (ಸರ್ವವ್ಯಾಪ್ತ)ವಾಗಿ ಭಯನಾಶಕನಾಗಿರುವ.

ಜ್ಞಾನರಹಿತನಾಗಿ ನಾ ನಿನ್ನ ಮರೆತರೆ l
ನೀನು ಮರೆತದ್ದೇಕೋ ಪೇಳೋ ಶ್ರೀ ನಾರಸಿಂಹ ll 3 ll

ಅಲ್ಪಜೀವಿಯಾದ ನನಗೆ ಪರಿಪೂರ್ಣ ಜ್ಞಾನವಿರುವುದಿಲ್ಲ. ಜ್ಞಾನರಹಿತನಾಗಿ ಇರುವಂತಹ ನಾನು ನಿನ್ನನ್ನು ಮರೆಯುವುದು ಸಾಮಾನ್ಯವೇ. ಆದರೆ ನೀನು ಸರ್ವಜ್ಞನಾಗಿದ್ದುದರಿಂದ ನಮ್ಮನ್ನು ಏಕೆ ಮರೆತಿರುವೆ ದೇವಾ. ನನ್ನನ್ನು ನೀನು ಯಾವ ಕಾಲದಲ್ಲೂ ಉಪೇಕ್ಷಿಸಬಾರದು ಎನ್ನುವ ಭಾವ. ಶ್ರೀಮದಾಚಾರ್ಯರು 'ನರಸಿಂಹೋ ಅಖಿಲಜ್ಞಾನ ಮತಧ್ವಾಂತ ದಿವಾಕರಃ' ಎಂದಿರುವರು. ಅಜ್ಞಾನವನ್ನು ಕಳೆದು ಸುಜ್ಞಾನವನ್ನು ಕೊಡುವ ಪ್ರಭುವು ಶ್ರೀನರಸಿಂಹದೇವರು ಎಂದಿರುವರು.

                                                                           PIC-1

 

ಪ್ರಬಲೋತ್ತಮನೆನಿಸಿ ಅಬಲರ ಕಾಯದಿರೆ l
ಸುಬಲರು ಕಂಡು ಮೆಚ್ಚುವರೆ ಶ್ರೀ ನಾರಸಿಂಹ ll 4 ll

ಹೇ ಸರ್ವಶಕ್ತರಲ್ಲಿ ಅತ್ಯಂತ ಶಕ್ತನಾಗಿರುವವನೇ (ಪ್ರಬಲೋತ್ತಮ, ಸರ್ವಜ್ಞ), ಅಶಕ್ತರಾದ (ಅಬಲರನ್ನು) ನಮ್ಮನ್ನು ರಕ್ಷಿಸದಿದ್ದರೆ ನಿನ್ನನ್ನು ಬಲವುಳ್ಳವರು (ಜ್ಞಾನಿಗಳು) ಒಪ್ಪುವುದಿಲ್ಲ. ಅಲ್ಪಜ್ಞಾನವುಳ್ಳವರಾದ ನಮ್ಮ ರಕ್ಷಣೆಯನ್ನು ನೀನು ಮಾಡಬೇಕು. ಏಕೆಂದರೆ ಜ್ಞಾನಿಗಳು ನಿನ್ನನ್ನು ಸರ್ವಶಕ್ತನೆಂದು ಕರೆಯುತ್ತಾರೆಂದು ಭಾವ.

ಪಾಲ ಮುನ್ನೀರಾಗರ ಪದುಮ ಮನೋಹರ l
ಗೋಪಾಲವಿಟ್ಠಲ ಜಗತ್ಪಾಲ ಶ್ರೀ ನಾರಸಿಂಹ ll 5 ll

ಕ್ಷೀರಸಾಗರದಲ್ಲಿರುವವನೇ (ಪಾಲ ಮುನ್ನೀರ = ಕ್ಷೀರಸಾಗರ ; ಆಗರ = ಮನೆ)
ಶ್ರೀ ಲಕ್ಷ್ಮೀದೇವಿಗೆ (ಪದುಮೆ = ಲಕ್ಷ್ಮೀ) ಮನೋಹರನಾದವನೆ, ಈ ಸಮಸ್ತ ಜಗವನ್ನು ಪಾಲನೆ ಮಾಡುವ ಶ್ರೀನಾರಸಿಂಹದೇವನೇ ನಮ್ಮನ್ನು ಕಾಯಬೇಕು. ಬಾಲ ಪ್ರಹ್ಲಾದನಿಗೆ ತೋರಿದ ನರಸಿಂಹ ರೂಪವೇ ಶ್ರೀಹರಿಯು ಸ್ವತಂತ್ರ, ಸರ್ವವ್ಯಾಪ್ತ, ಸರ್ವನಿಯಾಮಕ, ಸೃಷ್ತ್ಯಾದಿ ಅಷ್ಟಕರ್ತ ಎಂಬೆಲ್ಲಾ ಗುಣಗಳನ್ನು ಪ್ರತಿಪಾದಿಸುವ ಅದ್ಭುತ ಅವತಾರವಾಗಿದೆ. ಇದರಿಂದ ಅವನಿಲ್ಲದ ಸ್ಥಳವಿಲ್ಲ. ನಿಯಮ್ಯವಲ್ಲದ ವಸ್ತುವಿಲ್ಲವೆಂದು ತಿಳಿಯುತ್ತದೆ. ಅದಕ್ಕೆಂದೇ ಶ್ರೀಗೋಪಾಲದಾಸರು ನೀನೇ ಸರ್ವಸ್ವವೆಂದು ಪ್ರಾರ್ಥಿಸಿರುವರು.

ವಿಶೇಷ :

(1) ನಾರಸಿಂಹ ಸ್ವರೂಪದೇಹದೊಳಗೆ ಶರೀರನಾಮದಿ ಕರೆಸುವನು.
(,ಹರಿಕಥಾಮೃತಸಾರ ಉದಾತ್ತಾನುದಾತ್ತ ಸಂಧಿ - 26ನೇ ನುಡಿ)

ಸ್ವರೂಪದೇಹದಲ್ಲಿ ಶ್ರೀ ನರಸಿಂಹದೇವರು ಶರೀರನಾಮದಿಂದ ಕರೆಯಲ್ಪಡುತ್ತಾರೆ.

(2) ಮತ್ತೇ ಚಿದ್ದೇಹದ ಒಳಗೆ ಎಂಭತ್ತು ಸಾವಿರದೇಳುನೂರಿಪ್ಪತ್ತೈದು ನೃಸಿಂಹ ರೂಪದಲ್ಲಿದ್ದು ಜೀವರಿಗೆ ll ನಿತ್ಯದಲಿ ಹಗಲಿರುಳು ಬಪ್ಪಮೃತ್ಯುವಿಗೆ ತಾ ಮೃತ್ಯುವೆನಿಸುವ ಭೃತ್ಯವತ್ಸಲ ಭಯವಿನಾಶನ ಭಾಗ್ಯ ಸಂಪನ್ನ (ಹರಿಕಥಾಮೃತಸಾರ - ಪಂಚತನ್ಮಾತ್ರಾ ಸಂಧಿ - 15ನೇ ನುಡಿ.)

ಸ್ವರೂಪದೇಹದಲ್ಲಿ ಶ್ರೀ ನರಸಿಂಹದೇವರು 80725 ರೂಪಗಳಿಂದಿದ್ದು ಹಗಲಿರುಳು ಬರುವ ಅಪಮೃತ್ಯುವನ್ನು ಪರಿಹರಿಸುತ್ತ ಭಯವಿನಾಶಕ ಭೃತ್ಯವತ್ಸಲ ಭಾಗ್ಯ ಸಂಪನ್ನನೆಂಬ ಹೆಸರುಗಳಿಂದ ಪ್ರಸಿದ್ಧನಾಗಿರುವನು.

(3) ಜ್ವರದೊಳಿಪ್ಪತ್ತೇಳು ಹರನೊಳಗಿರುವನಿಪ್ಪತ್ತೆಂಟು ರೂಪದಿ ಎರಡು ಸಾವಿರದೆಂಟು ನೂರಿಪ್ಪತ್ತು ಏಳೆನಿಪ ll ಜ್ವರಹರಾಹ್ವಯ ನಾರಸಿಂಹನ ಸ್ಮರಣೆ ಮಾತ್ರದಿ ದುರಿತರಾಶಿಗಳಿರದೆ ಪೋಪುವು ತರಣಿ ಬಿಂಬವ ಕಂಡ ಹಿಮದಂತೆ ll (ಹರಿಕಥಾಮೃತಸಾರ - ಪಂಚತನ್ಮಾತ್ರಾ ಸಂಧಿ - 16ನೇ ನುಡಿ)

 

                                                                 Ugra  Narasimha

 

ಜ್ವರದಲ್ಲಿ 27 ರೂಪಗಳಿಂದ ಅದನ್ನು ಸೃಷ್ಟಿಸಿದ ಹರನಲ್ಲಿ 28 ರೂಪಗಳಿಂದಿದ್ದು ಜ್ವರವನ್ನು ನಾಶಮಾಡುವ ಜ್ವರಹರನೆಂಬ ಹೆಸರಿನಿಂದ 2827 ರೂಪಗಳಿಂದ ಇರುವ ಶ್ರೀನರಸಿಂಹನನ್ನು ಸ್ಮರಿಸಿದರೆ ಸೂರ್ಯನನ್ನು ಕಂಡ ಹಿಮರಾಶಿಯು ಮಾಯವಾಗುವಂತೆ ದುರಿತರಾಶಿಗಳು ಓಡಿ ಹೋಗುತ್ತವೆ.

(4) ಮಾಸಪರಿಯಂತರವು ಬಿಡದೆ ನೃಕೇಸರಿಯು ಶುಭನಾಮ ಮಂತ್ರ ಜಿತಾಸನದ ಲೇಕಾಗ್ರಚಿತ್ತದಿ ನಿಷ್ಕಪಟದಿಂದ ll ಬೇಸರದೆ ಜಪಿಸಲು ವೃಜಿನಗಳ ನಾಶಗೈಸಿ ಮನೋರಥಗಳ ಪರೇಶ ಪೂರ್ತಿಯ ಮಾಡಿಕೊಡುವನು ಕಡೆಗೆ ಪರಗತಿಯ ll (ಹರಿಕಥಾಮೃತಸಾರ - ಪಂಚತನ್ಮಾತ್ರಾ ಸಂಧಿ - 17ನೆಯ ನುಡಿ)

ಸ್ಥಿರಾಸನದಲ್ಲಿ ಕುಳಿತು ಒಂದೇ ಮನಸ್ಸಿನಿಂದ ಒಂದು ತಿಂಗಳ ಕಾಲ ಎಡಬಿಡದೆ ಬೇಸರಿಸದೆ ನಾರಸಿಂಹ ಮಂತ್ರವನ್ನು ಭಕ್ತಿಯಿಂದ ಜಪಿಸುವವರ ಪಾಪರಾಶಿಗಳನ್ನು ನಾಶಗೊಳಿಸಿ ಇಷ್ಟಾರ್ಥಗಳನ್ನೂ ದಯಪಾಲಿಸಿ ಕೊನೆಗೆ ಮೋಕ್ಷವನ್ನು ನೀಡುತ್ತಾನೆ.

"ಉಗ್ರಂ ವೀರಂ ಮಹಾವಿಷ್ಣುಮ್ ಜ್ವಲಂತಂ ಸರ್ವತೋಮುಖಂ l ನೃಸಿಂಹಂ ಭೀಷಣಂ ಭದ್ರಂ ಮೃತ್ಯೋರ್ಮೃತ್ಯುಮ್ ನಮಾಮ್ಯಹಂ" - ಇದುವೇ ಶ್ರೀ ನಾರಸಿಂಹ ಮಂತ್ರವು.


ಪರಮದಯಾನಿಧೆ ಗೋಪಾಲವಿಟ್ಠಲ ಇರುಳು ಹಗಲು ನಿನ್ನ ಸ್ಮರಣೆ ನೀಯೋ - ಶ್ರೀ ಗೋ.

ಹರಿಯರ್ಪಣ ಇಲ್ಲದವ ಕರ್ಮಮಾಡಲು ಹುರಿದು ಬಿತ್ತಿದ ಬೀಜ - ಶ್ರೀಗೋ.

ಬಾಡಿಗೆ ಮನೆ ದೇಹ ಬಿಡಾರ ಸ್ಥಿರವಲ್ಲ – ಶ್ರೀಗೋ.

ನಾವೆಲ್ಲರೂ ಭಗವಾನ್ ನರಸಿಂಹನಿಗೆ ಮನಃಪೂರ್ವಕವಾಗಿ ಪ್ರಾರ್ಥಿಸೋಣ ಮತ್ತು ಅವರಿಂದ ಆಶೀರ್ವಾದ ಪಡೆಯೋಣ.

Lets All Pray Sincerely to Lord Narasimha and get Blessings from him.

--------------------------- Hari Om ----------------------------

 

 

ಯಾರು ಶ್ರೇಷ್ಠರು? -- Who is the Greatest?

 

ಯಾರು ಶ್ರೇಷ್ಠರು? -- Who is the Greatest?

 

                                  Caste System

 

" ನಾನು ಮೇಲು! ನೀನು ಕೀಳು...! ನಾನು ಮೇಲೆ ಹುಟ್ಟಿದವನು. ನೀನು ಕೆಳಗೆ ಹುಟ್ಟಿದವನು" ಎಂದು ಕಿತ್ತಾಡ್ತಿಯಲ್ಲೋ ತಮ್ಮ. ಎಲ್ಲರೂ ಎಲ್ಲಿಂದ ಹುಟ್ಟಬೇಕು ಅಲ್ಲಿಂದಲೇ ಹುಟ್ಟಿದ್ದು. ಎಲ್ಲರೂ ಮೇಲಿಂದಲೇ ತಿನ್ನುತ್ತಾರೆ. ಮೇಲೆ ತಿಂದ ಮೇಲೆ ಕೆಳಗೆ ಬರಲೇಬೇಕು. ಕೆಳಗೆ ಬರಲಿಲ್ಲ ಅಂದರೆ ನೀನು ಸೀದಾ ಮೇಲೆ ಹೋಗ್ತೀಯ ತಮ್ಮ..." ಎಂದು ನಿಜಗುಣಾನಂದ ಸ್ವಾಮೀಜಿ ಹೇಳುವ ಮಾತುಗಳು ನಿಜವೆನಿಸುತ್ತದೆ. ಆದರೆ ಹಿಂದೂ ಧರ್ಮ ಎಂದು ಹೇಳುವ ವೈದಿಕ ಧರ್ಮ, ಬ್ರಾಹ್ಮಣ ಧರ್ಮ ಏನು ಹೇಳುತ್ತದೆ ? ಮನುಸ್ಮೃತಿ ಏನು ಹೇಳುತ್ತದೆ ?

ಬ್ರಾಹ್ಮಣ
ಬ್ರಹ್ಮನ ಬಾಯಿಂದ ಹುಟ್ಟಿದವನು. ಅವನು ಪರಮಪೂಜ್ಯ. ಅವನನ್ನು ಗೌರವಿಸಬೇಕು.

ಕ್ಷತ್ರಿಯ
ಬ್ರಹ್ಮನ ಭುಜದಿಂದ ಹುಟ್ಟಿದವನು. ಅವನು ಸರ್ವಶ್ರೇಷ್ಠ.ಅವನನ್ನು ಗೌರವಿಸಬೇಕು.

ವೈಶ್ಯ
ಬ್ರಹ್ಮನ ಹಸ್ತದಿಂದ ಹುಟ್ಟಿದವನು. ಅವನು ಪರಮ ಚಾಣಕ್ಯ. ಅವನನ್ನು ಕೂಡ ಗೌರವಿಸಬೇಕು.

ಶೂದ್ರ
ಬ್ರಹ್ಮನ ಪಾದದಿಂದ ಹುಟ್ಟಿದವನು. ಅವನು ಪರಮ ಪಾಪಿ. ಹೀಗಾಗಿ ಶೂದ್ರ ನಮ್ಮೆಲ್ಲರ ಸೇವೆ ಮಾಡಿಕೊಂಡು {ನಾಯಿ ಹಾಗೆ} ಬದುಕಬೇಕು.

                                                             Brahmana - ಬ್ರಾಹ್ಮಣ 

ಬ್ರಾಹ್ಮಣ ದೇವರ ಪೂಜೆ ಮಾಡಬೇಕು.ಕ್ಷತ್ರಿಯ ಆಡಳಿತ ನಡೆಸಬೇಕು. ವೈಶ್ಯ ವ್ಯಾಪಾರ ಮಾಡಬೇಕು. ಶೂದ್ರ ಗುಲಾಮಗಿರಿ ಮಾಡಬೇಕು.

ಬ್ರಾಹ್ಮಣ ದೇವತೆಗಳಿಗೆ ಹುಟ್ಟಿದವನು.ಶೂದ್ರ ರಾಕ್ಷಸರಿಗೆ ಹುಟ್ಟಿದವನು. ದಾಸಿಗೆ ಹುಟ್ಟಿದವನು...ಅಂದರೆ ಸೂಳೆಗೆ ಹುಟ್ಟಿದವನು. ಶೂದ್ರ ಅಂದರೆ ಸೂಳೇಮಗ! ಬ್ರಾಹ್ಮಣ ಅಂದರೆ ಗರ್ತಿ ಮಗ.

"ಗರ್ವಸೆ ಕಹೋ ಹಮ್ ಹಿಂದು ಹೈ. ಗರ್ವಸೆ ಕಹೋ ಹಮ್ ಶೂದ್ರ ಹೈ.." ಎಂದು ಬೊಗಳುವ ಮೂರ್ಖ ನಾಯಿಗಳಿಗೆ ನಾಚಿಕೆ ಆಗಬೇಕು.

ಬ್ರಾಹ್ಮಣ... ಕ್ಷತ್ರಿಯ! ವೈಶ್ಯ!! ಶೂದ್ರ.

೧. ಭೀಕ್ಷೆ ಬೇಡಿ ತಿನ್ನೋನು ಬ್ರಾಹ್ಮಣ.
೨. ಕಸಿದುಕೊಂಡು ತಿನ್ನೋನು ಕ್ಷತ್ರಿಯ.
೩. ಭಡವಾಗಿರಿ ಮಾಡಿ ತಿನ್ನೋನು ವೈಶ್ಯ
೪. ದುಡಿದು ತಿನ್ನೋನು ಶೂದ್ರ.

ಬ್ರಾಹ್ಮಣ-

ಎಳ್ಳಷ್ಟು ಶ್ರಮಪಡದೆ ಕಲ್ಲು ಮೂರ್ತಿ ಮುಂದೆ ಕುಳಿತು ಸುಳ್ಳು ಮಂತ್ರಗಳನ್ನು ಒದರುತ್ತ ತನ್ನ ಹಾಳು ಹೊಟ್ಟೆ ತುಂಬಿಸಿಕೊಳ್ಳುವ ಬ್ರಾಹ್ಮಣ ಹೇಗೆ ಶ್ರೇಷ್ಠನಾಗುತ್ತಾನೆ? ಇಂದ್ರಲೋಕ, ಬ್ರಹ್ಮಲೋಕ, ಸ್ವರ್ಗ-ನರಕ , ವೇದ ಪುರಾಣ, ಜಾತಿ ಧರ್ಮ, ಮೇಲು-ಕೀಳು, ವರ್ಣ ಅಸ್ಪ್ರಶತೆ ಸೃಷ್ಟಿಸಿ ಕಾಣದ ದೇವರ ಹೆಸರಿನಲ್ಲಿ ಧಾರ್ಮಿಕ ಭಯೋತ್ಪಾದನೆ ನಡೆಸುವ ಬ್ರಾಹ್ಮಣ ಹೇಗೆ ಪರಮ ಶ್ರೇಷ್ಠ ನಾಗುತ್ತಾನೆ?

                                                                    Kshatriya - ಕ್ಷತ್ರಿಯ 

ಕ್ಷತ್ರಿಯ-

 
ಹೆಣ್ಣು ಮಣ್ಣು ಹೊನ್ನಿಗಾಗಿ ಮನುಷ್ಯತ್ವ ಮರೆತು ಮೃಗದಂತೆ ಕಿತ್ತಾಡುತ್ತಾ ಯುದ್ಧದ ಹೆಸರಿನಲ್ಲಿ ಅಮಾಯಕರ ರಕ್ತದ ಕಾಲುವೆ ಹರಿಸುವ ಕ್ಷತ್ರಿಯ ಹೇಗೆ ಶ್ರೇಷ್ಠ ಆಗುತ್ತಾನೆ? ಒಬ್ಬ ರಾಜನಿಗೆ ಹತ್ತಾರು ರಾಣಿಯರು (ಪತ್ನಿಯರು ಮತ್ತು ಉಪಪತ್ನಿಯರು). ಲೈಂಗಿಕ ಸಾಮರ್ಥ್ಯವೆಂಬುದು ರಾಜನಿಗೆ ಜಾಸ್ತಿ ಇರುತ್ತದೆಯೋ ಇಲ್ಲ ರಾಣಿಯರಿಗೆ? ಎಂದು ಕೇಳಿದರೆ ಗಂಡಿಗಿಂತಲೂ ಅಂದರೆ ರಾಜನಗಿಂತಲೂ ಹೆಣ್ಣಾದ ರಾಣಿಯರಿಗೆ ಎರಡು ಪಟ್ಟು ಜಾಸ್ತಿ ಕಾಮ ಇರುತ್ತದೆ ಎಂದು ವೈಜ್ಞಾನಿಕ ಉತ್ತರ ಕೇಳಿ ಬರುತ್ತದೆ. ಪರಿಸ್ಥಿತಿ ಹೀಗಿರುವಾಗ ನೈಸರ್ಗಿಕವಾಗಿ ರಾಜನಗಿಂತಲೂ ಎಂಟು ಪಟ್ಟು ಜಾಸ್ತಿ ಲೈಂಗಿಕ ಸಾಮರ್ಥ್ಯ ಪಡೆದಿರುವ ಹತ್ತಾರು ರಾಣಿಯರಿಗೆ ಒಬ್ಬನೇ ರಾಜ! ರಾಣಿಯರಗಿಂತಲೂ ಅತಿ ಕಡಿಮೆ ಸಾಮರ್ಥ್ಯ ಹೊಂದಿರುವ ರಾಜ್ಯನಿಗೇಕೆ ಹತ್ತಾರು ರಾಣಿಯರು...? ರಾಜನಿಗೆ ಒಂದು ರಾಣಿಯರಿಗೆ ಇನ್ನೊಂದು... ಇದು ಅನ್ಯಾಯ ಅಲ್ಲವೇ? ಅನ್ಯಾಯದ ಪರಿವೇ ಇಲ್ಲದ ರಾಜ... ಕ್ಷತ್ರಿಯ ಹೇಗೆ ಸರ್ವಶ್ರೇಷ್ಠನಾಗುತ್ತಾನೆ?

                                                                    Vaishya -- ವೈಶ್ಯ 

 ವೈಶ್ಯ-

 
ರೈತರು ಕಷ್ಟಪಟ್ಟು ಬೆಳೆದಿದ್ದನ್ನು ಅಲ್ಪ ಬೆಲೆಗೆ ಕೊಂಡು ತಂದು ಅದನ್ನು ಕಲಬೆರಕೆಗೊಳಿಸಿ ದುಬಾರಿ ಬೆಲೆಗೆ ಮಾರಾಟ ಮಾಡುವ (ಬನಿಯ) ವೈಶ್ಯ ಹೇಗೆ ಶ್ರೇಷ್ಠ ನಾಗುತ್ತಾನೆ?

                                                            Shudra -- ಶೂದ್ರ 

ಶೂದ್ರ-

 
ತನ್ನ ಹೊಟ್ಟೆ ಬಟ್ಟೆಗೆ ಇಲ್ಲದಿದ್ದರೂ ಚಿಂತಿಸದೆ ಮಳೆಗೆ ಅಂಜದೆ ,ಬಿಸಿಲು-ಚಳಿಗೆ ಭಯಪಡದೆ, ಪರರಿಗಾಗಿ ಹಗಲು ರಾತ್ರಿ ದುಡಿಯುವ ಶೂದ್ರರೆಂಬ ಕಾರ್ಮಿಕ ವರ್ಗದವರು ಹೇಗೆ ಕನಿಷ್ಠ ರಾಗುತ್ತಾರೆ?

ಶ್ರೇಷ್ಠ... ಕನಿಷ್ಠ! ಮೇಲು-ಕೀಳು... ಎಂಬಿತ್ಯಾದಿ ಮನುಷ್ಯ ಮನುಷ್ಯರಲ್ಲಿ ತಾರತಮ್ಯ ಸೃಷ್ಟಿಸಿದ ಪಾಪಿಗಳಿಗೆ ಕ್ರಾಂತಿಯೋಗಿ ಅಣ್ಣ ಬಸವಣ್ಣನವರ ತತ್ವದಿಂದ ಹೊಡೆಯಬೇಕು ಪಾಪಿಗಳ ರೋಗಗ್ರಸ್ಥ ಮನಸುಗಳಿಗೆ ಬೌದ್ಧಧರ್ಮದ ಔಷಧಿಯಿಂದ ಗುಣಪಡಿಸಬೇಕು. ಬಸವಣ್ಣನವರ ತತ್ವ ದಿಂದಲೂ ಮತ್ತು ಗೌತಮ್ ಬುದ್ಧರ ಬೌದ್ಧ ಧರ್ಮದ ಔಷಧಿಯಿಂದಲೂ ತಿದ್ದಿಕೊಳ್ಳದಿದ್ದರೆ ಅಸ್ಪೃಶ್ಯರು ಶೂದ್ರರು ಕೆಳಜಾತಿಯವರು ಎಂದು ಕರೆಸಿಕೊಂಡವರ ಹರಕು ಚಪ್ಪಲಿಯಿಂದ ಹೊಡೆದು ಬುದ್ಧಿ ಕಲಿಸಬೇಕಾಗಿದೆ ಬಂದುಗಳೆ.

ನಿಮ್ಮ ಬಟ್ಟೆ ತೊಳೆಯಲು ಅಗಸ ಬೇಕು. ನಿಮ್ಮ ಕೂದಲು ಕತ್ತರಿಸಲು ಹಜಾಮ ಬೇಕು. ನಿಮ್ಮ ಚಪ್ಪಲಿ ಹೊಲಿಯಲು ಸಮಗಾರ ಬೇಕು. ನಿಮ್ಮ ಮಲ-ಮೂತ್ರ ಸ್ವಚ್ಛಗೊಳಿಸಲು ಭಂಗಿಗಳು ಬೇಕು. ನಿಮ್ಮ ಹೊಲ-ಗದ್ದೆಗಳಲ್ಲಿ ದುಡಿಯಲು ಹೊಲೆ-ಮಾದಿಗರು ಬೇಕು. ನಿಮ್ಮ ಹೆಂಡತಿಯರ ಜೊತೆ ಶಯನಗೃಹದಲ್ಲಿ ಮಾಡುವ ಕೆಲಸಕ್ಕೆ ಶೂದ್ರರು ಹೊಲೆಮಾದಿಗರು ಇವರ್ಯಾರು ಬೇಡ್ವಾ? ನಿಮ್ಮ ಎಲ್ಲಾ ಕೆಲಸಕ್ಕೂ ಶೂದ್ರರು ಬೇಕು. ಆ ಕೆಲಸಕ್ಕೆ ಮಾತ್ರ ಬೇಡವಾ? ಬೇಡ ಅಂದ್ರೆ ಡಾಂಬಿಕತೆ ಎಲ್ಲಾ ಬಿಟ್ಬಿಡಿ! ಇನ್ನು ಮುಂದೆಯಾದರೂ ಮನುಷ್ಯರಾಗಿ ಬಾಳುವುದನ್ನು ಕಲಿಯಿರಿ...! ಕಾಯಕದಲ್ಲಿ ಮತ್ತು ಮನುಷ್ಯ ಮನುಷ್ಯ ರಲ್ಲಿಯೇ ತಾರತಮ್ಯ ಸಲ್ಲದು. ಮನುಷ್ಯರಾದವರು ಎಲ್ಲರೂ ದುಡಿದು ತಿನ್ನಬೇಕು. ಕಾಯಕವೇ ಕೈಲಾಸ... ಬನ್ನಿ ಎಲ್ಲರೂ ದುಡಿದು ತಿನ್ನೋಣ. ಕಾಯಕದಲ್ಲಿ ಕೈಲಾಸ ಕಾಣೋಣ ಎಂದು ಕರೆ ನೀಡಿದ ಬಸವಣ್ಣನವರನ್ನು ಧರ್ಮ ನಿಂದಕ ನೆಂದು ಶೋಷಣೆಗೆದು , ಕಲ್ಯಾಣವನ್ನು ತೊರೆಯುವಂತೆ ಮಾಡಿ, ಕೊಲೆ ಮಾಡಿ ಲಿಂಗೈಕ್ಯರಾದರು ಎಂದು ಸುಳ್ಳು ಹೇಳಿ ಇತಿಹಾಸ ತಿರಿಚಿದರು. 770 ವಚನಕಾರರ ಸಾವಿರಾರು ವಚನ ಗ್ರಂಥಗಳನ್ನು ನಾಶಗೊಳಿಸಿ ಬಸವಣ್ಣನ ಧರ್ಮ ರಾಜ್ಯದ ಗಡಿ ದಾಟದಂತೆ ನೋಡಿಕೊಂಡರು.

ನೊಂದವರ ಬಾಳನ್ನು ಬೆಳಗಿದ್ದ ಬುದ್ಧನ ಧರ್ಮ ಗಡಿಪಾರು ಮಾಡಿ ದಲಿತರೆನಿಸಿಕೊಂಡವರ ಬಾಳು ಮತ್ತೆ ಕಗ್ಗತ್ತಲೆಯಲ್ಲಿ ಮುಳುಗಿಸಿ ಅಟ್ಟಹಾಸದಿಂದ ಮೆರೆದಾಡಿದರು. ಅಷ್ಟೇ ಯಾಕೆ ಒಂದುವರೆ ಸಾವಿರ ವರ್ಷ ಬುದ್ಧನನ್ನೇ ಇತಿಹಾಸದಿಂದ ಆಚೆ ಇರಿಸಿ ಬುದ್ಧ ವಿಷ್ಣುವಿನ ದಶಾವತಾರ ಎಂದು ಸುಳ್ಳು ಹೇಳಿದರು ಪಾಪಿಗಳು. ಥೂ... ಧಿಕ್ಕಾರವಿರಲಿ ಆ ಪರಮ ಪಾಪಿಗಳಿಗೆ! ಸತ್ಯದ ಮಾರ್ಗ ಕಂಡುಹಿಡಿದ ಬುದ್ಧನನ್ನು ಒಂದುವರೆ ಸಾವಿರ ವರ್ಷಗಳ ಕಾಲ ಇತಿಹಾಸದಿಂದ ಹೊರಗೆ ಇರಿಸಿದ ಪಾಪಿಗಳು ಈಗ ಇತಿಹಾಸದ ಪಾಠದಲ್ಲಿ ಆತ್ಮವಂಚನೆ ಮಾಡಿಕೊಂಡು ಈ ರೀತಿಯ ಬರೆದುಕೊಂಡಿದ್ದಾರೆ-
ಗೀತೆಯು ಪ್ರಪಂಚದಲ್ಲಿಯೇ ಅತ್ಯಂತ ಪವಿತ್ರವಾದ ಗ್ರಂಥವೆಂದು ಈಗ ಎಲ್ಲರೂ ನಂಬಿದ್ದಾರೆ... ಹೀಗೆ ಬರೆದುಕೊಳ್ಳಲು ನಾಚಿಕೆ ಆಗಬೇಕು ಪಾಪಿಗಳಿಗೆ! ಭಗವದ್ಗೀತೆಯಲ್ಲಿ ಕೃಷ್ಣ ಏನು ಹೇಳುತ್ತಾನೆ? ನಾನೇ ದೇವರು ನನ್ನಿಂದಲೇ ಎಲ್ಲಾ...ದೇವರ ಇಚ್ಛೆ ಇಲ್ಲದೆ ಈ ಪ್ರಪಂಚದಲ್ಲಿ ಒಂದು ಹುಲ್ಲು ಕಡ್ಡಿ ಸಹ ಅಲ್ಲಾಡುವುದಿಲ್ಲ. ಏನು ಸಹ ನಡೆಯುವುದಿಲ್ಲವಂತೆ! ಈಗ ನಾನು ಕೃಷ್ಣನೆಂಬ ದೇವರ ವಿರುದ್ಧ ಬರೆಯುತ್ತಿರುವುದು ಸಹ ಅವನ ಇಚ್ಛೆಯಿಂದಲೇ ಇರಬೇಕು ಅಲ್ಲವೇ?! ಎಂತಹ ವಿಚಿತ್ರ ಜನ ಇವರು!
ಗೀತೆ... ಚತುರ್ವರ್ಣ ಪರಿಪಾಲಿಸುತ್ತ ದೆ.

-------------------------- Hari Om ----------------------------

 

 

 

 

ಕುರುಡುಮಲೆ ಗಣೇಶ – Kurudumale Ganesha

 

              Kurudumale Ganesha

ಕೋಲಾರ ಜಿಲ್ಲೆಯ ಮುಳಬಾಗಲು ತಾಲೂಕಿನಲ್ಲಿರುವ ( KuruduMale Ganeshsa) ಕುರುಡುಮಲೆ ಗಣೇಶ ದೇವಸ್ಥಾನ ಅತ್ಯಂತ ಪ್ರಸಿದ್ಧ ಹಾಗೂ ಪ್ರಾಚೀನ ಐತಿಹಾಸಿಕ ಕ್ಷೇತ್ರವಾಗಿದೆ , ತ್ರಿಮೂರ್ತಿಗಳಿಂದ ಪ್ರತಿಷ್ಟಾಪಿಸಲ್ಪಟ್ಟ ಈ ದೇವಸ್ಥಾನಕ್ಕೆ ಶ್ರೀರಾಮ,  ಪಾಂಡವರು ಪೂಜಿಸಿದ ಈ ಗಣೇಶ ದೇವಸ್ಥಾನ.

 

                                           Lord Ganesha at Kurudumale

 

ತ್ರಿಮೂರ್ತಿಗಳಾದ ಬ್ರಹ್ಮ, ವಿಷ್ಣು ಮತ್ತು ಮಹೇಶ್ವರರು

ಪ್ರತಿಷ್ಟಾಸ್ಥಾಪಿಸಿದ್ದಾರೆಂದು ನಂಬಲಾಗಿದೆ.

ಬೆಂಗಳೂರು ನಗರದಿಂದ ಕೋಲಾರ ಜಿಲ್ಲೆಯಲ್ಲಿರುವ ಕುರುಡುಮಲೆ ಗಣೇಶ

ದೇವಾಲಯಕ್ಕೆ ಸುಮಾರು 108 ಕಿ.ಮೀ. ದೂರವಿದೆ; ಹಾಗೆಯೇ ಮುಳಬಾಗಿಲಿನಿಂದ  

9 ಕಿ.ಮೀ. ಮತ್ತು ಕೋಲಾರದಿಂದ 40 ಕಿ.ಮೀ. ದೂರದಲ್ಲಿದೆ.

                                                  History of the Temple

                                                 Temple Board

The Distance from Bangalore city to  Kurudumale Ganesha Temple 

in Kolar District is approximately 108 Kms  and 9 Kms from Mulbagal 

and 40 Kms from Kolar.

ಕುರುಡುಮಲೆ ಗಣೇಶ ದೇವಾಲಯವು, ಯಾವುದೇ ಅಡಿಪಾಯವಿಲ್ಲದೆ ಒಂದೇ ಕಲ್ಲಿನಲ್ಲಿ ಕೆತ್ತಲಾದ, 13.5 ಅಡಿ ಎತ್ತರದ ಗಣೇಶನ ಏಕಶಿಲಾ ವಿಗ್ರಹಕ್ಕೆ ಪ್ರಸಿದ್ಧವಾಗಿದೆ.

 

                                                            Map

 

The Kurudumale Ganesha Temple is famous for  13.5-foot monolithic

idol of Lord Ganesha carved from a single stone without any foundation. 

ಈ ಪುಣ್ಯಕ್ಷೇತ್ರವು ಸಾಂಪ್ರದಾಯಿಕ ರಚನಾತ್ಮಕ ಅಡಿಪಾಯವಿಲ್ಲದೆ, ನೇರವಾಗಿ 

ಬಂಡೆಗಳ ಮೇಲೆ ವಿಶಿಷ್ಟವಾಗಿ ನಿರ್ಮಿಸಲ್ಪಟ್ಟಿದೆ.

                                                        PIC-1

 
                            PIC-2

The Shrine is Uniquely Built Directly on Rock Formations Without a Traditional Structural Foundation.

ದೇವಾಲಯದ ಸಮಯ: ಬೆಳಿಗ್ಗೆ 6.30 - ಮಧ್ಯಾಹ್ನ 1.00 ಮತ್ತು ಮಧ್ಯಾಹ್ನ 3.00 - ರಾತ್ರಿ 8.30.

 

                                                         PIC-3 

 

                                                       PIC-4

 

ದಯವಿಟ್ಟು ಈ ದೇವಾಲಯಕ್ಕೆ ಭೇಟಿ ನೀಡಿ ಮತ್ತು ಭಗವಾನ್ ಗಮೇಶನ 

ಆಶೀರ್ವಾದ ಪಡೆಯಿರಿ.

Please Visit this Temple and Get Blessings from Lord Ganesha.

---------------- Hari Om ----------------

 

 

 

ಎಣ್ಣೆಶಾಸ್ತ್ರ / ತೈಲಾಭ್ಯಂಜನ -- ನರಕ ಚತುರ್ದಶಿಯಂದು - The Tradition of Oil Application & Bathing (Tailabhyanjana)— On Naraka Chaturdashi

 

ಎಣ್ಣೆಶಾಸ್ತ್ರ / ತೈಲಾಭ್ಯಂಜನ -- ನರಕ ಚತುರ್ದಶಿಯಂದು

 The Tradition of Oil Application & Bathing

(Tailabhyanjana)— On Naraka Chaturdashi

                    Oil Bathing

ನರಕ ಚತುರ್ದಶಿಯಂದೇ ಅಮಾವಾಸ್ಯೆಯ ಆಚರಣೆಯಿರುವಾಗ ಎಣ್ಣೆನೀರು ಹಾಕಿಕೊಳ್ಳಬಹುದಾ ? ಹಾಕಿಕೊಳ್ಳಬಹುದು. ನರಕಚತುರ್ದಶಿ ಸ್ನಾನ ಮಾಡಲೇಬೇಕಾದ್ದರಿಂದ ಅಮಾವಾಸ್ಯೆ ಇದ್ದರೂ ಎಣ್ಣೆ ಸ್ನಾನ ಮಾಡಬಹುದು.

ತೈಲಾಭ್ಯಂಜನ ಕಡ್ಡಾಯ

ನರಕ ಚತುರ್ದಶಿಯಂದು ಪ್ರತಿಯೊಬ್ಬ ಜೀವಿಯೂ ಅಭ್ಯಂಜನವನ್ನು ಮಾಡಲೇಬೇಕು. ಇಲ್ಲದಿದ್ದರೆ ದಾರಿದ್ರ್ಯಾದಿಗಳಿಂದ ಪೀಡಿತರಾಗುವರು.

ಈ ದಿನ ಗಂಗೆಯು ಜಲದಲ್ಲಿ ಮತ್ತು ತೈಲದಲ್ಲಿ ಲಕ್ಷ್ಮೀದೇವಿಯು ವಿಶೇಷವಾಗಿ ಸನ್ನಿಹಿತಳಾಗಿರುತ್ತಾರೆ. ಸಾಮಾನ್ಯವಾಗಿ ತಂದೆ ತಾಯಿಗಳ ಶ್ರಾದ್ಧ ದಿನಗಳಲ್ಲಿ, ವ್ಯತೀಪಾತ, ವೈಧೃತಿ ಯೋಗಗಳಲ್ಲಿ ಅಭ್ಯಂಜನವನ್ನು ಮಾಡಿಕೊಳ್ಳುವ ಸಂಪ್ರದಾಯವಿಲ್ಲ. ವಿಧವೆಯರೂ, ಸನ್ಯಾಸಿಗಳೂ ಅಭ್ಯಂಜನವನ್ನು ಮಾಡಿಕೊಳ್ಳಬಾರದು ಸಾಮಾನ್ಯವಾಗಿ. ಆದರೆ ನರಕ ಚತುರ್ದಶಿಯಂದು ಇದೆಲ್ಲ ಇದ್ದರೂ ಕೂಡ ಅಭ್ಯಂಜನವನ್ನು ಮಾಡಲೇಬೇಕು. ಸನ್ಯಾಸಿಗಳೂ, ವಿಧವೆಯರೂ ಕೂಡ ಅಭ್ಯಂಜನವನ್ನು ಮಾಡಿಕೊಳ್ಳಲೇಬೇಕು.

ಏಕೆ ಅಭ್ಯಂಜನವನ್ನು ಮಾಡಿಕೊಳ್ಳಬೇಕು ?

ಈ ದಿನ ಶ್ರೀ ಕೃಷ್ಣನು ನರಕಾಸುರನನ್ನು ಸಂಹರಿಸಿದಾಗ ನರಕಾಸುರನು ಒಂದು ವರವನ್ನು ಕೇಳುತ್ತಾನೆ. “ನನ್ನ ಸಂಹಾರದ ನೆನಪಿಗಾಗಿ ಎಲ್ಲರೂ ಅಭ್ಯಂಜನವನ್ನು ಮಾಡಬೇಕು ಮತ್ತು ದೀಪಪ್ರಜ್ವಲನವನ್ನು ಮಾಡಬೇಕು” ಎಂದು ಕೇಳಿದುದರಿಂದ ಕೃಷ್ಣನು ಹಾಗೆಯೇ ಆಗಲಿ ಎಂದು ಅನುಗ್ರಹಿಸಿದ್ದನು. ಅದರ ನಿಮಿತ್ತ ಎಲ್ಲರೂ ಅಭ್ಯಂಜನವನ್ನು ಮಾಡಿಕೊಳ್ಳಬೇಕು. ಶ್ರೀಕೃಷ್ಣನು ನರಕಾಸುರನನ್ನು ಸಂಹರಿಸಿದಾಗ ಅವನ ಮೇಲೆ ರಕ್ತದ ಕಲೆಗಳು ಸಿಡಿದಿದ್ದವು. ಅದನ್ನು ತೊಳೆದು ಕೊಳ್ಳಲೆಂಬಂತೆ ಶ್ರೀಕೃಷ್ಣನೂ ಸಹ ಎಣ್ಣೆ-ನೀರನ್ನು ಹಾಕಿಕೊಂಡಿದ್ದನು.

ಎಣ್ಣೆಶಾಸ್ತ್ರ (ನರಕ ಚತುರ್ದಶಿಯಂದು) –

ಮೊದಲು ಮನೆಯ ಹಿರಿಯರೊಬ್ಬರು ಎಣ್ಣೆಯನ್ನು ಪರಮಾತ್ಮನಿಗೆ ಸಮರ್ಪಿಸಬೇಕು. ಈದಿನ ಪ್ರಾತ: ಕಾಲ ಶುಚಿರ್ಭೂತನಾಗಿ ಬಿಸಿನೀರು, ಎಳ್ಳೆಣ್ಣೆ, ಸೀಗೆಪುಡಿ, ಅರಿಶಿನ, ಮುಂತಾದುವನ್ನು ದೇವರ ಮುಂದಿಟ್ಟು “ತೈಲೇ ಲಕ್ಷ್ಮೀ: ಜಲೇ ಗಂಗಾ ದೀಪಾವಲ್ಯಾಂ ಚತುರ್ದಶೀ | ಪ್ರಾತ: ಸ್ನಾನಂ ತು ಯ: ಕುರ್ಯಾತ್ ಯಮಲೋಕಂ ನ ಪಶ್ಯತಿ| ಎಂಬಂತೆ ಲಕ್ಷ್ಮಿಯು ಶ್ರೀಮನ್ನಾರಾಯಣನಿಗೆ ಅಭ್ಯಂಜನ ಸ್ನಾನ ಮಾಡಿಸುವಳೆಂದು ಭಾವಿಸಿ, ನಾರಾಯಣನಿಗೆ ಸಮರ್ಪಿಸಿ, ನಂತರ ಆ ಎಣ್ಣೆಯಿಂದಲೇ ಎಲ್ಲರಿಗೂ ಎಣ್ಣೆ ಶಾಸ್ತ್ರ ಮಾಡತಕ್ಕದ್ದು.

 

                                                                     PIC-1

 

ಎಣ್ಣೆ ಶಾಸ್ತ್ರ ಎಲ್ಲರೂ ಮಾಡಿಸಿಕೊಳ್ಳತಕ್ಕದ್ದು. ಮೊದಲು ಮನೆಯ ಹೆಂಗಸರು ಗಂಡಸರನ್ನೆಲ್ಲ ಕೂಡಿಸಿ, ದೇವರಿಗೆ ಸಮರ್ಪಿಸಿದ ಎಣ್ಣೆಯನ್ನು ಹಚ್ಚುವ ಶಾಸ್ತ್ರ ಮಾಡುತ್ತಾರೆ. ಇಲ್ಲಿ ಎಣ್ಣೆ ಶಾಸ್ತ್ರಕ್ಕೆ ಕೂಡುವಾಗ ಉತ್ತರೀಯವಿರಲೇ ಬೇಕು. ಮೊದಲು ದೇವರಬಳಿ, ತುಳಸಿಯ ಗಿಡದ ಬಳಿ ದೀಪವನ್ನು ಹಚ್ಚಬೇಕು. ನಂತರ ಒಂದು ಮಣೆಯ ಮೇಲೋ ಅಥವಾ ಚಾಪೆಯ ಮೇಲೋ ಕುಳಿತುಕೊಳ್ಳಬೇಕು. ಮನೆಯ ಹಿರಿಯ ಹೆಣ್ಣುಮಕ್ಕಳು ಎಲ್ಲರಿಗೂ ಮೊದಲು ಹಣೆಯಲ್ಲಿ ಕುಂಕುಮ ತಿಲಕವಿಡುತ್ತಾರೆ. ಚಿನ್ನದ ಉಂಗುರವನ್ನು ಬಳಸಿ ಎಣ್ಣೆ ಶಾಸ್ತ್ರ ಮಾಡಬೇಕು .

ಚಿನ್ನದ ಉಂಗುರ ಇಲ್ಲದ ಪಕ್ಷದಲ್ಲಿ ಪಾರಿಜಾತ ಹೂ ಆಗಲಿ ಅಥವಾ ಮಲ್ಲಿಗೆ ಹೂ ಆಗಲಿ ಬಳಸಬಹುದು . ಪ್ರತಿಯೊಬ್ಬರಿಗೂ ವಿಳ್ಳೆದೆಲೆಯ ಪಟ್ಟಿಯನ್ನು ಕೊಡುತ್ತಾರೆ ಅಥವಾ ಎಲ್ಲರಿಗೂ ಮುಟ್ಟಿಸಿ ಯಾರಾದರೂ ಒಬ್ಬರಿಗೆ ವಿಳ್ಳೆದೆಲೆ ಪಟ್ಟಿಯನ್ನು ನೀಡುತ್ತಾರೆ. ಒಂದು ಬೆಳ್ಳಿಯ ಬಟ್ಟಲಿನಲ್ಲಿ ದೇವರಿಗೆ ಸಮರ್ಪಿಸಿದ ಎಣ್ಣೆಯನ್ನು ಅರಿಶಿನ ಸೇರಿಸಿ ಎಲ್ಲರಿಗೂ ಹಣೆಯಿಂದ ಪಾದದವರೆಗೂ ಸ್ವಲ್ಪ ಸ್ವಲ್ಪ ಹಚ್ಚುತ್ತಾರೆ.

 

                                                                           PIC-2

 
 ಎಣ್ಣೆ ಶಾಸ್ತ್ರ ಮಾಡುವಾಗ ಹೇಳುವ ಮಂತ್ರ –

ಅಶ್ವತ್ಥಾಮಾ ಬಲಿರ್ವ್ಯಾಸೋ ಹನೂಮಾಂಶ್ಚ ವಿಭೀಷಣ: |

 ಕೃಪ: ಪರಶುರಾಮಶ್ಚ ಸಪ್ತ್ಯೇತೇ ಚಿರಂಜೀವಿನ: || 

ಎಂದು ಏಳು ಸಲ ಭೂಮಿಗೆ ಮುಟ್ಟಿಸಿ, ಮೂರು ಸಲ ತಲೆಗೂ, ಭೂಮಿಗೂ ಎಣ್ಣೆಯನ್ನು ತಗುಲಿಸಿ, ಅರಿಶಿನ ಕುಂಕುಮಗಳಿಂದ ಪೂಜಿಸಿ ಅಭ್ಯಂಜನ ಸ್ನಾನ ಮಾಡಬೇಕು. ಎಣ್ಣೆ ಶಾಸ್ತ್ರಕ್ಕೆ ಎಳ್ಳೆಣ್ಣೆಯನ್ನು ಉಪಯೋಗಿಸಬೇಕು.

ಎಣ್ಣೆ ಶಾಸ್ತ್ರ ಮಾಡಿಸಿಕೊಳ್ಳುವಾಗ ಪೂರ್ವಾಭಿಮುಖವಾಗಿ ಕೂಡಬೇಕು.

ಎಣ್ಣೆ ಶಾಸ್ತ್ರಕ್ಕೆ ಕೂಡುವವರು ದೇವರಿಗೆ ನಮಿಸಿ ಕೂಡಬೇಕು.

ನಂತರ ಎಲ್ಲರಿಗೂ ಆರತಿ ಮಾಡಬೇಕು. ಆ ಸಮಯದಲ್ಲಿ ಈ ದೇವರನಾಮವನ್ನು ಹಾಡುವ ಕ್ರಮವಿದೆ.

---------------------------- Hari Om --------------------------