ಯತಿ ದ್ವಾದಶಿ -- Yathi Dwadasi

 

                                                                     Yathi Dwadasi

 

ಯತಿ ದ್ವಾದಶಿ -- Yathi Dwadasi

 

ಪಿತೃ ಪಕ್ಷಗಳಲ್ಲಿ ಬರುವ ಯತಿ ದ್ವಾದಶಿ ಮಹಾಲಯದ ಬಗ್ಗೆ ಸ್ವಲ್ಪ ತಿಳಿದುಕೊಳ್ಳೋಣ.

 

ಯತಿ ದ್ವಾದಶಿಯ ದಿನ ಕೇವಲ ಯತಿಗಳಿಂದ ವಿದ್ಯೆ ಬುದ್ಧ ಕಲಿತ ಶಿಷ್ಯರು ಮಾತ್ರ ಈ ದಿನ ಆಚರಿಸುತ್ತಾರೆ, ಆದರೆ ಸಮಸ್ತ ಮಾನವ ಕೋಟಿಗೆ ಧರ್ಮ ಮಾರ್ಗ ಆತ್ಮ ಉದ್ಧಾರ ಮಾರ್ಗ ತೋರಿಸಿದ ನಮ್ಮ ಋಷಿ ಮುನಿಗಳಿಗೆ ಧನ್ಯತೆಯನ್ನು ವ್ಯಕ್ತಪಡಿಸುವ ಅವರಿಗಾಗಿ ಸ್ವಲ್ಪ ಧಾರ್ಮಿಕ ಕಾರ್ಯಕ್ರಮ ಅನ್ನದಾನ ನಾವೆಲ್ಲರೂ ಮಾಡಬೇಕು.

ಯಾವ ರೀತಿ ಜನ್ಮ ಕೊಟ್ಟ ತಾಯಿ ತಂದೆಗೆ ಮುಕ್ತಿ ಮೋಕ್ಷ ಸಿಗಲೆಂದು ಶ್ರಾದ್ಧ ಪಿಂಡಪ್ರದಾನ ಅನ್ನದಾನ, ಗೂದಾನ ಗಳನ್ನು ಮಾಡುತ್ತೇವೆಯೋ ಅದೇ ಪ್ರಕಾರ ಸಂತರು ಸನ್ಯಾಸಿಗಳು ಋಷಿಮುನಿಗಳು ತಾವು ಸಂಪೂರ್ಣ ತಮ್ಮ ಜೀವನವನ್ನು ಸಮಾಜದ ಉದ್ಧಾರಕ್ಕಾಗಿ ಜನರಿಗೆ ಧರ್ಮ ,ಮೋಕ್ಷ ಮಾರ್ಗ ತೋರಿಸಿದ್ದಕ್ಕಾಗಿ, ತಾವುಗಳು ಕಠೂರ ಸನ್ಯಾಸ ಜೀವನ ಉಪವಾಸದಿಗಳನ್ನು, ಪಾದಯಾತ್ರೆಗಳನ್ನು ಆಚರಿಸುತ್ತಾ ಈ ಸಮಾಜಕ್ಕಾಗಿ ಸಮಾಜದ ಶ್ರೇಯಸ್ಗಾಗಿ ಜೀವನ ಸಾಗಿಸಿದ ಯತಿ, ಸಂತ, ಸನ್ಯಾಸಿ, ಗಳಿಗಾಗಿ ನಾವು ಅಂತಹ ಯತಿಗಳಿಗೆ ರುಣಿಯಾಗಿರುತ್ತೇವೆ, ಅದಕ್ಕಾಗಿ ಋಷಿ ಋಣ ಎಂದು ಪ್ರತಿದಿನ ತರ್ಪಣ ಬಿಡಲು ನಮ್ಮ ಹಿರಿಯರು ನಮಗೆ ಹೇಳಿದ್ದಾರೆ, ಯತಿ ದ್ವಾದಶಿಯ ದಿನ ನಾವೆಲ್ಲರೂ ನಮಗೆ ಸನ್ಮಾರ್ಗ ತೋರಿಸಿದ ನಮಗೆ ಧರ್ಮ ಮಾರ್ಗ ತೋರಿಸಿದ ನಮಗೆ ಮೋಕ್ಷ ಮಾರ್ಗ ತೋರಿಸಿದ ಋಷಿ ಮುನಿಗಳಿಗಾಗಿ ಅವರ ಸ್ಮರಣೆ ಮಾಡುತ್ತಾ ನಾವು ಕೂಡ ಈ ಯತಿ ದ್ವಾದಶಿ ಆಚರಿಸಬೇಕು, ಕನಿಷ್ಠ ಋಷಿ ಮುನಿಗಳ ಹೆಸರ ಮೇಲೆ ಅಂದು ಬ್ರಾಹ್ಮಣರಿಗೆ ಅನ್ನ ಸಂತರ್ಪಣೆ ಬಡವರಿಗೆ ಕೈಲಾದ ದಾನ ಕೊಟ್ಟಲ್ಲಿ ಉತ್ತಮ.

ಯತಿ ಮಹಾಲಯವು ಯತಿಗಳಿಗೆ ಸಮರ್ಪಿತವಾದ ಮಂಗಳಕರವಾದ ಸನಾತನ ಹಿಂದೂ ಆಚರಣೆಯಾಗಿದೆ. ಇದನ್ನು ಭಾದ್ರಪದ ಮಾಸದಲ್ಲಿ ಪಿತೃ ಪಕ್ಷದ ಅವಧಿಯಲ್ಲಿ ಕೃಷ್ಣ ಪಕ್ಷ (ಚಂದ್ರನ ಕ್ಷೀಣಿಸುತ್ತಿರುವ ಅವಧಿ) ಯ 'ದ್ವಾದಶಿ' (12 ನೇ ದಿನ) ದಲ್ಲಿ ಆಚರಿಸಲಾಗುತ್ತದೆ. ಇಂಗ್ಲಿಷ್ ಕ್ಯಾಲೆಂಡರ್ನಲ್ಲಿ, ದಿನಾಂಕವು ಸೆಪ್ಟೆಂಬರ್-ಅಕ್ಟೋಬರ್ ತಿಂಗಳುಗಳಿಗೆ ಅನುರೂಪವಾಗಿದೆ. ಯತಿ ಮಹಾಲಯದ ದಿನದಂದು ವೃಂದಾವನವನ್ನು ಪ್ರವೇಶಿಸಲು ಆಯ್ಕೆಯಾದ ಎಲ್ಲಾ ಯತಿಗಳಿಗೆ 'ಹಸ್ತೋದಕ'ವನ್ನು ಅರ್ಪಿಸುವ ಆಚರಣೆಯಿದೆ. ಈ ದಿನದಂದು ಪಿತೃ ಪಕ್ಷ ಶ್ರಾದ್ಧವನ್ನು ಪೂರ್ವಜರಿಗೆ ಆಚರಿಸುವುದಿಲ್ಲ ಎಂಬುದು ಗಮನಿಸಬೇಕಾದ ಸಂಗತಿ. ಈ ಶ್ರಾದ್ಧ ಆಚರಣೆಗಳನ್ನು ಮಾಡುವುದರಿಂದ ಅವರ ಜ್ಞಾನ ಮತ್ತು ಕಲಿಕೆಯ ಸಾಮರ್ಥ್ಯವನ್ನು ಹೆಚ್ಚಿಸಬಹುದು ಎಂದು ನಂಬಲಾಗಿದೆ. ಯತಿ ಮಹಾಲಯದ ಪದ್ಧತಿಗಳು ಭಾರತದ ದಕ್ಷಿಣ ರಾಜ್ಯಗಳಲ್ಲಿ ಹೆಚ್ಚು ಜನಪ್ರಿಯವಾಗಿವೆ ಮತ್ತು ಆಂಧ್ರಪ್ರದೇಶ ಮತ್ತು ಕರ್ನಾಟಕದಲ್ಲಿ ಹಿಂದೂ ಸಮುದಾಯಗಳಿಂದ ಪೂರ್ಣ ಭಕ್ತಿಯಿಂದ ಆಚರಿಸಲಾಗುತ್ತದೆ.

ಯತಿ ಮಹಾಲಯದ ಆಚರಣೆಗಳು:

ಯತಿ ಮಹಾಲಯ ಶ್ರಾದ್ಧವನ್ನು ಯತಿಪುತ್ರರು ಮಾತ್ರ ಮಾಡಬಹುದು. ಯತಿಪುತ್ರರು ಎಂದರೆ ಯತಿಗಳಿಂದ 'ಶಾಸ್ತ್ರ/ಗ್ರಂಥ ಋಣ'ವನ್ನು ತೆಗೆದುಕೊಂಡವರು.
ಈ ದಿನದಂದು, ಯತಿಪುತ್ರರು ಬ್ರಾಹ್ಮಣ ಸಮುದಾಯಕ್ಕೆ 'ಭೋಜನ' ಅಥವಾ ಅನ್ನವನ್ನು ನೀಡುವ ಮೂಲಕ ಯತಿಗಳಿಗೆ ಹಸ್ತೋದಕ/ಅನ್ನಸಂತರ್ಪಣೆ ಮಾಡುತ್ತಾರೆ. ಅವರು ಯತಿಗಳಿಗೆ ಪಿಂಡ ಪ್ರಧಾನವನ್ನು ನೀಡಬೇಕಾಗಿಲ್ಲ.
ಯತಿ ಮಹಾಲಯ ಶ್ರಾದ್ಧ ಆಚರಣೆಗಳನ್ನು ಗಯಾ, ಋಷಿಕೇಶ, ವಾರಣಾಸಿ, ಹರಿದ್ವಾರ, ಅಲಹಾಬಾದ್ ಸಂಗಮ್, ಕರೂರ್ ಬಳಿಯ ದೇವರ್ ಮಲೈ, ಊಟತ್ತೂರ್ ಮತ್ತು ಸುರಟ್ಟಪಲ್ಲಿ ಬಳಿಯ ರಾಮಗಿರಿ ಮುಂತಾದ ಪವಿತ್ರ ಹಿಂದೂ ಯಾತ್ರಾ ಸ್ಥಳಗಳಲ್ಲಿ ಮಾಡಬೇಕು.

ಯತಿ ಮಹಾಲಯದ ಮಹತ್ವ:

ಹಿಂದೂ ಸಮುದಾಯಗಳಿಗೆ ಯತಿ ಮಹಾಲಯ ಆಚರಣೆಗಳು ಮುಖ್ಯ. ಈ ಆಚರಣೆಯು ಯತಿಗಳಿಗೆ ಅವರ ಗೌರವವನ್ನು ತೋರಿಸಲು ಒಂದು ಸಾಧನವಾಗಿದೆ. ಯತಿ ಋಣದಿಂದ ಮುಕ್ತಿ ಹೊಂದಲು ಹಿಂದೂಗಳು ಭಾದ್ರಪದ ದ್ವಾದಶಿಯಂದು ಶ್ರಾದ್ಧ ಆಚರಣೆಗಳನ್ನು ಮಾಡುತ್ತಾರೆ. ಆದ್ದರಿಂದ ಈ ದಿನವನ್ನು 'ಯತಿ ದ್ವಾದಶಿ' ಎಂದೂ ಕರೆಯಲಾಗುತ್ತದೆ. ಯತಿಗಳು ತಮ್ಮ ಜೀವನವನ್ನು ಮಾನವೀಯತೆಗೆ ಸಮರ್ಪಿಸಿದ್ದಾರೆ ಮತ್ತು ವಿವಿಧ ಉಪನಿಷತ್ತುಗಳು, ವ್ಯಾಖ್ಯ, ಶಾಸ್ತ್ರ ಗ್ರಂಥಗಳು ಮತ್ತು ಹಲವಾರು ಇತರ ಪ್ರಾಚೀನ ಗ್ರಂಥಗಳು ಮತ್ತು ಪುರಾಣಗಳಲ್ಲಿ ತಮ್ಮ ಜ್ಞಾನವನ್ನು ಸಂರಕ್ಷಿಸಿದ್ದಾರೆ. ಈ ಗ್ರಂಥಗಳು ಅಥವಾ ಪುಸ್ತಕಗಳು ಜೀವನದ ಮೂಲಭೂತ ತತ್ವಗಳನ್ನು ಕಲಿಯಲು ನಮಗೆ ಸಹಾಯ ಮಾಡಿವೆ ಮತ್ತು ಆದ್ದರಿಂದ ನಾವು ಅವರಿಗೆ ಯತಿ ಋಣ ಎಂದು ಕರೆಯಲ್ಪಡುವ ಋಣವನ್ನು ನೀಡಬೇಕಾಗಿದೆ. ಈ ಋಣವನ್ನು ತೀರಿಸಲು ಮತ್ತು ಯತಿಗಳ ಆಶೀರ್ವಾದ ಪಡೆಯಲು ಯತಿ ಮಹಾಲಯವನ್ನು ಆಚರಿಸಲಾಗುತ್ತದೆ.

ಯತಿ ಮಹಾಲಯ ಮಾಡುವ ಉದ್ದೇಶ ಮನುಷ್ಯ ಮೂರು ಋಣಗಳಿಂದ ಜನ್ಮ ತೆಗೆದುಕೊಂಡಿರುತ್ತಾನೆ, ಮಾತೃ ಋಣ, ಪಿತೃ ಋಣ, ಋಷಿ ಋಣ, ಇದರಲ್ಲಿ ತಾಯಿಯ ಋಣ ತೀರಿಸಲು ಆಗುವುದಿಲ್ಲವೆಂದು ನಮ್ಮ ಹಿರಿಯರ ನಂಬಿಕೆ, ಪಿತೃ ಋಣ ತಂದೆ ಸೇವೆಯಿಂದ ತೀರಿಸಬಹುದು, ಋಷಿ ಋಣ ಇಂತಹ ಧಾರ್ಮಿಕ ಆಚರಣೆ ಸಮಾಜ ಸೇವೆ ಗಳಿಂದ ತೀರಿಸಬೇಕಂತೆ.

ನಮ್ಮ ಋಷಿಗಳು ತಮ್ಮ ಜೀವನವೆಲ್ಲ ಸಮಾಜದ ಉನ್ನತಿಗೆ ಶ್ರಮಿಸಿರುತ್ತಾರೆ ಕಾರಣ ನಾವು ಸಮಾಜ ಸೇವೆ ಪರೋಪಕಾರ ಗಳಂತಹ ಕಾರ್ಯಗಳನ್ನು ಮಾಡುತ್ತಾ ಋಷಿ ಋಣವನ್ನು ತೀರಿಸಿಕೊಳ್ಳಬೇಕು .

------------------------ Hari Om ---------------------

ಇಂದಿರಾ ಏಕಾದಶಿ ಮಹಿಮೆ -- Indira Ekadasi - its Glory

 

                                                                Indira Ekadasi

 

ಇಂದಿರಾ ಏಕಾದಶಿ ಮಹಿಮೆ -- Indira Ekadasi its Glory

ಗೋವಿಂದಂ ಪುಂಡರೀಕಾಕ್ಷಂ ಗಂಗಾಕಾಶಿಂ ಗಯಾಂ ತಥಾ ಗದಾಧರಂ ಸ್ಮರೇತ್ ಭಕ್ತ್ಯಾ ಶ್ರಾದ್ಧಸಾದ್ ಗುಣ್ಯ ಹೇತವೆ ||

ಭಾದ್ರಪದ ಕೃಷ್ಣಪಕ್ಷದಲ್ಲಿ ಬರುವ ಏಕಾದಶಿಗೆ ಇಂದಿರಾ ಏಕಾದಶಿ ಎನ್ನುತ್ತಾರೆ. .ಮಧುವೆಂಬ ರಾಕ್ಷಸನನ್ನು ಕೊಂದ ಮಧುಸೂದನನೇ ದಯವಿಟ್ಟುಇಂದಿರಾ ಏಕಾದಶಿಯ ಮಹತ್ವ ತಿಳಿಸು ಎಂದು ಪಾಂಡವರಾಜ ಯುಧಿಷ್ಠಿರ ಶ್ರೀಕೃಷ್ಣನನ್ನು ಕೇಳುತ್ತಾನೆ. ಆಗ ಶ್ರೀಕೃಷ್ಣ ದೃಷ್ಟಾಂತ ಸಹಿತ ತಿಳಿಸುತ್ತಾನೆ. ಈ ಏಕಾದಶಿ ಕುರಿತು ಬ್ರಹ್ಮ ವೈವರ್ತ ಪುರಾಣದಲ್ಲಿ ಉಲ್ಲೇಖಿಸಲಾಗಿದೆ.

ದೃಷ್ಟಾಂತ : ಸತ್ಯಯುಗದಲ್ಲಿ ಇಂದ್ರಸೇನ ಎಂಬ ಬಲಿಷ್ಠ ರಾಜನಿದ್ದ. ಆತ ತನ್ನ ಶತ್ರುಗಳನ್ನೆಲ್ಲ ನಾಶಮಾಡಿ, ವಿಜೇತನಾಗಿ, ಧರ್ಮದಿಂದ ರಾಜ್ಯವಾಳುತ್ತಿದ್ದ. ಮಹಿಷ್ಮತಿಪುರಿ ಆತನ ರಾಜಧಾನಿಯಾಗಿತ್ತು. ತನ್ನ ಪ್ರಜೆಗಳನ್ನು ತನ್ನ ಕುಟುಂಬದವರಂತೆ ಕಾಣುತ್ತಿದ್ದ. ಆತನ ರಾಜ್ಯ ಸುಭೀಕ್ಷವಾಗಿತ್ತು. ಧರ್ಮಿಷ್ಠನಾದ ರಾಜ ಶ್ರೀವಿಷ್ಣುವಿನ ಪರಮ ಭಕ್ತನಾಗಿದ್ದ ಸದಾಕಾಲ ಗೋವಿಂದಾ ಗೋವಿಂದಾ ಎಂದು ನಾಮಜಪ ಮಾಡುತ್ತ ಜ್ಞಾನಾನಂದವಾದ ಆಧ್ಯಾತ್ಮದಲ್ಲಿ ಆಸಕ್ತಿಹೊಂದಿ ನಿರ್ಮಲವಾದ ಜೀವನ ನಡೆಸುತ್ತಿದ್ದ.

ಒಂದುದಿನ ರಾಜಾ ಇಂದ್ರಸೇನ ಪ್ರಸನ್ನವದನನಾಗಿ ಶಾಂತಚಿತ್ತನಾಗಿ ಆಸ್ಥಾನದಲ್ಲಿ ಕುಳಿತಿದ್ದ, ಆಗ ಆಕಾಶಮಾರ್ಗವಾಗಿ ನಾರದಮುನಿಗಳು ರಾಜನ ಆಸ್ಥಾನಕ್ಕೆ ಬಂದರು. ನಾರದರನ್ನು ಕಂಡ ರಾಜ ಅವರಿಗೆ ರಾಜ ಮರ್ಯಾದೆಯೊಂದಿಗೆ ಪಾದಪೂಜೆ ಮಾಡಿ ಸತ್ಕರಿಸಿದ. ಆಗ ನಾರದರು ಕೇಳುತ್ತಾರೆ. `ಓ,ರಾಜನೇ ನಿನ್ನ ಆಸ್ಥಾನದ ಏಳೂ ಅಂಗಗಳು ಅಂದರೆ ೧) ರಾಜ, ೨)ಮಂತ್ರಿ, ೩)ಖಜಾನೆ, ೪)ಸೈನ್ಯ, ೫) ಬಂಧುಗಳು, ೬) ಬ್ರಾಹ್ಮಣರು, ೭) ಪ್ರಜೆಗಳು ಸರಿಯಾಗಿರುವವೇ?

ಸದಾಕಾಲ ವಿಷ್ಣುವಿನ ಜಪಮಾಡುವುದರಲ್ಲೇ ಕಾಲಕಳೆಯುವಿಯಲ್ಲ ಅವರೆಲ್ಲರೊಡನೆ ನೀ ಹೇಗೆ ಕಾರ್ಯ ನಿರ್ವಹಿಸುವಿ ಎನ್ನುತ್ತಾರೆ. ಅದಕ್ಕೆ ರಾಜ ತಮ್ಮ ದಯೆಯಿಂದ ಎಲ್ಲವೂ ಸರಿಯಾಗಿದೆ. ನೀವೇ ಕಂಡಿದ್ದೀರಲ್ಲ ಎಲ್ಲವೂ ಸುಸೂತ್ರವಾಗಿ ನಡೆಯುತ್ತಿದೆ. ನನ್ನ ಮೇಲೆ ಕರುಣೆತೋರಿ ತಾವು ಇಲ್ಲಿಗೆ ಆಗಮಿಸಿದ ಕಾರಣ ತಿಳಿಸಬೇಕು ಎನ್ನುತ್ತಾನೆ. ಆಗ ನಾರದರು ಹೇಳುತ್ತಾರೆ ನಾನು ಬ್ರಹ್ಮಲೋಕದಿಂದ ಯಮಲೋಕಕ್ಕೆ ಬಂದಾಗ ಯಮರಾನ ನನ್ನನ್ನು ಸತ್ಕರಿಸಿದ. ನಾನು ಅವನ ವಿಷ್ಣು ಭಕ್ತಿಯನ್ನು ಕೊಂಡಾಡಿದೆ.ಆಗ ನಾನು ನಿಮ್ಮ ತಂದೆಯನ್ನು ಕಂಡೆ. ನಿಮ್ಮ ತಂದೆ ಧರ್ಮಿಷ್ಠನಾಗಿದ್ದ ಏಕಾದಶಿ ವ್ರತವನ್ನು ಮುರಿದ ಕಾರಣ ಅವನಿಗೆ ಯಮಲೋಕ ಪ್ರಾಪ್ತವಾಯಿತು.

ನಿಮ್ಮ ತಂದೆ ನಿನಗೊಂದು ಸಂದೇಶ ಕಳುಹಿಸಿದ್ದಾರೆ ಅದೇನೆಂದರೆ, ಅವರು ನಿನ್ನನ್ನೇ ಕುರಿತು ಹೇಳಿದರು ಮಹಿಷ್ಮತಿಯಲ್ಲಿ ನನ್ನ ಮಗನಾದ ಇಂದ್ರಸೇನನೆಂಬ ರಾಜನಿದ್ದಾನೆ. ಆತನಿಗೆ ನಾನಿಲ್ಲಿರುವ ಸ್ಥಿತಿಯನ್ನು ವಿವರಿಸಿ. ಹಿಂದೆ ಮಾಡಿದ ಪಾಪಕಾರ್ಯದ ಫಲವಾಗಿ ನಾನು ಯಮಲೋಕದಲ್ಲಿ ಇರುವೆ. ಆತನಿಗೆ ಈ ವಿಷಯ ತಿಳಿಸು ಎಂದರು ಮತ್ತು ಇಂದ್ರಸೇನನಿಗೆ ಬರುವ ಇಂದಿರಾ ಏಕಾದಶಿ ವ್ರತ ಆಚರಿಸಿ ಸತ್ಪಾತ್ರರಿಗೆ ದಾನವನ್ನು ಮಾಡಿ ನಾನು ಮುಕ್ತಹೊಂದುವಂತೆ ಮಾಡು ಎಂದು ಹೇಳಿದ್ದಾರೆ ಎಂದರು.

                                                              another Picture

 

ನಾವೆಲ್ಲರೂ ಪರಮಾತ್ಮನ ಛಾಯೆಯಂತೆ, ಭಗವಂತನ ಕರುಣೆಯಿಂದ ಭೂಮಿಗೆ ಬಂದಿದ್ದೇವೆ ಮತ್ತೆ ಮರಳಿ ನಾವು ಸೇರುವುದು ನಾರಾಯಣನನ್ನೇ ಎಂದು ಗರುಡ ಪುರಾಣದಲ್ಲಿ ಹೇಳಿದ್ದಾರೆ. ಆದರೆ ಪ್ರಾರಭ್ಧವಶಾತ್ ಯಾರಾದರೂ ನರಕದಲ್ಲಿ ಹೊರಳಾಡುತ್ತಿದ್ದರೆ ಶ್ರೀಕೃಷ್ಣನನ್ನು ನೆನೆಯುವುದು ಅವರಿಗೆ ಅಸಾಧ್ಯ.

ನರಕದಲ್ಲಿ ಮನಸ್ಸಿಗೆ ಶಾಂತತೆ ಇರುವುದಿಲ್ಲ. ಯಮದೂತರು ತೊಂದರೆ ಕೊಡುತ್ತಿರುತ್ತಾರೆ. ನರಕದ ಕಷ್ಟ ಬಲುಘೋರ, ತಾಳಲಾಗದ ನೋವನ್ನು ಅವರು ಅನುಭವಿಸುತ್ತಾರೆ. ಹಾಗಾಗಿ ಆ ವ್ಯಕ್ತಿಯ ಬಂಧುಗಳು ಆತನ ಸದ್ಗತಿಗಾಗಿ ಹಾಗೂ ಪಾಪ ಪರಿಹಾರಕ್ಕಾಗಿ ಪ್ರಾಯಶ್ಚಿತ್ತ ರೂಪವಾಗಿ ಉಪವಾಸ ವ್ರತ ಆಚರಿಸಿ, ದಾನ ಮಾಡಿದರೆ ಆತ ನರಕದಿಂದ ಮುಕ್ತಿ ಹೊಂದಲು ಸಾಧ್ಯ. ಆತನ ಪರವಾಗಿ ಅವನ ಬಂಧುಗಳು ಏಕಾದಶಿ ವ್ರತ ಮಾಡಿದರೂ ಅವರಿಗೆ ಸದ್ಗತಿ ಆಗುತ್ತದೆ ಎಂಬುದನ್ನು ಬ್ರಹ್ಮವೈವರ್ತ ಪುರಾಣ ತಿಳಿಸುತ್ತದೆ.

ರಾಜನೇ, ನಿಮ್ಮ ತಂದೆಯ ಸಂದೇಶ ತಿಳಿಸಿರುವೆ. ನೀನೂ ಸಹ ಇಂದಿರಾ ಏಕಾದಶಿ ಆಚರಿಸಿ ನಿಮ್ಮ ತಂದೆಗೆ ನರಕದಿಂದ ಮುಕ್ತಿ ಹೊಂದಲು ಪುತ್ರ ಕರ್ತವ್ಯವನ್ನು ಮಾಡು ಎಂದರು. ನಾರದರಿಂದ ಇಂದಿರಾ ಏಕಾದಶಿ ವ್ರತಾಚರಣೆ ವಿಧಿ-ವಿಧಾನ, ಮಹತ್ವವನ್ನು ತಿಳಿದು ಇಂದ್ರಸೇನ ವ್ರತವನ್ನು ಆಚರಿಸಿದ. ಇದರಿಂದ ರಾಜನ ಜನ್ಮದಾತ ತಂದೆಗೆ ಪ್ರಾಪ್ತವಾದ ಘೋರನರಕದ ಕಷ್ಟ ಪರಿಹಾರವಾಯಿತು. ಅವರು ತಮ್ಮ ಪಿತೃಗಣವನ್ನು ಸೇರಿ ವಿಷ್ಣುಪಾದವನ್ನು ಹೊಂದಿದರು.

ಯಾರು ಈ ಏಕಾದಶಿ ಮಹಾತ್ಮೆ ಕೇಳುವರೋ ಅವರು ಈ ಲೋಕದಲ್ಲಿ ಸಂತೋಷದ ಜೀವನ ನಡೆಸುತ್ತಾರೆ. ಎಲ್ಲ ಪಾಪದಿಂದ ಮುಕ್ತಿಹೊಂದಿ ಸಾವಿನ ನಂತರ ಮತ್ತೆ ದೇವಲೋಕಕ್ಕೆ ತೆರಳುವರು. ಅವರಿಗೆ ಪುನರ್ಜನ್ಮ ಇರುವದಿಲ್ಲ. ಈ ಏಕಾದಶಿ ವ್ರತದ ಆಚರಣೆಯಿಂದ ನರಕದಲ್ಲಿದ್ದ ಹಿರಿಯರು ಮಾಡಿದ ಪಾಪಗಳು ಪರಿಹಾರವಾಗಿ ಮುಕ್ತಿಹೊಂದುವರು. ವ್ರತ ಆಚರಿಸಿದವರಿಗೆ ಸೌಖ್ಯ ಲಭಿಸಿ ಅಶ್ವಮೇಧಯಾಗದ ಫಲ ಪ್ರಾಪ್ತಿಯಾಗುವುದು.

---------------------------- Hari Om ------------------------

 

ಶ್ರಾದ್ಧ, ತರ್ಪಣ ಮತ್ತು ಪಿಂಡದಾನದ ಸೂಕ್ಷ್ಮ ವಿಚಾರ - Inner Sensitive Matter of Shraddha,Tarpana and Pindadana

                                                                Shraddha Karma

 

ಶ್ರಾದ್ಧ, ತರ್ಪಣ ಮತ್ತು ಪಿಂಡದಾನದ ಸೂಕ್ಷ್ಮ ವಿಚಾರ

Inner Sensitive Matter of Shraddha,Tarpana and Pindadana

ಶ್ರಾದ್ಧ ಮತ್ತು ಪಿಂಡದಾನವೆಂದರೆ ಕೇವಲ ಒಂದು ಪರಂಪರೆ ಅಥವಾ ಕರ್ಮಕಾಂಡ ಮಾತ್ರವಲ್ಲ. ಭಾರತೀಯ ಸನಾತನ ಪರಂಪರೆಯಲ್ಲಿ ಇವುಗಳನ್ನು ಪಿತೃಗಳ ಕೃತಜ್ಞತೆ, ಶ್ರದ್ಧೆ ಮತ್ತು ಸ್ಮರಣೆಯನ್ನು ವ್ಯಕ್ತಪಡಿಸುವ ಪವಿತ್ರ ಮಾಧ್ಯಮವೆಂದು ಪರಿಗಣಿಸಲಾಗಿದೆ. ಋಷಿ-ಮುನಿಗಳು ಮಾನವನ ಜೀವನ, ಮರಣ ಮತ್ತು ಮರಣಾನಂತರದ ಯಾನದ ಕುರಿತು ಆಳವಾಗಿ ಚಿಂತಿಸಿ, ಶ್ರಾದ್ಧಕರ್ಮದ ಮಹತ್ವವನ್ನು ವಿವರಿಸಿದ್ದಾರೆ.

ಮಾನವನು ಈ ಜಗತ್ತಿನಲ್ಲಿ ಜನ್ಮ ಪಡೆಯುತ್ತಾನೆ. ಕೆಲವು ಕಾಲ ಈ ಇಹಲೋಕದಲ್ಲಿ ತನ್ನ ಕರ್ಮಗಳ ಫಲವನ್ನು ಅನುಭವಿಸುತ್ತಾನೆ. ಮರಣದ ನಂತರ ಅವನ ಯಾನವು ಹೊಸ ಆಯಾಮವನ್ನು ಪ್ರವೇಶಿಸುತ್ತದೆ. ಸನಾತನ ದರ್ಶನದಲ್ಲಿ ಜೀವಿಯ ಗತಿಯನ್ನು ಕೇವಲ ಜನನ ಮತ್ತು ಮರಣಕ್ಕೆ ಸೀಮಿತವೆಂದು ಪರಿಗಣಿಸಲಾಗಿಲ್ಲ. ಬದಲಾಗಿ, ಕರ್ಮ ಮತ್ತು ಸಂಸ್ಕಾರಗಳ ಆಧಾರದ ಮೇಲೆ ಅದರ ಮುಂದಿನ ಯಾನ ಹಾಗೂ ಪುನರ್ಜನ್ಮದ ಪರಿಕಲ್ಪನೆಯನ್ನೂ ವಿವರಿಸಲಾಗಿದೆ. ಜೀವಿಯು ಮೋಕ್ಷವನ್ನು ಪಡೆಯುವವರೆಗೆ ಜನನ-ಮರಣದ ಈ ಚಕ್ರ ಮುಂದುವರಿಯುತ್ತದೆ ಎಂದು ಸನಾತನ ದರ್ಶನದಲ್ಲಿ ನಂಬಲಾಗಿದೆ.

 

                                                             Shraddha Tarpana 

ಆದ್ದರಿಂದ ಸನಾತನ ಪರಂಪರೆಯಲ್ಲಿ ಜೀವಿಯ ಪಾರಲೌಕಿಕ ಕಲ್ಯಾಣಕ್ಕಾಗಿ ವಿವಿಧ ಸಂಸ್ಕಾರಗಳು ಮತ್ತು ಧಾರ್ಮಿಕ ಕರ್ತವ್ಯಗಳನ್ನು ವಿಧಿಸಲಾಗಿದೆ. ಶ್ರಾದ್ಧ, ತರ್ಪಣ ಮತ್ತು ಪಿಂಡದಾನವೂ ಇದೇ ಭಾವನೆಗೆ ಸಂಬಂಧಿಸಿದ ಕರ್ಮಗಳಾಗಿವೆ. ಇವುಗಳ ಮೂಲಕ ಮನುಷ್ಯನು ತನ್ನ ದಿವಂಗತ ಪಿತೃಗಳನ್ನು ಶ್ರದ್ಧೆಯಿಂದ ಸ್ಮರಿಸಿ, ಅವರ ತನ್ನ ಕರ್ತವ್ಯ ಮತ್ತು ಕೃತಜ್ಞತೆಯನ್ನು ವ್ಯಕ್ತಪಡಿಸುತ್ತಾನೆ.

ಹೇಗೆ ಈ ಭೌತಿಕ ಲೋಕದಲ್ಲಿ ಜೀವಂತ ದೇಹಕ್ಕೆ ಅನ್ನ, ನೀರು ಮತ್ತು ವಾಯು ಅಗತ್ಯವೋ, ಅದೇ ರೀತಿಯಲ್ಲಿ ಪಾರಲೌಕಿಕ ವಿಷಯಗಳನ್ನು ಅರ್ಥಮಾಡಿಕೊಳ್ಳಲು ಸ್ಥೂಲ ದೇಹದಾಚೆಯ ಸೂಕ್ಷ್ಮ ಅಸ್ತಿತ್ವ ಮತ್ತು ಕರ್ಮಸಿದ್ಧಾಂತವನ್ನು ಗಮನದಲ್ಲಿಟ್ಟುಕೊಳ್ಳಬೇಕಾಗುತ್ತದೆ. ತರ್ಪಣದಲ್ಲಿ ಅರ್ಪಿಸುವ ನೀರನ್ನು ಕೇವಲ ನೀರೆಂದು ಮಾತ್ರ ಪರಿಗಣಿಸದೆ, ಅದು ಶ್ರದ್ಧೆ, ಸ್ಮರಣೆ ಮತ್ತು ಪಿತೃಋಣದ ಸ್ವೀಕಾರದ ಸಂಕೇತವೆಂದೂ ಪರಿಗಣಿಸಲಾಗುತ್ತದೆ.

 

                                                               Pinda Pradana

 

ಪಿತೃಗಳಿಗಾಗಿ ಮಾಡುವ ಜಲತರ್ಪಣವು ಮನುಷ್ಯನೊಳಗೆ ಕರುಣೆ, ಕೃತಜ್ಞತೆ ಮತ್ತು ತನ್ನ ಪೂರ್ವಜರ ಗೌರವದ ಭಾವನೆಯನ್ನು ಜಾಗೃತಗೊಳಿಸುತ್ತದೆ. ಅದೇ ರೀತಿ ಪಿಂಡದಾನದ ಮೂಲಕ ಪಿತೃಗಳ ಶ್ರದ್ಧೆಯನ್ನು ಅರ್ಪಿಸಿ, ಅವರ ಸದ್ಗತಿ ಮತ್ತು ಕಲ್ಯಾಣಕ್ಕಾಗಿ ಪ್ರಾರ್ಥಿಸಲಾಗುತ್ತದೆ.

ಸನಾತನ ದೃಷ್ಟಿಯಲ್ಲಿ ಪ್ರತಿಯೊಂದು ಜೀವಿಯಲ್ಲಿಯೂ ಪರಮಾತ್ಮನ ಅಂಶವಿದೆ ಎಂದು ನಂಬಲಾಗಿದೆ. ಶ್ರೀನಿವಾಸರಾದ ಭಗವಾನ್ ಶ್ರೀಹರಿಯು ವಿವಿಧ ಜೀವಿಗಳಲ್ಲಿ ಆತ್ಮಸ್ವರೂಪವಾಗಿ ವಿರಾಜಮಾನರಾಗಿದ್ದಾರೆ ಎಂದು ಪರಂಪರೆಯಲ್ಲಿ ಹೇಳಲಾಗಿದೆ. ಆದ್ದರಿಂದ ಪಿತೃಗಳ ಸ್ಮರಣೆಯೂ ಅಂತಿಮವಾಗಿ ಅದೇ ಪರಮಾತ್ಮತತ್ತ್ವದ ಶ್ರದ್ಧೆ ವ್ಯಕ್ತಪಡಿಸುವ ಒಂದು ಮಾಧ್ಯಮವಾಗುತ್ತದೆ.

ಮರ್ಯಾದಾ ಪುರುಷೋತ್ತಮ ಭಗವಾನ್ ಶ್ರೀರಾಮ ಮತ್ತು ಮಾತೆ ಸೀತೆಯ ಜೀವನದಲ್ಲಿಯೂ ಪಿತೃಧರ್ಮ ಮತ್ತು ಶ್ರಾದ್ಧದ ಭಾವನೆಗೆ ವಿಶೇಷ ಸ್ಥಾನವಿದೆ ಎಂದು ಪರಂಪರೆಯಲ್ಲಿ ವಿವರಿಸಲಾಗಿದೆ. ಇದು ತಾಯಿ-ತಂದೆಯರು ಹಾಗೂ ಪೂರ್ವಜರ ಶ್ರದ್ಧೆ, ಕೃತಜ್ಞತೆ ಮತ್ತು ತಮ್ಮ ಧರ್ಮವನ್ನು ಪಾಲಿಸುವುದು ಸನಾತನ ಜೀವನಪದ್ಧತಿಯ ಪ್ರಮುಖ ಅಂಗವೆಂಬುದನ್ನು ನಮಗೆ ಸ್ಮರಿಸುತ್ತದೆ.

ಆದ್ದರಿಂದ ಶ್ರಾದ್ಧವನ್ನು ಕೇವಲ ಒಂದು ನಿರ್ದಿಷ್ಟ ತಿಥಿಯಂದು ನೆರವೇರಿಸುವ ಕರ್ಮವೆಂದು ಮಾತ್ರ ಪರಿಗಣಿಸದೆ, ಪಿತೃಋಣದ ಸ್ಮರಣೆ, ಪೂರ್ವಜರ ಕೃತಜ್ಞತೆ ಮತ್ತು ಧರ್ಮಸಮ್ಮತ ಕರ್ತವ್ಯಬೋಧನೆಯ ರೂಪದಲ್ಲಿ ಅರ್ಥಮಾಡಿಕೊಳ್ಳಬೇಕು.

ಪಿತೃಗಳ ಸ್ಮರಣೆ ನಮಗೆ ಮತ್ತೊಂದು ವಿಷಯವನ್ನೂ ಕಲಿಸುತ್ತದೆ — ನಮ್ಮ ಇಂದಿನ ಜೀವನವು ಕೇವಲ ನಮ್ಮದೇ ಸಂಪಾದನೆಯಲ್ಲ. ಇದರ ಹಿಂದೆ ಅನೇಕ ಪೂರ್ವಜರ ತ್ಯಾಗ, ಸಂಸ್ಕಾರ ಮತ್ತು ಪರಂಪರೆ ಅಡಗಿದೆ.

ಆದ್ದರಿಂದ ಶ್ರದ್ಧೆಯಿಂದ ತರ್ಪಣ ಮಾಡಿ, ವಿಧಿಪೂರ್ವಕವಾಗಿ ಶ್ರಾದ್ಧ ನೆರವೇರಿಸಿ, ಪಿತೃಗಳನ್ನು ಸ್ಮರಿಸಿ ಮತ್ತು ಸದಾ ಕೃತಜ್ಞರಾಗಿರಿ. ಇದೇ ನಮ್ಮ ಸನಾತನ ಪರಂಪರೆಯ ಭಾವನೆ .

----------------------------- Hari Om --------------------------

 

 

ಮಕ್ಕಳ ಶ್ರಾದ್ಧವನ್ನು ಮಾಡಬೇಕೇ ಅಥವಾ ಬೇಡವೇ.-- Shraddha Karma upon Children’s Death - Rules

 

                                                  Shraddha Karma upon Children's Death 

 

ಮಕ್ಕಳ ಶ್ರಾದ್ಧವನ್ನು ಮಾಡಬೇಕೇ ಅಥವಾ ಬೇಡವೇ.

Shraddha Karma upon Children’s Death - Rules

1) 2 ವರ್ಷ ಅಥವಾ ಅದಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳ ವಾರ್ಷಿಕ ತಿಥಿ ಹಾಗೂ
ಶ್ರಾದ್ಧವನ್ನು ಮಾಡಲಾಗುವುದಿಲ್ಲ.

2) ಒಂದು ವೇಳೆ ಮರಣ ಹೊಂದಿದ ಮಗು ಎರಡರಿಂದ ಆರು ವರ್ಷಗಳ ವಯಸ್ಸಿನ ಮಧ್ಯೆಯದ್ದಾಗಿದ್ದರೂ ಕೂಡ ಅದರ ಶ್ರಾದ್ಧ ಮಾಡಬಾರದು.

3) ಅವರ ಮೃತ್ಯುವಿನ ೧೦ ದಿನಗಳ ಒಳಗೆ ಕೇವಲ ೧೬ ಪಿಂಡ ದಾನ (ಮಲೀನ ಷೋಡಶಿ) ಮಾಡಬೇಕು.

4) ಒಂದು ವೇಳೆ ಮೃತ ಮಗುವಿನ ವಯಸ್ಸು 6 ವರ್ಷಗಳಿಗಿಂತ ಅಧಿಕವಾಗಿದ್ದರೆ
ಶ್ರಾದ್ಧ ಸಂಪೂರ್ಣ ಪ್ರಕ್ರಿಯೆಗಳನ್ನು ಮಾಡಲಾಗುತ್ತದೆ.

5) ಎರಡರಿಂದ ಹತ್ತು ವರ್ಷದ ಅವಧಿಯಲ್ಲಿ ಕನ್ಯೆಯ ಮರಣ ಸಂಭವಿಸಿದರೆ ಆಕೆಯ ಶ್ರಾದ್ಧ ಮಾಡಬಾರದು. ಕೇವಲ ಮಲಿನ ಷೋಡಶೀವರೆಗಿನ ಪ್ರಕ್ರಿಯೆ ಮಾಡಬೇಕು.

6) ಅವಿವಾಹಿತ ಮೃತ ಕನ್ಯೆಯ ವಯಸ್ಸು ೧೦ ವರ್ಷಕ್ಕಿಂತ ಅಧಿಕವಾಗಿದ್ದರೆ ಮಲಿನ ಷೋಡಶೀ ಏಕಾದಶಾಹ ಸಪಿಂಡ ಇತ್ಯಾದಿ ಕ್ರಿಯೆಗಳನ್ನು ಮಾಡಲಾಗುತ್ತದೆ.

7) ವಿವಾಹಿತ ಕನ್ಯೆಯ ಮರಣ ಸಂಭವಿಸಿದಾಗ ತಂದೆ ತಾಯಿಯ ಮನೆಯಲ್ಲಿ ಶ್ರಾದ್ಧಾದಿ ಕರ್ಮಗಳನ್ನು ಮಾಡಬಾರದು.

ಹಿಂದೂ ಧರ್ಮಶಾಸ್ತ್ರಗಳ ಪ್ರಕಾರ, ಮಕ್ಕಳ ಮರಣದ ಸಂದರ್ಭದಲ್ಲಿ ಮಾಡುವ ಶ್ರಾದ್ಧ 

ಅಥವಾ ಉತ್ತರ ಕ್ರಿಯೆಗಳ ನಿಯಮಗಳು ವಯಸ್ಕರ ಶ್ರಾದ್ಧದ ನಿಯಮಗಳಿಗಿಂತ ಭಿನ್ನವಾಗಿರುತ್ತವೆ.

 ಶಾಸ್ತ್ರಗಳಲ್ಲಿ ಮಗುವಿನ ವಯಸ್ಸು ಮತ್ತು ಲಿಂಗದ ಆಧಾರದ ಮೇಲೆ ಸಂಸ್ಕಾರಗಳನ್ನು 

ನಿರ್ಧರಿಸಲಾಗುತ್ತದೆ. 

ಮುಖ್ಯ ನಿಯಮಗಳ ವಿವರ ಇಲ್ಲಿದೆ:

೧. ವಯಸ್ಸಿನ ಆಧಾರದ ಮೇಲೆ ಶ್ರಾದ್ಧ ನಿಯಮಗಳು

• a) ಶಿತಿಲಕ / ಹಸುಗೂಸು (ಜನನದಿಂದ ೨ ವರ್ಷದವರೆಗೆ):
  ಮಗು ಹುಟ್ಟಿದ ಕೆಲವೇ ದಿನಗಳಲ್ಲಿ ಅಥವಾ ಎರಡು ವರ್ಷದೊಳಗಾಗಿ ಮರಣ ಹೊಂದಿದರೆ, ಅಂತಹ ಮಕ್ಕಳಿಗೆ ಪಿಂಡದಾನ ಅಥವಾ ವಾರ್ಷಿಕ ಶ್ರಾದ್ಧ ಕರ್ಮಗಳನ್ನು ಮಾಡುವ ಅಗತ್ಯವಿರುವುದಿಲ್ಲ. ಕೇವಲ ಭೂಮಿಯಲ್ಲಿ ಹೂಳುವುದು (ಖನನ) ಮತ್ತು ಸೂತಕದ ನಿಯಮಗಳನ್ನು ಮಾತ್ರ ಪಾಲಿಸಲಾಗುತ್ತದೆ. [1]

  b) ಚೌಲ ಸಂಸ್ಕಾರದ ಮುಂಚೆ (೨ ರಿಂದ ೩ ಅಥವಾ ೫ ವರ್ಷ):
  ಮಗುವಿಗೆ ಚೌಲ (ಮುಂಡನ) ಸಂಸ್ಕಾರವಾಗುವ ಮೊದಲು ಮೃತಪಟ್ಟರೆ, ತರ್ಪಣ ಅಥವಾ ಸಾಮಾನ್ಯ ಜಲದಾನವನ್ನು ಮಾಡಬಹುದು. ಆದರೆ ಇವರಿಗೂ ಪೂರ್ಣ ಪ್ರಮಾಣದ ವಾರ್ಷಿಕ ಶ್ರಾದ್ಧದ ಅವಶ್ಯಕತೆ ಇರುವುದಿಲ್ಲ.

  c) ಉಪನಯನ ಅಥವಾ ವಿವಾಹದ ಮುಂಚೆ:
  ಗಂಡು ಮಗುವಿಗೆ ಉಪನಯನ (ಮುಂಜಿ) ಆಗುವ ಮುನ್ನ ಅಥವಾ ಹೆಣ್ಣು ಮಗುವಿಗೆ ವಿವಾಹವಾಗುವ ಮುನ್ನ ಮರಣ ಸಂಭವಿಸಿದರೆ, ಅವರಿಗೆ "ಏಕೋದ್ದಿಷ್ಟ ಶ್ರಾದ್ಧ" ಎಂಬ ವಿಶೇಷ ವಿಧಿಯನ್ನು ಮಾಡಲಾಗುತ್ತದೆ. ಇವರಿಗೆ ಸಪಿಂಡೀಕರಣ (ಪೂರ್ವಜರೊಂದಿಗೆ ಪಿಂಡವನ್ನು ಸೇರಿಸುವ ಪ್ರಕ್ರಿಯೆ) ಮಾಡುವುದಿಲ್ಲ, ಏಕೆಂದರೆ ಇವರು ಇನ್ನೂ ಪಿತೃ ದೇವತೆಗಳ ಸಾಲಿಗೆ ಸೇರಿರುವುದಿಲ್ಲ. [1, 2]

೨. ಪಿತೃ ಪಕ್ಷದಲ್ಲಿ ಮಕ್ಕಳ ಶ್ರಾದ್ಧ (ಮಹಾಭರಣಿ ಮತ್ತು ಅವಿಧವಾ ನವಮಿ)

ಪಿತೃ ಪಕ್ಷದ ಅವಧಿಯಲ್ಲಿ, ಅಪ್ರಾಪ್ತ ವಯಸ್ಸಿನಲ್ಲಿ ಅಥವಾ ಅವಿವಾಹಿತ ಸ್ಥಿತಿಯಲ್ಲಿ ಮರಣ ಹೊಂದಿದ ಮಕ್ಕಳಿಗಾಗಿ "ಮಹಾಭರಣಿ" ತಿತಿ ಅಥವಾ ಪಿತೃ ಪಕ್ಷದ ನಿರ್ದಿಷ್ಟ ದಿನಗಳಲ್ಲಿ ತರ್ಪಣ ಹಾಗೂ ಅನ್ನದಾನವನ್ನು ನೀಡಲಾಗುತ್ತದೆ.

೩. ಅಕಾಲಿಕ ಅಥವಾ ಅಪಘಾತದ ಮರಣ (Unnatural Death)

ಮಕ್ಕಳು ಯಾವುದೇ ಅಪಘಾತ, ರೋಗ ಅಥವಾ ಅಕಾಲಿಕ ಕಾರಣಗಳಿಂದ ಮರಣ ಹೊಂದಿದ್ದರೆ, ಅವರ ಆತ್ಮದ ಶಾಂತಿಗಾಗಿ ಮತ್ತು ಕುಟುಂಬಕ್ಕೆ ಪಿತೃ ದೋಷ ಬಾರದಂತೆ ತಡೆಯಲು ತ್ರಿಪಿಂಡಿ ಶ್ರಾದ್ಧ (Tripindi Shraddha) ಅಥವಾ ನಾರಾಯಣ ಬಲಿ ಪೂಜೆಯನ್ನು ಮಾಡಿಸುವುದು ಉತ್ತಮ ಎಂದು ಶಾಸ್ತ್ರಗಳು ಹೇಳುತ್ತವೆ. ಇದನ್ನು ಸಾಮಾನ್ಯವಾಗಿ ಗೋಕರ್ಣ ಅಥವಾ ಗಯಾದಂತಹ ಪುಣ್ಯಕ್ಷೇತ್ರಗಳಲ್ಲಿ ಮಾಡಿಸಲಾಗುತ್ತದೆ. 

೪. ಶ್ರಾದ್ಧ ಮಾಡಲು ಯಾರು ಅರ್ಹರು?

ಮಕ್ಕಳ ಮರಣದ ನಂತರ ಅವರ ಪೋಷಕರು (ತಂದೆ) ಈ ವಿಧಿಗಳನ್ನು ನೆರವೇರಿಸಬಹುದು. ತಂದೆ ಇಲ್ಲದ ಪಕ್ಷದಲ್ಲಿ ಹತ್ತಿರದ ರಕ್ತಸಂಬಂಧಿ ದಾಯಾದಿಗಳು ಅಥವಾ ಸೋದರಮಾವ ಧಾರ್ಮಿಕ ವಿಧಿಗಳನ್ನು ಮಾಡಬಹುದು.

ಇನ್ನಷ್ಟು ನಿಖರವಾದ ವಿಧಿ-ವಿಧಾನಗಳಿಗಾಗಿ ನಿಮ್ಮ ಕುಟುಂಬದ ಪುರೋಹಿತರನ್ನು ಅಥವಾ ಧರ್ಮಶಾಸ್ತ್ರಜ್ಞರನ್ನು ಸಂಪರ್ಕಿಸಿ ನಿರ್ಧಾರ ಕೈಗೊಳ್ಳುವುದು ಸೂಕ್ತ.

ನಿಮ್ಮ ಪರಿಸ್ಥಿತಿಗೆ ಸೂಕ್ತವಾದ ಪರಿಹಾರವನ್ನು ತಿಳಿಸಲು, ದಯವಿಟ್ಟು ಈ ಕೆಳಗಿನ ವಿವರಗಳನ್ನು ಹಂಚಿಕೊಳ್ಳಿ:

• a) ಮರಣ ಹೊಂದಿದ ಮಗುವಿನ ವಯಸ್ಸು ಎಷ್ಟು?

  b) ಮಗುವಿಗೆ ಉಪನಯನ ಅಥವಾ ಚೌಲ ಸಂಸ್ಕಾರ ಆಗಿತ್ತೇ?

  c) ಮರಣವು ಸಾಮಾನ್ಯ ಕಾಯಿಲೆಯಿಂದ ಆಯಿತೇ ಅಥವಾ ಅಪಘಾತ/ಅಕಾಲಿಕ ಕಾರಣದಿಂದಾಗಿಯೇ?

--------------------------- Hari Om ----------------------

 

ಬ್ರಹ್ಮದೇವ ಕೃತ ಪಿತೃ ಸ್ತೋತ್ರಮ್ - Pitru Stothram composed by Lord Brahma

 

                                               Pitru Stothram Composed  by Lord Brahma

 

ಬ್ರಹ್ಮದೇವ ಕೃತ ಪಿತೃ ಸ್ತೋತ್ರಮ್ ।

Pitru Stothram composed by Lord Brahma

ಅಥ ಪಿತೃ ಸ್ತೋತ್ರಂ

ಪಿತೃಂತರ್ಗತ ಭಾರತಿರಮಣ ಮುಖ್ಯಪ್ರಾಣಾಂತರ್ಗತ ಜನಾರ್ದನ ವಾಸುದೇವಾಯ ನಮಃ

ಬ್ರಹ್ಮೋವಾಚ ।

ನಮಃ ಪಿತ್ರೇ ಜನ್ಮದಾತ್ರೇ ಸರ್ವದೇವಮಯಾಯ ಚ ।
ಸುಖದಾಯ ಪ್ರಸನ್ನಾಯ ಸುಪ್ರೀತಾಯ ಮಹಾತ್ಮನೇ ॥ ೧ ॥

 

ಸರ್ವಯಜ್ಞಸ್ವರೂಪಾಯ ಸ್ವರ್ಗಾಯ ಪರಮೇಷ್ಠಿನೇ ।
ಸರ್ವತೀರ್ಥಾವಲೋಕಾಯ ಕರುಣಾಸಾಗರಾಯ ಚ ॥ ೨ ॥

 

ನಮಃ ಸದಾಽಽಶುತೋಷಾಯ ಶಿವರೂಪಾಯ ತೇ ನಮಃ ।
ಸದಾಽಪರಾಧಕ್ಷಮಿಣೇ ಸುಖಾಯ ಸುಖದಾಯ ಚ ॥ ೩ ॥

 

ದುರ್ಲಭಂ ಮಾನುಷಮಿದಂ ಯೇನ ಲಬ್ಧಂ ಮಯಾ ವಪುಃ ।
ಸಂಭಾವನೀಯಂ ಧರ್ಮಾರ್ಥೇ ತಸ್ಮೈ ಪಿತ್ರೇ ನಮೋ ನಮಃ ॥ ೪ ॥

 

ತೀರ್ಥಸ್ನಾನತಪೋಹೋಮಜಪಾದೀನ್ ಯಸ್ಯ ದರ್ಶನಮ್ ।
ಮಹಾಗುರೋಶ್ಚ ಗುರವೇ ತಸ್ಮೈ ಪಿತ್ರೇ ನಮೋ ನಮಃ ॥ ೫ ॥

 

ಯಸ್ಯ ಪ್ರಣಾಮಸ್ತವನಾತ್ ಕೋಟಿಶಃ ಪಿತೃತರ್ಪಣಮ್ ।
ಅಶ್ವಮೇಧಶತೈಸ್ತುಲ್ಯಂ ತಸ್ಮೈ ಪಿತ್ರೇ ನಮೋ ನಮಃ ॥ ೬ ॥

 

ಇದಂ ಸ್ತೋತ್ರಂ ಪಿತೃಃ ಪುಣ್ಯಂ ಯಃ ಪಠೇತ್ ಪ್ರಯತೋ ನರಃ ।
ಪ್ರತ್ಯಹಂ ಪ್ರಾತರುತ್ಥಾಯ ಪಿತೃಶ್ರಾದ್ಧದಿನೇಽಪಿ ಚ ॥ ೭ ॥

 

ಸ್ವಜನ್ಮದಿವಸೇ ಸಾಕ್ಷಾತ್ ಪಿತುರ್ಗ್ರೇ ಸ್ಥಿತೋಽಪಿ ವಾ ।
ನ ತಸ್ಯ ದುರ್ಲಭಂ ಕಿಂಚಿತ್ ಸರ್ವಜ್ಞತ್ವಾದಿ ವಾಂಛಿತಮ್ ॥ ೮ ॥

 

ನಾನಾಪಕರ್ಮ ಕೃತ್ವಾಽಪಿ ಯಃ ಸ್ತೌತಿ ಪಿತರಂ ಸುತಃ ।
ಸ ಧ್ರುವಂ ಪ್ರವಿಧಾಯೈವ ಪ್ರಾಯಶ್ಚಿತ್ತಂ ಸುಖೀ ಭವೇತ್ ।
ಪಿತೃಪ್ರೀತಿಕರೈರ್ನಿತ್ಯಂ ಸರ್ವಕರ್ಮಾಣ್ಯಥಾರ್ಹತಿ ॥ ೯ ॥

ಇತಿ ಬೃಹದ್ಧರ್ಮ ಪುರಾಣಾಂತರ್ಗತ ಬ್ರಹ್ಮದೇವ ಕೃತ ಪಿತೃ ಸ್ತೋತ್ರಮ್ ।

----------------------- Hari Om -------------------

ಪಿತೃ ಶಾಪ ನಿವಾರಣೆ ---- Ancester's Curse Elimination

 

                                                                       Pitru Shapa

  

ಪಿತೃ ಶಾಪ ನಿವಾರಣೆ ---- Ancester's Curse Elimination

ಮನೆಯಲ್ಲಿ ಅಶಾಂತಿ ವಾತಾವರಣ ಮಾನಸಿಕ ವೇದನೆ ಚಿಂತೆ ಮುಂತಾದ ಸಮಸ್ಯೆಗಳಿದ್ದರೆ, 

ಇವುಗಳನ್ನು ಪಿತೃ ಶಾಪ ಎಂದು ಕರೆಯುತ್ತಾರೆ{ ಪಿತೃಗಳ} ಸಮಸ್ಯೆ ಇದ್ದರೆ

1) ಮೋಕ್ಷ ನಾರಾಯಣ ಬಲಿ ಪೂಜೆ

2) ಪಿಂಡ ಪ್ರಧಾನ

3) ತಿಲ ತರ್ಪಣ

4) ಆಶ್ಲೇಷ ಬಲಿ ಪೂಜೆ

5) ವಿಷ್ಣು ಪಾದ ವೈಕುಂಠ ದ್ವಾರ ದರ್ಶನ, ಈ ಪೂಜೆಗಳನ್ನು ಏಕಕಾಲದಲ್ಲಿ ಮಾಡಿಸುವುದರಿಂದ, 

ಪಿತ್ರಗಳ ಆತ್ಮಕ್ಕೆ ಶಾಂತಿ ದೊರಕುತ್ತದೆ ಹಾಗೂ ಆ ಕುಟುಂಬ ಏಳಿಗೆಯನ್ನು ಕಾಣುತ್ತದೆ.

6) ಪಿತೃ ಶಾಪವಿದ್ದವರ ಮನೆಯಲ್ಲಿ, ಕೆಂಪು ಇರುವೆ ಸದಾ ಕಾಣ ಬರುತ್ತದೆ.

7) ತೇಗದ ಮರವನ್ನು ಮನೆಯ ಮುಖ್ಯದ್ವಾರಕ್ಕೆ ಬಳಸಲು ಯೋಗ್ಯವಲ್ಲ ಎಂದು ಶಾಸ್ತ್ರ ಹೇಳುತ್ತದೆ.

8) ಹುಣಸೆ ಮರದಲ್ಲಿ ಪ್ರೇತಾತ್ಮಗಳು ವಾಸವಾಗಿರುತ್ತದೆ, ತಾಳೆಮರಶನಿ ದೇವರ ವಾಸಸ್ಥಾನ,ಶಾಂತಿ 

ಮರದಲ್ಲಿ ರಾಹು - ಕೇತುವಿನ ವಾಸ, ಹಾಲು ಬರುವ ಯಾವುದೇ ಮರದಲ್ಲಿ ಕ್ಷುದ್ರ ದೇವತೆಗಳ ವಾಸ.

9) ನೀರು ಹಸಿರಾಗಿದ್ದರೆ, ಅಥವಾ ಪಾಚಿ ಕಟ್ಟಿದ್ದರೆ ಕೊಳಕಾಗಿದ್ದರೆ, ಆ ನೀರಿಗೆ ನಾಗದೃಷ್ಟಿ ಎಂದು 

ಹೇಳುತ್ತಾರೆ.

10) ಹೆಂಗಸರು ಕುಂಬಳಕಾಯಿಯನ್ನು ಒಡೆಯಬಾರದು ಗಂಡಸರು ಕುಂಬಳಕಾಯಿಯನ್ನು ಒಡೆದು

 ಕೊಟ್ಟಾಗ ತದನಂತರ ಹೆಂಗಸರು ಕುಂಬಳಕಾಯಿಯನ್ನು ಹೆಚ್ಚಬಹುದು, ಅಚ್ಚಬಹುದು ( ತುಂಡು

 ತುಂಡಾಗಿ ಕತ್ತರಿಸಬಹುದು. )

ನೆನಪಿಡಿ, ನಾವು ಸಂಸ್ಕಾರ ವಂತರಾಗುವುದರ ಜೊತೆಗೆ, ನಮ್ಮ ಮಕ್ಕಳನ್ನು ಸಂಸ್ಕಾರವಂತರಾಗಿ 

ಮಾಡಿದರೆ ನಮ್ಮ ಮುಂದಿನ ಪೀಳಿಗೆ, ಉತ್ತಮ ಸಮಾಜವನ್ನು ನಿರ್ಮಾಣ ಮಾಡುತ್ತದೆ.

------------------------------- Hari Om --------------------------

 

ಪಿತೃ ದೋಷ – Pitru Dosha

 

                                                                     Pitru Dosha

 

ಪಿತೃ ದೋಷ – Pitru Dosha

ಪಿತೃ ದೋಷವಿದ್ದರೆ ನಿಮ್ಮ ಜೀವನ ಹೀಗಿರುತ್ತೆ..! ಇದಕ್ಕೆ 

ಪರಿಹಾರ, ಮಂತ್ರಗಳಾವುವು..?

If you are affected by *Pitra Dosha*, your 

Life will be like this-What are the Remedies

 and Mantras for it?

ಪಿತೃ ದೋಷವು ತುಂಬಾ ನೋವಿನಿಂದ ಕೂಡಿದೆ. ಯಾರ ಜಾತಕದಲ್ಲಿ ಪಿತೃ ದೋಷವಿರುತ್ತದೆಯೋ ಅವರು ಅನೇಕ ರೀತಿಯ ಮಾನಸಿಕ ಒತ್ತಡವನ್ನು ಎದುರಿಸಬೇಕಾಗುತ್ತದೆ. ಪಿತೃ ದೋಷದ ಸಂಭವದಿಂದಾಗಿ, ವ್ಯಕ್ತಿಯ ಜೀವನದಲ್ಲಿ ಪ್ರಚಂಡ ಸಮಸ್ಯೆಗಳು ಬರಲು ಪ್ರಾರಂಭಿಸುತ್ತವೆ. ಆದ್ದರಿಂದ, ಪಿತೃ ದೋಷದ ಲಕ್ಷಣಗಳನ್ನು ಗುರುತಿಸುವುದು ಮತ್ತು ಅದಕ್ಕೆ ಅನುಗುಣವಾಗಿ ಕ್ರಮಗಳನ್ನು ತೆಗೆದುಕೊಳ್ಳುವ ಮೂಲಕ ಈ ದೋಷವನ್ನು ಶಮನಗೊಳಿಸುವುದು ಅವಶ್ಯಕ.

‌ಪಿತೃ ದೋಷ ಎಂದರೇನು..?

ಮೊದಲಿಗೆ ನಾವು ಪಿತೃ ದೋಷ ಎಂದರೇನು ಎಂಬುದನ್ನು ತಿಳಿದುಕೊಳ್ಳುವುದು ಬಹಳ ಮುಖ್ಯ. ಒಬ್ಬ ವ್ಯಕ್ತಿಯ ಮರಣದ ನಂತರ, ಅವನ ಅಂತ್ಯಕ್ರಿಯೆಯನ್ನು ವಿಧಿ - ವಿಧಾನಗಳಂತೆ ಮಾಡದಿದ್ದರೆ ಅಥವಾ ಯಾರಾದರೂ ಅಕಾಲಿಕವಾಗಿ ಮರಣಹೊಂದಿದರೆ, ಆ ವ್ಯಕ್ತಿಯು ಮತ್ತು ಅವನ ಕುಟುಂಬದ ಜನರು ಅನೇಕ ತಲೆಮಾರುಗಳವರೆಗೆ ಪಿತೃ ದೋಷವನ್ನು ಅನುಭವಿಸಬೇಕಾಗುತ್ತದೆ ಎನ್ನುವ ನಂಬಿಕೆಯಿದೆ.

ಪಿತೃ ದೋಷಕ್ಕೆ ಕಾರಣ

ಸರಿಯಾದ ರೀತಿಯಲ್ಲಿ ಅಂತ್ಯಕ್ರಿಯೆ ಮತ್ತು ಪೂರ್ವಜರ ಶ್ರಾದ್ಧ ಸಮಯದಲ್ಲಿ ಮಾಡದಿರುವುದು, ಪೂರ್ವಜರನ್ನು ಅವಮಾನಿಸುವುದು, ಮನೆಯ ಮಹಿಳೆಯರನ್ನು ಗೌರವಿಸದಿರುವುದು, ಪ್ರಾಣಿಗಳನ್ನು ಕೊಲ್ಲುವುದು, ಹಿರಿಯರನ್ನು ಅವಮಾನಿಸುವುದು ಮುಂತಾದ ಹಲವು ಕಾರಣಗಳಿಂದ ಪಿತೃ ದೋಷ ಉಂಟಾಗುತ್ತದೆ.

 

ಪಿತೃ ದೋಷದ ಲಕ್ಷಣಗಳು ಯಾವುವು..?

ಆಗಾಗ್ಗೆ, ನೀವು ಅನುಭವಿಸುತ್ತಿರುವ ತೊಂದರೆಗಳು ಪಿತೃ ದೋಷವೇ..? ಅಥವಾ ಅಲ್ಲವೇ..? ಎಂಬುದನ್ನು ತಿಳಿದಿರಬೇಕು. ಅದಕ್ಕಾಗಿಯೇ ಜೀವನದಲ್ಲಿ ಏನಾದರೂ ಒಳ್ಳೆಯದು ನಡೆಯದಿದ್ದರೆ, ಅದರ ಕಾರಣಗಳನ್ನು ತಿಳಿದುಕೊಳ್ಳುವುದು ಬಹಳ ಮುಖ್ಯ. ನೀವು ನೋಡುವ ಸಮಸ್ಯೆ ಚಿಕ್ಕದಿರಬಹುದು, ಅದಕ್ಕೆ ಮುಖ್ಯ ಕಾರಣ ಪಿತೃ ದೋಷವೂ ಆಗಿರಬಹುದು. ಪಿತೃದೋಷದಿಂದಾಗಿ ವ್ಯಕ್ತಿಯ ಜೀವನದಲ್ಲಿ ಸಂತಾನ ಭಾಗ್ಯಕ್ಕೆ ಸಂಬಂಧಿಸಿದ ಸಮಸ್ಯೆಗಳು ಎದುರಾಗಬಹುದು. ಉದ್ಯೋಗ ಮತ್ತು ವ್ಯಾಪಾರದಲ್ಲಿ ಕಷ್ಟಪಟ್ಟು ದುಡಿದರೂ ಅದರ ಫಲ ನಿಮಗೆ ದೊರೆಯುದಿರುವುದು. ಕುಟುಂಬದಲ್ಲಿ ಅಶಾಂತಿ ಮತ್ತು ಕೆಲವು ಅಥವಾ ಇತರ ಸದಸ್ಯರ ಆರೋಗ್ಯವು ಕೆಡುವುದು, ಜೀವನದಲ್ಲಿ ಶುಭ ಕಾರ್ಯಗಳಲ್ಲಿ ಅಡೆತಡೆಗಳು ಬರುವುದು ಇತ್ಯಾದಿ ಲಕ್ಷಣಗಳು ಪಿತೃ ದೋಷದ ಲಕ್ಷಣಗಳಾಗಿವೆ.

                                                                        PIC-1

 

ಪಿತೃ ದೋಷ ನಿವಾರಣಾ ಕ್ರಮಗಳು

ಸಂಜೆ ಅರಳಿ ಮರದ ಕೆಳಗೆ ದೀಪವನ್ನು ಬೆಳಗಿಸಿ ಮತ್ತು ನಾಗ ಸ್ತೋತ್ರ, ಪಿತೃ ಕವಚ, ಮಹಾಮೃತ್ಯುಂಜಯ ಮಂತ್ರ ಅಥವಾ ರುದ್ರ ಸೂಕ್ತ ಅಥವಾ ಪಿತೃ ಸ್ತೋತ್ರ ಮತ್ತು ನವಗ್ರಹ ಸ್ತೋತ್ರವನ್ನು ಪಠಿಸಿ. ಇದರಿಂದ ಪಿತೃ ದೋಷಕ್ಕೂ ಶಾಂತಿ ಸಿಗುತ್ತದೆ.

                                                                       PIC-2

ಈ ಮಂತ್ರ ಪಠಿಸಿ

ಪ್ರತಿದಿನ ಇಷ್ಟ ದೇವತಾ ಮತ್ತು ಕುಲದೇವತೆಯನ್ನು ಪೂಜಿಸಿ. ಇದನ್ನು ಮಾಡುವುದರಿಂದ ಪಿತೃ ದೋಷ ಶಮನವಾಗುತ್ತದೆ. ಪಿತೃದೋಷ ನಿವಾರಣೆಗಾಗಿ ಶಿವನಿಗೆ ಮಹಾಮೃತ್ಯುಂಜಯ ಮಂತ್ರದಿಂದ ಅಭಿಷೇಕ ಮಾಡಿ.

 

ಈ ಸ್ತೋತ್ರಗಳನ್ನು ಪಠಿಸಿ

ವಿಷ್ಣುವಿನ ಮಂತ್ರಗಳನ್ನು ಪಠಿಸಿ, ಹನುಮಾನ್ ಚಾಲೀಸಾ ಪಠಿಸಿ, ಶ್ರೀಮದ್ಭಗವದ್ಗೀತೆಯನ್ನು ಪಠಿಸಿ. ಇದರಿಂದ ಪಿತೃಗಳಿಗೆ ಶಾಂತಿ ಸಿಗುತ್ತದೆ ಮತ್ತು ದೋಷಗಳು ಕಡಿಮೆಯಾಗುತ್ತವೆ. ನಿತ್ಯವೂ ಹನುಮಾನ್ ಚಾಲೀಸಾವನ್ನು ಪಠಿಸಿ. ಹನುಮಾನ್ ಚಾಲೀಸಾವನ್ನು ಪಠಿಸುವುದರಿಂದ ಹನುಮಂತನ ವಿಶೇಷ ಅನುಗ್ರಹವನ್ನು ಪಡೆದುಕೊಳ್ಳುವಿರಿ.

ಪೂರ್ವಜರಿಗೆ ನಮನ

ಮನೆಯ ದಕ್ಷಿಣ ಗೋಡೆಯ ಮೇಲೆ ನಿಮ್ಮ ಸ್ವರ್ಗೀಯ ಬಂಧುಗಳ ಫೋಟೋವನ್ನು ಇರಿಸಿ ಮತ್ತು ಅವುಗಳಿಗೆ ಪ್ರತಿದಿನ ಮಾಲೆಯನ್ನು ಹಾಕಿ ಪೂಜಿಸಿ. ಹೀಗೆ ಮಾಡುವುದರಿಂದ ಪಿತೃ ದೋಷದಿಂದ ಮುಕ್ತಿ ಸಿಗುತ್ತದೆ.

ಆಹಾರ ದಾನ ಮಾಡಿ

ನಿರ್ಗತಿಕರಿಗೆ ಅಥವಾ ಬ್ರಾಹ್ಮಣರಿಗೆ ಅಥವಾ ಸತ್ಪಾತ್ರರಿಗೆ, ಪಿತೃಗಳು ಮರಣ ಹೊಂದಿದ ದಿನದಂದು ಅಹಾರವನ್ನು ನೀಡಿ. ಇವರಿಗೆ ಆಹಾರವನ್ನು ದಾನ ಮಾಡುವಾಗ ಮರಣ ಹೊಂದಿದ ಪಿತೃಗಳಿಗೆ ಪ್ರಿಯವಾದ ಆಹಾರವನ್ನೇ ಬಡಿಸಿ.

ಇವುಗಳನ್ನು ಅರಳಿ ಮರಕ್ಕೆ ಅರ್ಪಿಸಿ

ನಿಮ್ಮ ಸಾಮರ್ಥ್ಯಕ್ಕನುಗುಣವಾಗಿ ಬಡವರಿಗೆ ಬಟ್ಟೆ, ಆಹಾರ ಇತ್ಯಾದಿಗಳನ್ನು ದಾನ ಮಾಡಿ. ಹೀಗೆ ಮಾಡುವುದರಿಂದ ಈ ದೋಷವೂ ನಿವಾರಣೆಯಾಗುತ್ತದೆ. ಸಂಜೆ ಅರಳಿ ಮರದ ಕೆಳಗೆ ದೀಪವನ್ನು ಬೆಳಗಿದ ನಂತರ ಮಧ್ಯಾಹ್ನ ನೀರು, ಹೂವು, ಅಕ್ಷತೆ, ಹಾಲು, ಗಂಗಾಜಲ, ಕಪ್ಪು ಎಳ್ಳನ್ನು ಮರಣ ಹೊಂದಿದ ಪಿತೃಗಳನ್ನು ಸ್ಮರಿಸಿ ಅರಳಿ ಮರಕ್ಕೆ ಅರ್ಪಿಸಿ. ಹಾಗೂ ಪಿತೃಗಳ ಹೆಸರಿನಲ್ಲಿ ನೆರಳು ನೀಡುವಂತಹ ಮರಗಳನ್ನು ನೆಡಬೇಕು.

------------------------ Hari Om -------------------------

 

ಕಾಗೆ ರೂಪದಲ್ಲಿ ಪಿತೃ ದರ್ಶನ -- Seeing the ancestors in the form of a crow

 

                                                             Pitru Darshana through Crow

 

 ಕಾಗೆ ರೂಪದಲ್ಲಿ ಪಿತೃ ದರ್ಶನ

Seeing the ancestors in the form of a crow

ಮಹಾಭಾರತದ ಅನುಶಾಸನ ಪರ್ವದಲ್ಲಿ ಭೀಷ್ಮ ಪಿತಾಮಹರು ಧರ್ಮರಾಜನಿಗೆ ಪಿತೃ ಪಕ್ಷದ ನಿಯಮಗಳನ್ನು ತಿಳಿಸುವಾಗ ಹೇಳಿದರು. ಪಿತೃ ಕಾರ್ಯದಲ್ಲಿ ಸಣ್ಣ ತಪ್ಪು ಆಗಬಾರದು. ಪಿತೃಗಳು ಕಾಗೆ ರೂಪದಲ್ಲಿ ಬಂದು ಅನ್ನವನ್ನು ಸ್ವೀಕರಿಸುತ್ತಾರೆ ಕಾಗೆಯನ್ನು ತೃಪ್ತಿ ಪಡಿಸಿದರೆ ಪಿತೃಗಳು ತೃಪ್ತರಾಗುವರು ಎಂದಾಗ, “ಪಿತಾಮಹ” ಪಿತೃ ಕಾರ್ಯದಲ್ಲಿ ಕಾಗೆಗಳಿಗೆ ಯಾಕಿಷ್ಟು ಮಹತ್ವ ಎಂದು ಯುಧಿಷ್ಠಿರ ಕೇಳಿದನು, ಪಿತಾಮಹ ಹೇಳುತ್ತಾ ನಮ್ಮ ಧರ್ಮ ಶಾಸ್ತ್ರದಲ್ಲಿ ಕಾಗೆಗಳಿಗೆ ವಿಶೇಷ ಮಹತ್ವ ಕೊಟ್ಟಿದ್ದಾರೆ. ತ್ರೇತಾಯುಗದಲ್ಲಿ ದೇವತೆಗಳು ಲಂಕಾದೀಶ ರಾವಣನಿಗೆ ಹೆದರುತ್ತಿದ್ದರು. ಇದೆ ಕಾಲದಲ್ಲಿದ್ದ ಇಕ್ವ್ಷಾಕು ವಂಶದ “ಮರುತ್ತ ರಾಜನು” ಒಮ್ಮೆ ದೊಡ್ಡ ಯಾಗವನ್ನು ಹಮ್ಮಿಕೊಂಡನು. ಯಾಗದ ಹವಿಸ್ಸನ್ನು ಸ್ವೀಕರಿಸಲು ದೇವಾನು ದೇವತೆಗಳೆಲ್ಲ ಯಾಗಕ್ಕೆ ಬಂದರು.  

ಸ್ವಲ್ಪ ಹೊತ್ತಿಗೆ ರಾವಣನು ಯಾಗ ಮಂಟಪಕ್ಕೆ ಬಂದನು. ಅವನನ್ನು ನೋಡಿ ಹೆದರಿದ ದೇವಾನು ದೇವತೆಗಳು. ತಕ್ಷಣ ಪ್ರಾಣಿ- ಪಕ್ಷಿಗಳ ರೂಪ ಧರಿಸಿದರು. ಪಿತೃ ಲೋಕದ ಅಧಿಪತಿಯಾದ ಯಮ ‘ಕಾಗೆ’ ರೂಪ ಧರಿಸಿದನು. ಯಾಗ ಮುಗಿದ ಮೇಲೆ ತನ್ನ ರಹಸ್ಯ ಕಾಪಾಡಲು ಕಾರಣವಾದ ಕಾಗೆಗೆ ಯಮನು ಒಂದು ವರವನ್ನು ಕರುಣಿಸುತ್ತಾನೆ. ಕಾಗೆ ನಿನಗೆ “ಭೂಮಿಯಲ್ಲಿ ಯಾವುದೇ ವ್ಯಕ್ತಿ ಅನ್ನ ಹಾಕಿ ಅದನ್ನು ನೀನು ಸ್ವೀಕರಿಸಿದರೆ, ನನ್ನ ಲೋಕದಲ್ಲಿರುವ ಅನ್ನ ಕೊಟ್ಟ ವ್ಯಕ್ತಿಯ ಪಿತೃಗಳಿಗೆ ತೃಪ್ತಿ ಉಂಟಾಗಲಿ” ಎಂಬ ವರವನ್ನು ಕೊಟ್ಟನು. ವೈದಿಕ ಮಾಡುವಾಗ ಪಿತೃ ರೂಪದಲ್ಲಿರುವ ಕಾಗೆಗಳಿಗೆ ಅನ್ನದ ಪಿಂಡ ಪ್ರಧಾನ ಮಾಡಿ ಅದನ್ನು ಕಾಗೆ ತಿಂದು ಆ ಮೂಲಕ ಪಿತೃಗಳಿಗೆ ಸೇರು ವಂತಾಯ್ತು. ಅಂದಿನಿಂದ ಕಾಗೆಯನ್ನು ಯಮನ ಸಂಕೇತವೆಂದು ಕರೆಯುತ್ತಾರೆ.

ಕಾಗೆಗಳು ಮನೆಯ ಸುತ್ತ ಸುತ್ತಾಡಿದರೆ ಅಥವಾ ಕಾಗೆಗಳನ್ನು ನೋಡಿದರೆ ಪಿತೃಗಳು ಎಂದು ಹೇಳುತ್ತಾರೆ. ಪಿತೃಪಕ್ಷದಲ್ಲಿ ಕಾಗೆಗಳಿಗೆ ಆಹಾರ ಕೊಡದಿದ್ದರೆ ಪಿತೃಗಳು ಕೋಪಿಸಿಕೊಳ್ಳುತ್ತಾರೆ. ಇದರಿಂದ ಅನೇಕ ಸಮಸ್ಯೆಗಳನ್ನು ಬರುತ್ತವೆ ಎಂದು ಹೇಳುತ್ತಾರೆ. ಕಾಗೆ ಆಹಾರ ಸೇವಿಸಿದರೆ ಪಿತೃಗಳು ತೃಪ್ತಿಯಾಗುತ್ತಾರೆ, ಅವರು ಸಂತುಷ್ಟರಾದರೆ ಕುಟುಂಬದ ಕಷ್ಟ ಸುಖದಲ್ಲಿ ಭಾಗಿಯಾಗುತ್ತಾರೆ ಎಂಬ ಮಾತಿದೆ. ಕಾಗೆಗಳ ವಿಶಿಷ್ಟ ಗುಣಗಳು ಎಂದರೆ ಇವು ಮನುಷ್ಯರು ವಾಸಿಸುವ ಜಾಗದಲ್ಲಿ ವಾಸಿಸುತ್ತವೆ. ಕಾಗೆಯ ಬಳಗ ಎಂಬಂತೆ, 

ಕಾಗೆಗಳು ಆಹಾರ ಸಿಕ್ಕರೆ ಬಳಗವನ್ನೆಲ್ಲ ಕೂಗಿ ಕರೆದು ಹಂಚಿ ತಿನ್ನುತ್ತವೆ. ಕೋಗಿಲೆಗೆ ‘ಪರಪುಟ್ಟ’ ಎನ್ನುತ್ತಾರೆ ಕಾರಣ ಕಾಗೆ ತನ್ನ ವೈರಿಯಾದ ಕೋಗಿಲೆಯ ಮರಿಗಳನ್ನು ಸಾಕಿ ಸಲಹುತ್ತದೆ. ಕಾಗೆ ಶನಿವಾಹನ.‌ ಜೀವನದಲ್ಲಿ ಒಳ್ಳೆಯದು, ಕೆಟ್ಟದ್ದು ಎಲ್ಲವನ್ನು ಶನಿ ನಿರ್ಣಯ ಮಾಡುತ್ತಾನೆ ಎಂಬ ಅಭಿಪ್ರಾಯವಿದೆ. ಇನ್ನೊಂದು ವಿಶೇಷ ಅಂದರೆ ಕಾಗೆ ಪುಟ್ಟ ಮಕ್ಕಳಿಗೆ ಹೆದರುವುದಿಲ್ಲ ಅವುಗಳ ಕೈಯಲ್ಲಿರುವ ತಿಂಡಿ ಕಿತ್ತುಕೊಂಡು ಹೋಗುತ್ತ ವೆ. ಏಕೆಂದರೆ ನಿಷ್ಕಲ್ಮಶ ಮನಸ್ಸುಳ್ಳ ಪುಟ್ಟ ಮಕ್ಕಳ ಕೈಯಲ್ಲಿರುವ ಆಹಾರ ಶ್ರೇಷ್ಠ ಎಂಬುದು ಅದಕ್ಕೆ ತಿಳಿದಿದೆ.

 ಸಾಧಾರಣವಾಗಿ ಸೂರ್ಯಾಸ್ತದ ನಂತರ ಮನುಷ್ಯರು ಆಹಾರ ಸೇವಿಸು ವಂತಿಲ್ಲ. ಆದರೆ ಸೇವಿಸುತ್ತಾರೆ. ಆದರೆ ಕಾಗೆಗಳು ಸೂರ್ಯಾಸ್ತದ ನಂತರ ಆಹಾರ ಸೇವಿಸುವುದಿಲ್ಲ. ಮತ್ತು ಬ್ರಾಹ್ಮಿ ಮುಹೂರ್ತದಲ್ಲಿ ಎದ್ದು ಕೂಗಿ ಕೂಗಿ ಕರೆದು ಎಲ್ಲರನ್ನು ಎಬ್ಬಿಸುವ ಏಕೈಕ ಪಕ್ಷಿ ಕಾಗೆ. ಪಿತೃ ಪಕ್ಷದಲ್ಲಿ ಇಡುವ ಅನ್ನವನ್ನು ಕಾಗೆಗಳು ತಿನ್ನಲು ಬರದೆ ಹೋದರೆ ಹಸು ಗಳಿಗೆ ಅಥವಾ ನಾಯಿಗಳಿಗೆ ಕಾಗೆಗಳ ಹೆಸರಿನಲ್ಲಿ ಕೊಡುತ್ತಾರೆ. ಪಿತೃ ಗಳಿಗೆ ನೀಡುವ ಆಹಾರವನ್ನು ‘ಪಂಚಬಲಿ’ ಎಂದು ಕರೆಯುತ್ತಾರೆ.‌ ಈ ಪಂಚ ಬಲಿಯನ್ನು ಪಿತೃಗಳ ಹೆಸರಿನಲ್ಲಿ ಕಾಗೆ- ಹಸು- ನಾಯಿ- ಇರುವೆ ಮತ್ತು ದೇವರಿಗೆ ಇಡಬೇಕು ಎಂಬ ಶಾಸ್ತ್ರಇದೆ. ಪಕ್ಷ ಮಾಸದಲ್ಲಿ ಶ್ರಾದ್ಧ ಕಾರ್ಯ, ತರ್ಪಣ, ಪಿಂಡ ಪ್ರದಾನ ಮುಂತಾದ ಕಾರ್ಯಗಳನ್ನು ಮಾಡು ವ ಮೂಲಕ ಕಾಗೆಗಳಿಗೆ ಆಹಾರ ಇಡುತ್ತಾರೆ. ಇದಕ್ಕೆ ಸಂಬಂಧ ಪಟ್ಟಂತೆ ಕೆಲವು ವಿಚಾರಗಳು.

 

                                                                               PIC-1

 

ಶ್ರಾದ್ಧ ದಲ್ಲಿ ಶ್ರದ್ಧೆ

ಒಮ್ಮೆ ನರ್ಮದಾ ತೀರದಲ್ಲಿ ಬ್ರಾಹ್ಮಣರು ಯಜ್ಞ ವೇದಿಕೆಯಲ್ಲಿ ಕುಳಿತು ಶ್ರಾದ್ಧ ದ ವಿಧಿ ವಿಧಾನವನ್ನು ಆರಂಭಿಸಿದರು. ದೀಪದ ಬೆಳಕಿನಲ್ಲಿ ನದಿ ತೀರದ ನೀರಿನ ಕಲರವ, ಗಾಳಿಯಲ್ಲಿ ಹರಡಿದ ಹೋಮದ ಘಮ ಎಲ್ಲಾ ಕಡೆ ಹರಡಿತ್ತು. ಬ್ರಾಹ್ಮಣರೆಲ್ಲ ಬಹಳ ಸಂಭ್ರ ಮದಿಂದ ಕಾರ್ಯ ಮಾಡುತ್ತಿದ್ದರು. ಅನ್ನವನ್ನು ಸಿದ್ಧ ಮಾಡಿ ಪಿಂಡ ಇಟ್ಟರು. ಆದರೆ ಒಂದೇ ಒಂದು ಕಾಗೆ ಬರಲಿಲ್ಲ. ಎಲ್ಲರ ಕಣ್ಣಿನಲ್ಲಿ ಗೊಂದಲ, ಮನಸ್ಸಿನಲ್ಲಿ ಆತಂಕ ಮೂಡಿತು. ಬಹಳ ಹೊತ್ತಾಯ್ತು ನಮ್ಮ ಪಿತೃಗಳು ತೃಪ್ತರಾಗಿಲ್ಲವೇ? ಎಂದು ಚಿಂತಿಸಿದರು.‌ ಆಗ ಅಲ್ಲಿಗೆ ಬಂದ ಒಬ್ಬ ಋಷಿ ಹೇಳಿದರು ನೀವು ಮಾಡುತ್ತಿರುವ ಶ್ರಾದ್ಧದಲ್ಲಿ ವೈಭವಕ್ಕೆ ಹೆಚ್ಚು ಪ್ರಾಶಸ್ತ್ಯ ಕೊಟ್ಟಿದ್ದೀರಿ. ನೀವು ಶ್ರದ್ಧೆ ಹಾಗೂ ಭಕ್ತಿ ಯಿಂದ ಪ್ರಾರ್ಥನೆ ಮಾಡಿದರೆ ಮಾತ್ರ ಕಾಗೆಗಳು ಬಂದು ಸ್ವೀಕರಿಸುವ ವು. ಶ್ರಾದ್ಧ ಮಾಡುವುದು ಅಂದರೆ ಆಡಂಬರವಾಗಲಿ ಜನಗಳ ಹೊಗಳಿಕೆಗಾಗಿ ಅಲ್ಲ.

ಕಾಗೆ ಕೊಟ್ಟ ಕಿರುಕುಳ:- ಕಾಶಿ ಕ್ಷೇತ್ರದಲ್ಲಿ ಒಬ್ಬ ಗೃಹಸ್ಥ ಹಿರಿಯರ ಶ್ರಾದ್ಧ ಮಾಡದೆ ನಿತ್ಯದ ಕೆಲಸ ಮಾಡುವುದರಲ್ಲಿ ನಿರತನಾಗಿದ್ದ. ಒಂದು ದಿನ ಅವನ ಮನೆಯ ಮುಂದಿನ ಮಾಡಿನ ಮೇಲೆ ಒಂದು ಕಾಗೆ ಬಂದು ಕುಳಿತು ಎಡೆಬಿಡದೆ ಕಿರುಚ ತೊಡಗಿತು. ಎಷ್ಟು ಓಡಿಸಿದರೂ ಅದು ಮತ್ತೆ ಮತ್ತೆ ಬಂದು ಕಿರುಚುತ್ತಿತ್ತು. ಅವನ ಮನಸ್ಸಿನ ಶಾಂತಿ ಕದಡಿತು. ಆ ಮನುಷ್ಯ ಕೋಪದಿಂದ ಕಾಗೆ ಮೇಲೆ ಕಲ್ಲು ಎಸೆದನು. ಕಲ್ಲು ತಾಕಿದ ಕಾಗೆ ದೂರ ಓಡಿ ಹೋಯಿತು. ಅದೇ ದಿನ ರಾತ್ರಿ ಅವನ ಕನಸಿನಲ್ಲಿ ಪಿತೃಗಳು ಪ್ರತ್ಯಕ್ಷರಾಗಿ, ನೀನು ನಮ್ಮನ್ನು ಮರೆತುಬಿಟ್ಟೆ ನಾವು ಕಾಗೆ ರೂಪದಲ್ಲಿ ನೆನಪಿಸಲು ಬಂದೆವು ಆದರೆ ಓಡಿಸಿ ಬಿಟ್ಟೆ ಎಂದರು. ನಿದ್ದೆ ಯಿಂದ ಎದ್ದಾಗ ಅವನಿಗೆ ಆಶ್ಚರ್ಯದ ಜೊತೆ ಮಾಡಿದ ತಪ್ಪಿಯನ್ನು ಅರಿವಾಯಿತು. ಮತ್ತೆ ಅವನು ಕ್ರಮದಂತೆ ಶ್ರಾದ್ದ ಮಾಡಿ ಕಾಗೆಗೆ ಅನ್ನ ಅರ್ಪಿಸಿದಾಗ ಕಾಗ ಶಾಂತವಾಗಿ ಬಂದು ಅನ್ನ ಸ್ವೀಕರಿಸಿತು. ಒಮ್ಮೊಮ್ಮೆ ಕಾಗೆಗಳು ಕೊಡುವ ಕಿರುಕುಳು ಪಿತೃ ಕಾರ್ಯದ ಎಚ್ಚರಿಕೆ ಆಗಿರ ಬಹು ದು. 

                                                                            PIC-2

ಇನ್ನೊಮ್ಮೆ ಹೀಗೆ ಒಬ್ಬ ರಾಜ ಹಿರಿಯರ ಶ್ರಾದ್ಧ ಮಾಡಿ ಸಿದ್ಧಪಡಿಸಿದ ಅನ್ನವನ್ನು ಕಾಗೆಗಳಿಗೆ ಇಟ್ಟಾಗ ಅವು ಬಂದು ತಿಂದವು. ಹಾಗೆ ಹೋಗುತ್ತಿ ದ್ದ ಒಬ್ಬ ವ್ಯಕ್ತಿ ಏನು ಮೂಢನಂಬಿಕೆಯೋ, ಕಾಗೆಗಳು ಬಂದು ತಿಂದರೆ ಏನು ಪ್ರಯೋಜನ, ಇದರ ಬದಲು ಹಸಿದವನಿಗೆ ಅನ್ನ ಕೊಟ್ಟರೆ ಎಷ್ಟೊ ಪುಣ್ಯ ಬರುತ್ತದೆ ಎಂದನು. ಅದಕ್ಕೆ ರಾಜ ಹೇಳಿದ,‌ ನೀನು ಕಾಣುವ ‘ಕಾಗೆ’ ಸಾಮಾನ್ಯವಲ್ಲ ಅದು ಪಿತೃಗಳ ಪ್ರತಿನಿಧಿ. ನಮ್ಮ ಅಹಂಕಾರಕ್ಕೆ ಔಷದ ಮತ್ತು ಮರೆಯಾದ ಋಣಕ್ಕೆ ಸ್ಮರಣೆ ಈ ಕಾಗೆಯ ಮೂಲಕವೇ ಪಿತೃಗಳು ತಮ್ಮ ಆಶೀರ್ವಾದವನ್ನು ತಲುಪಿಸುತ್ತಾರೆ. 

ಹಿರಿಯರಿಗೆ ಸಲ್ಲಿಸುವ ಗೌರವವನ್ನು ಕಾಗೆ ಮೂಲಕ ಮೂಲಕ ತಲುಪಿಸುತ್ತೇವೆ ಇದನ್ನು ಕೃತಜ್ಞತೆಯ ಬಾಂಧವ್ಯ ಎನ್ನುತ್ತಾರೆ ಎಂಬ ರಾಜನ ಮಾತು ಎಲ್ಲರ ಮನಸ್ಸನ್ನು ಬದಲಾಯಿಸಿತು. ಆನಂತರ ಎಷ್ಟು ಬದಲಾಯಿ ತೆಂದರೆ, ಕಾಗೆ ಬಂದು ಅನ್ನ ಸ್ವೀಕರಿಸುವುದು ಸಾಮಾನ್ಯ ವಿಷಯವಲ್ಲ. ಅದು ಪಿತೃಗಳ ಸಂಸ್ಕೃತಿ ಹಾಗೆ ಮಾಡುವುದು ನಮ್ಮ ಕರ್ತವ್ಯ ಸ್ಮರಣೆ ಹಾಗೂ ಪೂರ್ವಜರ ಆಶೀರ್ವಾದದ ಸಂಕೇತ. ಕಾಗೆಗಳನ್ನು ತೃಪ್ತಿ ಗೊಳಿಸುವುದು ಪಿತೃಗಳನ್ನು ನೆನೆಸುವ ನೈಜ ವಿಧಾನ. ಕಾಗೆ ಕೇವಲ ಪಕ್ಷಿಯಲ್ಲ ಅದು ಪಿತೃಗಳೊಂದಿಗೆ ನಮ್ಮನ್ನು ಜೋಡಿಸುವ ಸೇತುವೆ. ಪಕ್ಷ ಮಾಸದಲ್ಲಿ ಕಾಗೆಯ ಬರುವಿಕೆ ಪಿತೃಗಳ ಸಂತೃಪ್ತಿ ಆಶೀರ್ವಾದ ಮತ್ತು ಬದುಕಿನಲ್ಲಿ ಶಾಂತಿ ಎಂಬ ನಂಬಿಕೆ ದೃಢವಾಯಿತು.

ಕಾಕರೂಪೇ ಪಿತೃಯೋಗಃ,
ಕಾಕದ್ವನ್ಯೇ ಪಿತೃ ಸ್ಮೃತಿ,
ಭಾವ ತೃಪ್ತ್ಯಾ ತೃಪ್ತಿರೇಷಾಂ
ಸುಖ ಶಾಂತಿ ಕುಲೇ ಭವೇತ್!!

ಕಾಗೆ ರೂಪದಲ್ಲಿ ಪಿತೃಗಳ ಸಂಪರ್ಕವಿದೆ. ಕಾಗೆಯ ಧ್ವನಿಯಲ್ಲಿ ಅವರ ಸ್ಮರಣೆ, ಶ್ರದ್ಧೆ ಹಾಗೂ ಭಾವದಿಂದ ಅರ್ಪಿಸಿದರೆ, ಪಿತೃಗಳು ತೃಪ್ತರಾಗಿ ಕುಟುಂಬಕ್ಕೆ ಶಾಂತಿ ಸುಖ ಕೊಡುತ್ತಾರೆ.


ಪಿತೃಪಕ್ಷ , ಪಿತೃಸ್ಮರಣೆ, ಪಿತೃಆರಾಧನೆ

-------------------------- Hari Om --------------------------