Triveni Stothram -- ತ್ರಿವೇಣೀಸ್ತೋತ್ರಮ್

 

ತ್ರಿವೇಣೀಸ್ತೋತ್ರಮ್---- Triveni Stothram

 

 

Kumbha mela period from 13th January 2025 to 26th February 2025

During the Kumbha mela period if one Recites daily these following Triveni Stothram & he gets Punya or Virtue equivalent to one who Physically Visited Kumbha mela and had Bathing or Snana in Triveni Sangam which has confluence of 3 Rivers – Ganga – Yamuna & invisible Saraswati.

 

                                                       Triveni Sangam

 

ನಾಳೆಯಿಂದ ಕುಂಭಮೇಳ. ಈ ಸ್ತೋತ್ರವನ್ನು ಹೇಳಿಕೊಂಡರೆ ತ್ರಿವೇಣಿ ಸಂಗಮದಲ್ಲಿ ಸ್ನಾನ ಮಾಡಿದಷ್ಟೇ ಪುಣ್ಯ ಲಭಿಸುತ್ತದೆ. ಹೇಳಿಕೊಳ್ಳಿ ಆದವರು.

 

                                                   another picture of Triveni Sangam

 
 

ತ್ರಿವೇಣೀಸ್ತೋತ್ರಮ್ ---- Triveni Stothram

ಮುಕ್ತಾಮಯಾಲಂಕೃತಮುದ್ರವೇಣೀ ಭಕ್ತಾಭಯತ್ರಾಣಸುಬದ್ಧವೇಣೀ ।
ಮತ್ತಾಲಿಗುಂಜನ್ಮಕರನ್ದವೇಣೀ ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ ॥ 1॥

 

ಲೋಕತ್ರಯೈಶ್ವರ್ಯನಿದಾನವೇಣೀ ತಾಪತ್ರಯೋಚ್ಚಾಟನಬದ್ಧವೇಣೀ ।
ಧರ್ಮಾ-ಽರ್ಥಕಾಮಾಕಲನೈಕವೇಣೀ ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ ॥ 2॥

 

ಮುಕ್ತಾಂಗನಾಮೋಹನ-ಸಿದ್ಧವೇಣೀ ಭಕ್ತಾನ್ತರಾನನ್ದ-ಸುಬೋಧವೇಣೀ ।
ವೃತ್ತ್ಯನ್ತರೋದ್ವೇಗವಿವೇಕವೇಣೀ ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ ॥ 3॥

 

ದುಗ್ಧೋದಧಿಸ್ಫೂರ್ಜಸುಭದ್ರವೇಣೀ ನೀಲಾಭ್ರಶೋಭಾಲಲಿತಾ ಚ ವೇಣೀ ।
ಸ್ವರ್ಣಪ್ರಭಾಭಾಸುರಮಧ್ಯವೇಣೀ ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ ॥ 4॥

 

ವಿಶ್ವೇಶ್ವರೋತ್ತುಂಗಕಪರ್ದಿವೇಣೀ ವಿರಿಂಚಿವಿಷ್ಣುಪ್ರಣತೈಕವೇಣೀ ।
ತ್ರಯೀಪುರಾಣಾ ಸುರಸಾರ್ಧವೇಣೀ ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ ॥ 5॥

 

ಮಾಂಗಲ್ಯಸಮ್ಪತ್ತಿಸಮೃದ್ಧವೇಣೀ ಮಾತ್ರಾನ್ತರನ್ಯಸ್ತನಿದಾನವೇಣೀ ।
ಪರಮ್ಪರಾಪಾತಕಹಾರಿವೇಣೀ ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ ॥ 6॥

 

ನಿಮಜ್ಜದುನ್ಮಜ್ಜಮನುಷ್ಯವೇಣೀ ತ್ರಯೋದಯೋಭಾಗ್ಯವಿವೇಕವೇಣೀ ।
ವಿಮುಕ್ತಜನ್ಮಾವಿಭವೈಕವೇಣೀ ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ ॥ 7॥

 

ಸೌನ್ದರ್ಯವೇಣೀ ಸುರಸಾರ್ಧವೇಣೀ ಮಾಧುರ್ಯವೇಣೀ ಮಹನೀಯವೇಣೀ ।
ರತ್ನೈಕವೇಣೀ ರಮಣೀಯವೇಣೀ ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ ॥ 8॥

 

ಸಾರಸ್ವತಾಕಾರ-ವಿಘಾತವೇಣೀ ಕಾಲಿನ್ದಕನ್ಯಾಮಯಲಕ್ಷ್ಯವೇಣೀ ।
ಭಾಗೀರಥೀರೂಪ-ಮಹೇಶವೇಣೀ ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ ॥ 9॥

 

ಶ್ರೀಮದ್ಭವಾನೀಭವನೈಕವೇಣೀ ಲಕ್ಷ್ಮೀಸರಸ್ವತ್ಯಭಿಮಾನವೇಣೀ ।
ಮಾತಾ ತ್ರಿವೇಣೀ ತ್ರಯೀರತ್ನವೇಣೀ ಶ್ರೀಮತ್ಪ್ರಯಾಗೇ ಜಯತಿ ತ್ರಿವೇಣೀ ॥ 10॥

 
ತ್ರಿವೇಣೀದಶಕಂ ಸ್ತೋತ್ರಂ ಪ್ರಾತರ್ನಿತ್ಯಂ ಪಠೇನ್ನರಃ ।
ತಸ್ಯ ವೇಣೀ ಪ್ರಸನ್ನಾ ಸ್ಯಾದ್ ವಿಷ್ಣುಲೋಕಂ ಸ ಗಚ್ಛತಿ ॥ 11॥

 

---------- ----------- ---------- ---------- ------------ --------- ----------- -----------

 

                                                          Pic -1
 

 

                                       Migratory Birds over Triveni sangam
                                   

ಇತಿ ಶ್ರೀಮಚ್ಛಂಕರಾಚಾರ್ಯವಿರಚಿತಂ ತ್ರಿವೇಣೀಸ್ತೋತ್ರಂ ಸಮ್ಪೂರ್ಣಮ್

------------- Hari Om --------------